ضروري وعاجل جدا لطلاب وطالبات المستوى الثامن

[men]

السلام عليكم ورحمة الله وبركاته
من دون اي مقدمات احنا طالبات المستوى السابع نحتاج مساعدتكم مرة بانسبه لاختيار المسارات اللي فهمنا وعرفنا لما الان انو هما مسارين مفتوحين
ولكل مسار 3 مواد اقدر اخد مواد المسار كلها واقدر انوع بين المسارين..
صح ولا لا دا الكلام؟؟
ثاني شي نبا الفرق بينهم (مبسط جدا )
وهل ياطالبات انو مسار دعم اتخاذ القرار ماسكتو دكتورة صالحة وانو المواد لهذا المسار زي مادة دكتورة صالحة(اول ليفل في الاي اس )cpis220
وبانسبة للمسار الثاني (مسار الانظمة الالكترونية)المواد حقتو زي مادة دكتور احتشام اللي اخدناها في ليفل 7 (cpis358)
الله يجعلو في موازين حسناتكم لكل طالب وطالبة را ح يجاوبو علينا
والله يوفق الجميع يارب :)

[men]

نبغى ردود في اسرع وقت ممكن ازا سمحتو
واكيد حاندعيلكم من قلب
ومن فرج عن مسلم كربة من كرب الدنيا فرج الله عنه كربة من كرب يوم القيامة
والله الموفق

[massy]

وعليكم السلام ورحمة الله وبركاته

بالنسبة للسؤال الاول عن المسارات كلامك صح
وللمزيد من التوضيح اذا اخذتي 9ساعات مواد في مسار واحد تحصلي على شهاده إضافيه في هذا المسار
وانا شخصيا سمعت الدكتور دانيال (رئيس القسم) يقول ممكن تاخذ 6 ساعات في مسار و6 من المسار الثاني
خلاصة القول تستطيع تاخذ من المسارين المهم تخلص 9 ساعات اختياريه

[men]

افهم من كلامك انو الافضل ناخد ال9 ساعات في مسار واحد صحيح؟
ولو اخذت 6 ساعات من مسار و 6 ساعات من مسار ثاني كدا صارو 12 ساعة يعني 4 مواد بدل 3 مواد هل كدا ينفع؟

مرة اسفة زودتها في الاسئلة بس محتاجين ردودكم
وشكرا على ردك


بالتوفيق للجميع

[massy]

افهم من كلامك انو الافضل ناخد ال9 ساعات في مسار واحد صحيح؟
لا ما اقصد انه افضل انك تاخذي مسار واحد بس اذا كنتي ترغبين في الحصول على شهاده في المسار لازم تاخذي 9 ساعات في المسار -اي كامل مواد المسار-


وممكن تنوعي تاخذي من هنا وتاخذي من هنا مثلا مادتين من dss وماده من e-system


ولو اخذت 6 ساعات من مسار و 6 ساعات من مسار ثاني كدا صارو 12 ساعة يعني 4 مواد بدل 3 مواد هل كدا ينفع؟

نعم تقدري تنزلي 12 ساعة اختياريه - اذا عندك الرغبه والقدره في دراسة 12 ساعة يعني يعتمد على القدره
وطبعا ان سمعت الدكتور دانيال يقول ممكن تاخذ 6 من هنا و6 من هنا
يعني تاخذي مادتين اختياريه في ترم ومادتين في الترم اللي بعده بس هذا اذا انتي قادره تجيبي فيها درجات
بس ما اضن تقدري 9 من هنا و9 من هنا يعني تغطي كامل المسارين . مشــــــــــــــــــــــــــــوار
واذا في شي مواضح في اسئلي عادي

اتمنى لك التوفيق ولا تنســـــــــــــــــــــــــــــــــــــــــــــــ ينا من الدعــــــــــــــــــــــــــــــــــــــــــــــ ــــــــاء

[men]

الله يجعلو في موازين حسناتك يارب شكرا جزيلا ماقصرت في التوضيح
سؤال اخييير:
بما انك مستوى ثامن يعني اخذت مواد احدى المسارات اش المادة اللي اخذتها وكيف كانت(نبذة بسيطة عنها) اذ ممكن

ولا يوجد مسار افضل من مسار اخر اقصد من ناحية الشهادة العلمية وفي المجال الوظيفي(يعني اش المرغوب اكثر من الثاني)

[massy]

طبعا كل مسار له دكاتره لهم تأثير في صعوبة المسار من سهولته
واغلب الطلاب اللي اعرفهم اخذو ساعات من المسارين
هذا الرابط فيه وصف للمسارات اللي في is :
http://www.kau.edu.sa/Files/61118/Fi...S_Brochure.pdf

[men]

شكرا اخوي ويعطيك الف عافية
ماقصرت

ياريت البقية اللي درسوا مواد احدى المسارات يردوا
انطباعهم عن المواد وافضل الدكاترة بالنسبة للطالبات؟؟
يعني ماراح يكلفكم شي لو جاوبتو على اسئلتنا كل اللي في مرحلتنا محتاجين ردودكم ومساعدتكم
احتسبوه لوجه الله تعالى:)


والله يوفقنا جميعا