استفسار عن الكتــب سنــة ثآنيــــة أسنــان :)

[shahooodaa]

مرحبا
رمضـان كـريم
نسأل الله بأن يعتقنا من نار جهنم ويدخلنا جناته
كيـفكم يا دكاترة ؟ ان شاء الله تمام

حبيـت استفسر عن كتب سنة ثانيـة أسنان , حبيت أعرف يعني كيف كان النظام
هل كل المواد تطلبت كتب وكم كتاب تقريبا استخدمته ؟
وهل في ملازم او اشياء معينة تنصحونا فيها
اتمنى تجاوبوني ولكم جزييييييييييل الشكر

[Dr~NanoOok]

اللهم آمين للجميع

وأجعلها خير الأيام باذنك يا الله

~

على أيامنا الكتب اللي احتجناها واشتريناها

كتب الهيستولوجي و الامبريولوجي
وهي من اصدار الجامعة .. يعني كتابها دكاترة من جامعتنا
تشتريها من مكتبة دار حافظ

اسمها بالضبط مو متزكرته..
لكن الدكاترة أول الترم حيقولوكم عليه

بالنسبة للاناتومي
ففيه كتاب سنل .. حلو وفيه شرح وجداول حلوة .. وفادنا أكتر شي في جزئية head & neck

وهذه صورة الكتاب


وبرضو أطلس الاناتومي مره حلو وبيساعد كتيييير في المزاكرة
وهذا هو


~

وبالنسبة لمادة الأسنان Dental anayomy
ما يحتاج تشتري الكتاب حقه.. والشيتات مره كويسة + النوتز اللي تكتبيها مع الدكاترة في المحاضرة


~

أما الملازم.. فأغلبها من الدكاترة نفسهم أو اي شي ناقص خدوها من الدفعة اللي قبلكم
وإن شاء الله واحدة من اللي كانوا بسنة ثاني العام تفيدك أكثر بهذا الخصوص

بالتوفيق

[shahooodaa]

مرررة تسلمي حياتي يعني تقريبا اي ملزمة حتكون من الدكاترة نفسهم ما نحتاج شي اضافي من برة نجيبه الحمدلله :) ، واتمنى برضو حدا من بنات الدفعه الي قبلي تعطينا فكرة اضافيه زي ما قلتي بس مرررةة تسلمي والله يعطيكي العافيه يااارب

[dina A]

احنا بالنسبة لينـا كنا في الأاتومي أول السنة من كتاب اسمو fundamentals of systemic anatommy
بس هادا الشي طبعا يمكن أول شهر تقريبا لأنو هو عام يعني ما أخدناه كلو أشياء بسيطة بس وبعدين ترجعي لشيتات الدكاترة وتخلي مرجعك snell للصور ولا عشان تفهمي شي أكتر بس عموما مزاكرتنا كانت أغلب شي من الشيتات ..
وبالنسبة للهستو كانت في كتابين صغيرة واحد للنظري وواحد عملي يعني نرسم فيه اسمو general histology
أما الامبيريو كان في كتاب بس مو كلنا أشتريناه كنا نكتفي بشيتات الدكاترة لأنها نفس الشي تقريبًا وتكفي في المزاكرة
والبايو كان في كتاب اسمو lippincott's بس ما كنا نعتمد عليه كتير لأنو برضو نزاكر من الشيتات بس هوا اسلوبو بسيط يعني لو في شي ما فهمناه من الشيتات نرجعلو شرحو حلو
اش باقي الدنتال طبعا الشيتات هيا مصدر المزاكرة بس الشيء الأهم انكم تكتبو مع الكاترة نوتس مرررة مهم بالذات في الدنتال ويمكن ما تلاحظو أهمية دا الشي الا لما تختبرو اول اختبار واحنا ان شاء الله حنفيدكم بكل الي عندنا وبس هادا الي جا على بالي دحين الله يوفقكم ويوفقنا وييسرلنا كل صعب بحق هادا الشهر الفضيل ...

[Kaira]

الله يسعدكم يا حلوين على افادتكم العطرة ^^
والله يوفقنا ويوفق الجميع ياااااااااااااااااارب ..

[shahooodaa]

dina A

تسلمي كثيـر حياتي على الافااآدة والله يعطيكي العافية على مساعدتنا
:)

[J-14]

يعطيكوا العافيه
وانشاءالله سنه حلوه والتوفيق للجميع

[DR.D]

يااااااااااااااااااااااارب يوفقكم ويساعدكم
واصير زيييكم دكتووره اسناان وتعدي السنه التحضيرييييه ع خييير
‘آل ذا بست ..