حلمك بعد دراسة الطب العــــــام .. (2)

[The last word]

أن أكون هناك حيثما تكون الحاجة في المجتمع لتخصص ما تواكب ميولي الذي لم يتحدد بعد ..
وأن أبدع في مجالي مضيفاً بذلك علماً على العلم الذي أدرسه ..
لألقاكم هناك بالسويد على مائدة نوبل أيها النبلاء :)

وقتها سأهاجر إلى مكان مجهول هناك .. وسأعود بعد سنوات ..
لأكون لأناس هناك ..

[Beeshoob]

المشاركة الأصلية كتبت بواسطة meeno92 على طول تبي تتضاربي هاا هههههههههههههه عشان كذة متسوية التخصصات.. عشان كل واحد لو رأي وكل واحد لو شي يحبو

امزح يالدبه

طبعا اكيد اساسا ماحد راح يستفيد لو كلنا تخصص واحد

[ShiQ]

اممممممممم والله مافي شي مره كدا ابغاه مره

بس ممكن قلب لو ابا اتنافس واتحدى لانو مو سهل

ممكن بلاستيك سيرجيري لو ابا فلووس $_$

وممكن فاميلي مديسسن عشاان ارييح رااصي من الهم والتعب

d:

[Memo00o]

مخ واعصآب , بإذن الله ..

السبب/ حلمي من كنت صغير ..

!
وشكرن ع الموضوع <lol

[د.مشبب]

بسم الله أولاً وأخيراً
أحب أعطيكم هذه القصة .. طبعا هذه القصة عن أحد أعضاء هيئة التدريس
بأحد الجامعات المصرية الكبيرة " أنا أعرفه شخصيا " يقولي أول ماانقبل في
كلية الطب كان كل يوم عنده هدف وتخصص محدد , إلى أن وصل للسنوات السريرية
وبدأ يخش جميع الأقسام في المستشفى الجامعي " طبعا هو درس في u.s.a "
فيقول كل ما أدخل قسم أقول خلاص بأدرس في هذا القسم إلى أن جاءت سنة الإمتياز
وتخرج منها بنجاح . اتصل عليه أحد الجراحين المشهورين آنذاك , وقاله انا شوفتك
في قسم الجراحة وكانوا المشرفين عليك يمدحونك " بالإنجليزي طبعاً " وقالوا إن لك
مستقبل في الجراحه وخاصة الجراحات الدقيقة و الخطيرة , فعندنا بعد أسبوع عملية
نادرة لمريض في الأربعين من عمره في مكان حساس من مجرى البول " أكرمكم الله "
عنده . وبنجريها له في المستشفى الجامعي , والمسؤولين هناك يقولوا لازم يحضر العملية
أقل شئ 3 طلاب امتياز , فمحد رضي يجي ويحضر لأن نسبة نجاح العملية 3%
فقاله خلاص بأجي إن شاء الله . وفعلا شارك في العملية ونجحة نجاحا باهرا وغير متوقع
وسجلت لهم سابقة علمية في مجال الطب . والعملية كانت مصورة وأرسلت لجميع كليات الطب
في أمريكا و كندا لكي تدرس . بعد ذلك واصل الدكتور دراسته في جراحة الكليتين والمسالك البولية
و أصبح من أفضل الجراحين في العالم . وأنا شفت شهاداته كلها بأم عيني ...
فأهم شئ إنا نركز على دراستنا . وتروا شئ جيد وحلو إن الواحد يكون عنده حلم وطموح
وش يبغى يصير بعد التخرج .. أنا إن شاء الله أفكر في تخصص مهم ونادر ودقيق
" في رأيي أنا " وهو { العناية الحرجه }
آسف على الإطالة حبايبي .

[عبدالسلام الغامدي]

مستعجلين ليش؟؟؟

باقي قدامكم 6 سنوات

[MeeNo92]

^

ايشبك زعلان

عادي الواحد عادة يكون نفسو في تخصص او عااجبو حاليا

تلاقينا كل سنة حنغير رأينا

بس برضو حلو نشوف آراء الناس يمكن احد يقول فكرة او شي ما كانت في باالك وتخليك تغير رايك وتحب شي مختلف..

