استاذات المستوى الرابع =)

[hallo]

بسم الله الرحمن الرحيم
السلام عليكم ورحمة الله وبركاته
بنات لو سمحتو ممكن تفيدونا بخبراتكم السابقه عن افضل الاستاذات للمواد التالية =)
..وكمان لو تعطونا قصة حياة كل مادة بشكل مختصر نكون لكم من الشاكرين ..
برمجة 2 (cpcs203) , تراكيب متقطعة1 (cpcs222) , التالتة اعتقد انه اسمها مقدمة في تقنية المعلومات

[انين الطيف]

upppp ..
للمعلومية بالشعب نازل اسماء الاستاذات برمجة 2 (cpcs203) : غادة الدباغ كل الشعب ..
تراكيب متقطعة1 (cpcs222): اسماء الشنقيطي .. ومبادئ تقنية مانزل شي ..
ياليت اللي تعرف عنهم شي تفيدناااا ...
مشكووووورين مقدماااا ,,,

[XxX..sMHr..XxX]

مبرووك التخصص
احم احم ..بالنسبة للتراكيب المادة تعتمد على الفهم واوقاات في اشياااء تحاولي تفهميها بس ماترضى تخش مخك فـ بالتالي تحفظيها زي ماهياا هيا زي الماث تقريبا
المهم من جدددد ياحظكم المادة ذا السمستر ماسكينها سمر و اسماء يعني اترحمتو من سهى
انا مادرستني اسماء بس كثييير يمدحوها اما بالنسبة لسمر درستني برمجه 1 طبعاا ذي الانسانه توب ماشالله عليها تحاول توصلك المعلومة وتفهمك قد ماتقدر فأتوقع لما تمسك التراكيب حتكون على نفس النظام .. اهم شي زاكرو اول بأول وحلو التمارين اللي ورا كل شابتر على ايام سهى كانت تجيب الاسئلة منها >>اكشخ ياللي ينصح


اما الجافا
اقول ولا مااقووول انا راح اقوول لأنك سألتي ..
الدكتورة غادة جديدة جات الجامعه السمستر اللي فات بأختصااار الدكتورة مرررهـ يهمها طريقة تفكيرك بالحل اكثر من الحل نفسو يعني لو الحل كلو صح مو مهم عندها اهم شي الخطوة فلانه العلانيه اللي هنا ليييه حطيتيها
هوا صح بس لييه حطيتيها تقولك ماكان له داعي انتي كذاا قاااعده تتعبي الكومبايلر >>حسيت انو انساان حقيقي
نفسي اشررح واقوول اكثثثر بس ماابغى اعقدكم
ماابغى اخوفكم من المادة او من الدكتورة بس عن نفسي الوضع معاها كان جدااا جداا مأسااااوي
اسئلتها بالاختبار كلها اكتبي برنامج ماتجيب صح وخطا واختاري تقول هذي تعتمد عالحظ وهيا ماتبغى كذا تبغى تشووف تفكيرنا
وكانت تعطينا واجبات كل فترة وتعمل كويزات فجأة يعني ممكن تكون تشررح شي بعدين تقول يلا طلعو ورقة واكتبي كذا كذا
ممكن بونس فجاة
امممم ايش كمان
شوووفي والله ماابغى اخوف احد من ردي ولكن انا كتبت الرد عشااان تكونو جداا حريصين معاها عالمادة ولو مافهمتو شي روحولها المكتب تشرحلكم حطو ميتين بالمية من جهدكم بالمادة
ان شالله تراااعيكم ويكوون وضعكم مررره احسن مننا بحكم انها ماسكة كل الشعب وعددكم يمكن اكثر مننا نحنا كنا 25 بنت تقريبا
واخر شي عشاان اريحك اكثر في بنات جابو معاها اي و بي وكل الحروف موجوده ان شالله فالكم الفل مااارك يارب
الجافا تعتمد بشكل كبييير على برمجه 1 وكتااابها لماتقرأيه تقدري تفهمي منو اشيااء كثيرة ولو سألتي اي بنت عن الجافا حتقولك الله يا نااااسو عليها من ماادة >>ماعدا بنات السمستر اللي فات

ترااا لوتبي اتكلم اكثر قوليلي مافي مانع >>حلا هوا

وبخصوص التقنيه ماعندي فكرة لأني نظم

دوبي انتبه انك قلتي بأختصااار ههههههههــ وانا قلبت الرد قصة

[شيهانه جهينه]

معليش للاخت صاحبه الموضوع بسس حبيت اسال XxX..sMHr..XxX
انا تخصصت نظم وعن قناعه بهذا التخصص
وبما انك من السابقوون اتمنى تعطيني فكره عن مواد السيمستر الرابع
وايش المواد الي تحتاج لها جهد مضاعف وانطباعك ككل عنها

[hallo]

