اللي يحبك م يخليك تبكين!

[الدُنيا مدرسة]

السلام عليكم ورحمة الله وبركاته أصدقائي الطيبين أسعد الله أوقاتكم ويارب كلكم بخير وصحة وعافية وبالتوفيق للي عندو اختبارات زيي :) طبعا رجعت بنزل أبياتي بعد غياب غياب كثير وأعتذر والله بس إن شاء الله أعوض قصوري.. الأبيات اللي بتقروها الآن كانت عفوية جدا جدا جدددا وكتبتها لصديقتي القريبة لقلبي البعيدة عن عيني و ما فائدة شعري إن لم أنظمه لأحبتي !! ,, إليكم الأبيات : تدرين أحبك وأدري الحين تدرين ....................... لكن بكررها وابسمع صداها انتِ الذي أهواك بين الملايين ....................... أعشق سواليفك واظل فحراها نبرات صوتك مدري تطير بي وين ! ....................... أضيع مع حكيك وأتمتم بآهاا يرقص لك الخافق غلا يوم تحكين ....................... وأقـول ياربي تطول حكاها يانعمة الرحمن بطلبك تكفين ....................... حاجة أبيها منك مابي سواها ماهو طلب للنفس وآبغى تسوين ....................... لكن بتسعد لو تحقق مناها ما ودي اشوفك من الحزن تبكين! ....................... ولا أشوف بوسط عينيك ماها و انتبهي لنفسك ترى الناس لاهين ....................... ومهما عطت ماهوب دايم عطاها اللي يحبك م يخليك تبكين! ....................... واللي يبي روحك يدوّر رضاها المسأله ماهي غلا يوم يومين ....................... لأن المحبة لا حدود لمداها وأكبر دليل إنك بعيدة عن العين.. ....................... والشاهد الله كيف روحك غلاها.. وأحلف برب البيت, والناس, والدين.. ....................... واللي خلق روحي وحبك عطاها.. تبقى معك روحي مثل م تودين ....................... و ما تفارقك - إلا اذا الموت جاها- وأنا أحبك وأدري الحين تدرين.. ....................... لكن بكررهــا وبسمع صداهــااا.  بقلمي :الدُنيا مدرسة ودمتم بخير المولى ~