[Иiтяσgεи✿]

المشاركة الأصلية كتبت بواسطة mo3tz_bam امممم انا ان شاء الله يا اطفال يا جراحة اطفال عشان مراا احب الصغار << اهم شي لا يبكو وو مادري لو اتخصصت جراحة حدخل جراحة ايش بالزبط بس اللي خلاني اقول ابغا جراحة انو كل ما اقول لاحد عالجراحة يقولي طوييل و صعب و محا تقدر و انا لما احد يقولي ماتقدر اسوي الي قال عليه عناد بس احس لسى بدري عالتخصصات لما نبدا ندرس ممكن بعدين حنقدر نحدد ميولنا ايش و ايش حبينا اكثر شي يعني حتى ممكن اتخصص حاجا غير التخصصين دول و شكرا عالموضوع الحلو

هههههههه اهم شي انك تحب الاطفال

اذا ع الجراحة بلا منافس امتع حاجة في الطب

وكلامك صح تبع تحديد الميول بس حلو تحط لنفسك هدف وتركز اهتمامك عليه

المهم انو خلينا ع اطلاع كل ما غيرت رأيك
الحلو مرورك اخي العزيز

[Иiтяσgεи✿]

المشاركة الأصلية كتبت بواسطة majed7 إن شاء الله جراحة مخ وأعصاب .. هالتخصص جدا صعب ونادر وإن شاء الله أتعب عشان أوصله ^_^

اخي ماجد انا ماعندي اي شك انو تقدر تتخصص مخ و أعصاب
لأنك شخص مثابر ومجتهد صلاة ع النبي .. ماشاء الله

والأحلى انو ماحطيت لنفسك بديل... مخ واعصاب والا فلا

الله يكتبلك الخير
واسعدني مرورك

[Иiтяσgεи✿]

المشاركة الأصلية كتبت بواسطة 彡ys❤ry彡 i have no idea انا شايف اغلبكم يقولون نبغا تخصص معين وهو لسى مادرس شي في الطب ترى فيه ناس سنه خامس وسادس ولاحددوا ايش يبغون لسى هو شي حلو انه يكون عندك فكره مبكره عن التخصص اللي بتدخله بس فكروا في التخصص من كل الجهات يعني مثلا تخصص طب اطفال فكر زي كذا اولا شخصيه المريض بما انهم اطفال بتلقى صعوبه في التعامل معاهم شويه اذا كان يبكي ولا خايف ولا شي زي كذا بنفس الوقت حلو لما تعالج طفل ويجيك اليوم الثاني مبسوط وينطنط قدامك شعور حلو وفكر كمان دراسة الاطفال كيف بتكون وماراح تعرف هذا الشي الا لما تجرب تدرس شي عن الاطفال تخصص اورام سرطانيه مثلا حلو انك تحاول تعالج واحد من امراض خبيثه زي كذا بس كمان شوف كيف بتتعامل مع شخصيه المريض يعني بتتعامل م مرضى احتمال انهم يموتون بعد فتره بسيطه او كيف تقنع واحد يقطع او يستئصل جزء من اعضائه عشان ماينتشر المرض عنده ع سبيل المثال وقيس ع هذي المثالين باقي التخصصات وكمان حاول دايم تختار الشي اللي تحبه وتحس انك تميل له وتبغا تمشي فيه لاتختار شي لمجرد انه سهل او صعب لآن كلها تختلف من نظر شخص لآخر اختار الشي اللي انت تحب تدرسه وتحب تكون فيه ركز ع " تحبه " ماقصد من كلامي تثبيط همه احد او تخريب عليكم بس برضوا الواحد يحب يساعد اصحابه بعض الاحيان معليش كلامي مراااا طويل بس لاني ماكتب مواضيع عن شي معين اصلا الا نادرا فلما شفتكم تتكلمون عن هذا الشي حبيت اكتبه في رد احسن من اني اكتبه في موضوع مستقل << داااايم يتفلسف مادري ليه

كلامك عين العقل وينم عن شخصية واعية .. ربنا يحفظك يا دوك.

فعلا لازم ناخذ الموضوع من كافة جوانبه << بالنسبة لهذا الموضوع الله يخلي المسلسلات الطبية أنا فعلااااا اشوفها مفيدة جدا جدا.. ترفيه وتعليم



أما ع الفلسفلة .. اذا دكتور ياسر ما اتحفنا بفلسفتة نسمع لمين ؟؟!!

نور صفحتي بطلتك د. ياسر
بس بستنى منك زيارة ثانية للموضوع لما تحط ببالك شي