XxX..sMHr..XxX يعطيك العافية ماقصرتي ياحلوة =)
..بس خوفتيني شويه من استاذه غاده ..ع فكره للحين ماتخصصنا بس من باب التفاؤل والاستعداد لنفسي ..
شيهانه جيهنه عادي ولو خذي راحتك

[XxX..sMHr..XxX]

المشاركة الأصلية كتبت بواسطة شيهانه جهينه معليش للاخت صاحبه الموضوع بسس حبيت اسال xxx..smhr..xxx انا تخصصت نظم وعن قناعه بهذا التخصص وبما انك من السابقوون اتمنى تعطيني فكره عن مواد السيمستر الرابع وايش المواد الي تحتاج لها جهد مضاعف وانطباعك ككل عنها

ممممممـ..السمستر الرابع

تاخذي فيه ثقافة وعربي والجافا سبق ذكرها فوق ومبادئ نظم وبزنس 1

ثقافة 2 وعربي 1 يوووه من زمان عنهم بس مواد عامه ما منها خوف ان شالله ..

بالنسبه لمبادئ نظم اخذتها مع أ: صالحه ماليزيه ماتعرف عربي كلو بالانقلش و المادة عبااارة عن حفظ فيعني لازم اول بأول بالمزاكرة لأنو معلوماتها جداا كثيرة .. الدرجات معاها كانت مقسمة 15 للاختبار و 40 نهائي و 20 لاب و25 واجبات

عشان تجيبي درجة حلوة ان شالله مثل ماقلت ذاكري اول بأول والواجبات احرصي تسلميها كاملة وصح عشان تضمني درجتها..الاختبار الاول ابذلي كل جهدك عشان تجيبي ال 15 كاملة

..الاستاذه أسألتها واضحة تقريبا ولو في سؤال مو واضح وسألتيها حتوضحلك ايش المطلوب .. واللاب اشتغلنا فيه على برنامج اكسل واكسس و دريم ويفر ..كان ممل اللاب ويجيب النووم ..بس سهل ان شالله..



البزنس اخذتو مع استاذه صايمه جدااا تهبل ذي الاستاااذه ياناس عليها >>مو لله عشان درجتها حلوة بس


ع حسب معلوماتي الاستاذة خلاص ماعاد بتمسك المادة تاني اي صح البزنس كمان يعتمد عالحفظ ماكان عندنا كتاب كنا نزاكر من السلايدز ..



تراا انا والخطة مهبلين فـ بعض >>اعلمك اني مو ماشيه عليهاا

ممممــ انا هذاا رأي وان شالله غيري يفيدك اكثر ..

[XxX..sMHr..XxX]

المشاركة الأصلية كتبت بواسطة hallo xxx..smhr..xxx يعطيك العافية ماقصرتي ياحلوة =) ..بس خوفتيني شويه من استاذه غاده ..ع فكره للحين ماتخصصنا بس من باب التفاؤل والاستعداد لنفسي .. شيهانه جيهنه عادي ولو خذي راحتك

والله مااابغى اخوف احد
بس ذا رأي المادة من جدد يبغالها جهد مع ذي الدكتورة ..
مدري اذا فـ احد من البنات راح يخالفني رأي ..

[بنوته كيوت خدودها توت]

السلام عليكم
بالنسبة لأستاذات المستوى الرابع
انا مع xxx..smhr..xxx في كل كلمة قالتها
بس بالنسبة لدكتورة غادة حابة أقول انه هي ترى مو شريرة بالعكس ترى هي مرررررة حنونة ومررررة إنسانة أخلاق فوق ماتتصورو
وحابة أضيف هي من النوع اللي تحب الطالبة اللي تسأل واللي تروحلها المكتب اذا مافهمت شي يعني اللي ماتفهم شي لاتستحي وتقول لا هي شديدة ومن ذا الكلام
العكس تماما هذي الدكتورة مررررة تحب اللي مهتم بالمادة واللي يسأل وتعتمد كتير زي ماقالت الأخت على حكاية التفكير بس لاتخافو ربي كريم وهي ماتقصر ان شاء الله
والله يوفقكم ويوفق الجميع ان شاء الله

[diamond purity]

لو تراكيب متقطعه مع اسما الشنقيطي خديييييييها على طول واتوكلي
المهم اي استاذه الا استاذه سهى
لانه لو اخدتيها مع سهى بتكرهي عمرك وحياتك وبتكرهي الماده
مع انها ماده في منتهى السهوله وكلها رياضيات
لكن للاسف سهى لا شرح ولا معامله حسنه وهادا شي مررررررررررررا احبطني وجابلي الاكتئااااااااب في هادي الماده ومرا نزل مستوايا بسببها الله لا يعيدها من ايام
بس لو مع غيرها فاتوكلي وان شاء الله بتنبسطي
اما تقنية المعلومات ماده مرا حلوه ومفيده صراحه هيا طويله شويه وفيها تكاليف كثيره بس ان شاءالله استاذه انتصار تسهلها عليكم بعد تساهيل ربنا
ومبروك التخصص