بيوكميائيه في مستشفى الولادة

[.vib]

ابغى احكيكم عن الشي الا سار معاي في مستشفى الولادة

اول شي انا طالبة كمياء حيوي قدمت اوراقي لمستشفى الولادة عشان ابغى اتدرب وبالفعل قبلوا اوراقنا

المهم بدينا التدريب في 15-7 المهم يوم دخلنا المستشفا وجلسنا نعبي الاوراق ونفتح ملف عشان نبدا التدريب قلنا مدير المختبر راح ادربكم 6 اسابيع عشان تستفيدوا

المهم يوم كملنا اسبوعين قال خلاص تدريبكم بس 4 اسابيع عشان المختبر زحمه

والحين رجع وقال خلاص انتوا ادربتوا اسبوعين ونص الحين لازم تخرجوا

المهم نادانا وكتب اسماءنا سالناه ليش قال ليش تسالوا في ايش يهمكم والله بدا الاسلوب

غير اسلوبه في التعامل معانا اسلوبه جدا سيء يوم نناقشه في الشي نبغا نتعلمه يقول انتوا تدريبكم دا مالوا داعي اصلا مادتكم بكبرها مالها داعي

المهم كلمنا دكتوره صفاء وحكيناها قامت اخدت رقموا ودقت عليه وقالت له البنات مااستفادوا شي

قال خلاص ح ادربهم اسبوعين كمان

المهم رجع جمعنا وقال انتوا ايش تبغوا تبغوا تقعدوا في المستشفى؟

قولنا لا بس احنا ورانا ريبورت نكتبه ومااستفدنا شي قام قال خلاص تعالوا يوم السبت وبسرعه شوفوا الشي الاتبغوه وخلاص لا تداوموا تاني

سبحان الله ناس ماعندها التزام ب الكلمة الا تقولها

استنا رايكم في الموضوع

[.vib]

معقوله 22 مشاهده ولا رد

ولا حتى جبر خاطر

[بيو كيميائية ^_^]

واو

قليل أدب

جيبوهـ لي وأنا أتهاوش معاهـ >>عصبت

من زينه

شوفي برا التقدير والإحترامـ والتعليم

وعندهم البايوك حاجة عظيمة ومايقللون من قدر أي تخصص

وغير كذا برا البايوك تبع الكليات الصحية

قليل الأدب هذا من فين

الله لايوفقه

سوري توني أشوف الموضوع

[وفاء جدة]

الله يعينك أختي..
بصراحة اهم الاسلوب والتعامل في التعليم
وبعدين هو اش خانته عشان يعيب في الاقسام
استغفر الله بس

[الحياه نايس]

انا كذا تعقدت اكثر
انا اساسا متعقده من القسم
والله ما ادري اش اعمل وربي حايسه <<اعذروها ماتدري اش تقوول من هول ما قرأت

[الحياه نايس]

انا كذا تعقدت اكثر
انا اساسا متعقده من القسم
والله ما ادري اش اعمل وربي حايسه <<اعذروها ماتدري اش تقوول من هول ما قرأت

[جناان]

وي ليه يسوي شئ زي كدا هوا ملزوم انو يدربكم
طيب ماتقدرو تغيرو المسؤول عن تدريبكم يمكن في غيرو احسن

[روح الغلا]

غريبة الولادة من احسن المستشفيات في التدريب بس شوفي ياعسل
اولا\اذا الي قلك مدير الختبر او الهيد سوبرفيزر روحي للي اعلى منه الي هما حسب المستشفى يا حيكونوا مدير شؤون الموظفين او وحدة التدريب والتعليم اول شئ اجتمعوا مع بعض حددوا محاور مهمة مثلا حقكم في التدريب وانه مادة اجبارية وان انتوا داومتوا بناء على اتفاق مسبق بمدة التدريب وزمانه وهذا الالتزام لازم يتم من الطرفين انتوا وهما كونوا صاحبا ت حجة اساليهم على اي اساس تم قبول جميع المتدربين اذا ماكان في امكانية للتدريبهم وانهم كدا قفلوا الطرق عليكم للالتحاق باي مختبرات اخرى نظرا لان جميع المسستشفيات الاخرى اكتفت للاتزامهم بمتدربيهم
ثانيا\مافاد قابلوا المدير التنفيذي للمستشفى وناقشوا نفس المحاور
ملاحظات 1-كونوا هادئين لابعد الحدود مهما كان الرد اي استفزاز من جهتكم يضيع حقكم
2- كونوا واثقين جدا من حقكم طبعا حتقولي احنا واثقين بس الثقة الى انا اقصدها البودي لانقويج تبعكم الي حيشوفها المدير نظرة عينكم لازم توحي بالثقة والهدوء جلستكم حركات ايديكم
3- لا تروحوا كلكم اختاروا اثنين يمثلوكم او 3 بالكثير لمن تدخلوا القوا السلام وعرفوا بانفسكم ولو طلع قليل الادب وماطلب انكم تقعدوا اطلبوا بكل ادب الدنيا انكم تجلسوا وماحيقدر يقول غير اتفضلوا وهذه الخطوة مهمة عشان التواصل بينكم وسموا باسم الله وناقشوا بهدوء
لمن قلت هددوا بذكاء اقصد لايكون مباشر بتلميح وبعد ماتكون قلت كل الطرق والابواب يعني مثلا بوزارة الصحة لانه هذه المستشفى ماتحترم ا لتزاماتها بس غالبا يكون حسب ردة فعله حتعرفوا فين جرحه وتهددوا فيه لو مانتوا قدها لاتعملوها بس الاهم لاتستسلموا من الاساس المؤمن القوي احب الى الله من المؤمن الضعيف
وتاكدي حبيبي ان هذه ماهي فلسفة انما بناء على خبرات وتجارب سابقة واحرصوا انكم تعطوا انطباع تمام عن قسمنا وصورة حلوة
ويارب ينصركم وحسبنا الله ونعم الوكيل

[روح الغلا]

[quote=بيو كيميائية ^_^;2444555]واو

شوفي برا التقدير والإحترامـ والتعليم

وعندهم البايوك حاجة عظيمة ومايقللون من قدر أي تخصص

وغير كذا برا البايوك تبع الكليات الصحية

معاك من ناحية الاحترام كلام مظبوط مليون بالمية اصلا يعتبروهم عباقرة وعلى قولة اخوانا السوريين لهم في كل قرص عرس
هناك البيوكيمائي يشتقل حتى في ناسا وعنصر مهم عندهم
من ناحية كليات صحية حبيبي حتى هنا في بيوك في كلية الطب ولو كنت اعرف كنت دخلت الطب من البداية انا كان على بالي بس جراحة وباطنية واطفال وكدا قدر الله وماشاء فعل والحمدالله

[najjo]

صراحة الراجل دا ما ينسكتلو خير ما روحتو تشحتو منو يدربكم
وبعدين منجد ازا مايقدر يدرب اقلها يتكلم باسلوب حلوو
وانا اشوف الدكتورة صفاء لازم تتصرف بطريقة انو لا هوا ولا غيرو يظلمو احد بعد كدا