ابي طريقة حل مسائل الفرائض بالرياضيات من غير أله

[حلاB]

كما هو موضح ي غالين ابي الطريقه لانو فيه وحده قالت لي عليها بس نسيتها بالمره!!!!!!!!!

[haneen k]

المشاركة الأصلية كتبت بواسطة حلاb كما هو موضح ي غالين ابي الطريقه لانو فيه وحده قالت لي عليها بس نسيتها بالمره!!!!!!!!!

هلا حلا هي سهلة مع انها مسببتلي عقدة اهم شئ تعرفي نصيب كل واحد فيهم وتحفظي القوانين

لازم الة لانو ممكن يعطيكي مبلغ كبير وحتى لو الالة المبسطة راح تحلها لانو كلها قسمة وضرب و طرح وجمع

[حلاB]

فديت قلبك ي ليت تحطين لي مبلغ وتسوين الطريقه عليه لانو نسيتها بالمره وابي اشرحها لصحبتي ولا انا الحممدلله عديته وتخصص الحين بس ابي اقول لها على الطريقه


غلبتك معي

[haneen k]

المشاركة الأصلية كتبت بواسطة حلاb فديت قلبك ي ليت تحطين لي مبلغ وتسوين الطريقه عليه لانو نسيتها بالمره وابي اشرحها لصحبتي ولا انا الحممدلله عديته وتخصص الحين بس ابي اقول لها على الطريقه غلبتك معي

عادي ياقمر الناس لبعض


اول شئ عندنا الزكاة و في الكتاب ذكر فقط زكاة المال ونصابها ماقيمته ب 92 جرام من الذهب و قيمة الزكاة هي ربع العشر من المال بمعنى 1 على اربعين او 2,5 من المال او 25 على 1000



في مثال 27 صفحة 129 يبغى يعرف هوا المال بلغ النصاب او لا حنضرب 92 × 100 = 9,200 وقلك انو بلغ النصاب

حنجي لحساب مقدار الزكاة نضرب 10000 في 25 على 1000 = 250 ريال


بنسبة للورث طبعا كل واحد حيكون الزوجة = الثمن و هوا 1على 8 , الام و الاب , السدس 1 على 6 , الزوج الربع 1 على 4 ,نجي للاولاد والبنات الولد ياخد ضعف الي تاخذو البنت هذا في حالة اذا كان عندو بنات و اولاد , ونشوف دحين القانون


دحين واحد عندو زوجة واولاد ذكور طبعا الزوجة حتاخد الثمن و باقي المال الي هوا التركة يقسم على عدد الابناء , اما في حالة كان الزوج عندو زوجة و بنات وابناء طبعا الام تاخد الثمن و باقي التركة الي قولنا المال اول شئ نقسم باقي المال على عدد البنات + 2(عدد الابناء) ويطلع الناتج < ليش ضربنا 2 في عدد الابناء لانو الاولاد ياخدو ضعف الي ياخدو البنات


الكلام هذا الي فوق كلوا اذا كان عندو بنات واولاد وزوجة وام ونفس الكلام ينطبق على الزوجة ادا كان عندها ام واب و زوج و اولاد


نشوف امثلة على رجل عندو زوجة وام و اب و ابناء و بنات اول شئ نشوف نصيب الزوجة

المبلغ الي عندو مثلا = 100,000

الزوجة تاخد الثمن = 100,000 ÷ 8 = 12,500 ريال

الام تاخد السدس = 100,000 ÷ 6 = 16,666 ريال < الاب قولنا زي الام ياخد السدس يعني ياخد نفس المبلغ

دحين نشوف باقي التركة حتكون كم حنجمع نصيب الزوجة و الام و الاب و ننقصوا من 100,000 = 45,832 ريال

مثلا عندو بنتين و ولدين زي ماقلنا نقسم باقي التركة على عدد البنات + 2 (عدد الابناء) < القانون دا عشان نطلع نصيب البنت

خلينا في الي تحت عدد البنات 2 + 2(2 عدد الابناء) = حنضرب 2(2) = 4 نجمعهم مع البنات حيصيرو = 6

نقسم باقي التركة على 6 يعني 45,832 ÷ 6 = 7638 ريال

نجي لنصيب الولد حنضرب نصيب البنت في 2 يعني = 2×7638 = 15,276 ريال


دحين هذا في حالة انو زوجة و ام و اب وابناء وبنات

اما اذا الزوج ماعندو لا ابناء ولا بنات بس زوجة وام و اب الزوجة تاخد الربع 1 على 4 و الام الثلث 1 على 3 يعني ثلث باقي التركة اما الاب ياخد باقي التركة باقي المال اما ادا كانت زوجة الزوج ياخد النص 1 على 2 و الام تاخد الثلث 1 على 3 و الاب ياخد باقي التركة


نشوف مثال : تركت زوجة مبلغ 80,000 ريال طيب الزوج راح ياخد النص يعني 2÷80,000 = 40,000 ريال

نجي لنصيب الام راح ننقص 80,000 من 40,000 يعني 80,000 - 40,000 = 40,000 ريال < الام تاخذ ثلث باقي التركة مو ثلث التركة كاملة

نصيب الام 40,000 ÷ 3 = 13,333 ريال

نصيب الاب حيكون ثلثي يعني دبل الي تاخذو الام طبعا باقي التركة كاملة 40,000 حنضربو في 2 و نقسمو على 3

يعني 40,000 × 2 =80,000 ريال نقسمها على 3 = 80,000 ÷ 3= 26,666 ريال



دا الباب الي خاص بمسائل الفرائض اتمنى اكون وصلتلك المعلومة وتفيدي صحبتك

[حلاB]

واااي فديت قلبش...

تسلمين لي ما انحرم منك ياااارب...

نقلت لها شرحك والله يسعد لي قلبك ي عسل...

[haneen k]

المشاركة الأصلية كتبت بواسطة حلاb واااي فديت قلبش... تسلمين لي ما انحرم منك ياااارب... نقلت لها شرحك والله يسعد لي قلبك ي عسل...

الله يسلمك يارب