سؤالي : هل لايزال التسجيل مفتوح في الجامعة العربية المفتوحة عن برنامج الدبلوم التربوي

[Miss Hams]

^
نفس مشكلتكم

فيه احد فتح النموذج :( ؟!

[eeewy]

غريبة ايقونتهم مو مفعله طيب يعني ايش راح نسوي والله قهر ماابغى يفوتنا الدبلوم زي ام القرى و عزوز
انا بكرا ان شاءالله راح اروح للجامعة نفسها واشوف ايش الحل وراح ابلغكم ان شاءالله ^___^

[aws1111]

المشاركة الأصلية كتبت بواسطة eeewy غريبة ايقونتهم مو مفعله طيب يعني ايش راح نسوي والله قهر ماابغى يفوتنا الدبلوم زي ام القرى و عزوز انا بكرا ان شاءالله راح اروح للجامعة نفسها واشوف ايش الحل وراح ابلغكم ان شاءالله ^___^

صباح خير . لاتتعبي نفسك وتروحي ان شالله راح اتصل عليهم اليوم واتفاههم مععهم..

[Miss Hams]

^
الله يسعدك بأنتظارك

[تراكم امنيات]

ياربي من جد هذي الجامعه تلحس المخ ومابعد درسنا.....على قد ماقرأت عن طريقتهم بس موفاهمه....المهم دخلت على الالتحاق وزيكم يجيني التقويم الاكاديمي وقديم....وننتظرك aws1111 يارب يردو عليك ونفهم سالفتهم...عشان مايكون تقديم الاوراق يدوي واحنا هنا نستنى

[eeewy]

المشاركة الأصلية كتبت بواسطة تراكم امنيات ياربي من جد هذي الجامعه تلحس المخ ومابعد درسنا.....على قد ماقرأت عن طريقتهم بس موفاهمه....المهم دخلت على الالتحاق وزيكم يجيني التقويم الاكاديمي وقديم....وننتظرك aws1111 يارب يردو عليك ونفهم سالفتهم...عشان مايكون تقديم الاوراق يدوي واحنا هنا نستنى

ياقلبي يااختي الغالية aws1111 اوكي خلاص نحنا بإنتظارك راح نستنى ردك

اختي الغالية تراكم امنيات .. تخيلي التقديم يكون يدوي ونحنا ماندري ..

[eeewy]

بنات اتصلت على الجامعة العربية المفتوحة وقالولي انهم راح يحدثوا صفحة الجامعة اليوم خلال 24 ساعة وراح تشتغل معاكم الايقونات بس تمر 24 ساعة .. على فكرا ترى سألتهم كيف هيكون النظام قلي راح نعبي النموذج وهيكون في النموذج رقم الطلب المهم نطبعو ونستنى لبعد العيد راح يكون التسجيل ودفع الرسوم .. يعني لمن عبي النموذج راح يجينا رقم طلب وبكدا راح نستنى لبعد العيد عشان ندفع الرسوم والتسجيل .. يارب يسرلنا امورنا يارب وانو يكون من نصيبنا دراسة الدبلوم التربوي في الجامعة العربية المفتوحة يارب جميعنا يارب

[aws1111]

المشاركة الأصلية كتبت بواسطة eeewy بنات اتصلت على الجامعة العربية المفتوحة وقالولي انهم راح يحدثوا صفحة الجامعة اليوم خلال 24 ساعة وراح تشتغل معاكم الايقونات بس تمر 24 ساعة .. على فكرا ترى سألتهم كيف هيكون النظام قلي راح نعبي النموذج وهيكون في النموذج رقم الطلب المهم نطبعو ونستنى لبعد العيد راح يكون التسجيل ودفع الرسوم .. يعني لمن عبي النموذج راح يجينا رقم طلب وبكدا راح نستنى لبعد العيد عشان ندفع الرسوم والتسجيل .. يارب يسرلنا امورنا يارب وانو يكون من نصيبنا دراسة الدبلوم التربوي في الجامعة العربية المفتوحة يارب جميعنا يارب

مساء خير... انفتح التسجيل صباياااا.

[eeewy]

بنات انا اتصلت على الدكتور مصلح حقت الجامعة العربية المفتوحة عشان كنت بستفسر منو اكتر عن دي المشكلة بس لقيت جوالو مقفل .. ان شاءالله خير يارب .. بنات الي عندها اي خبر او اتصلت عليهم الله يسعدكم تقولنا ايش قالولها .. انا فوق كتبتلكم ايش قالولي لمن اتصلت قبل شوية عليهم .. بنات انا بإنتظاركم

[eeewy]

المشاركة الأصلية كتبت بواسطة aws1111 مساء خير... انفتح التسجيل صباياااا.

من جد الله يبشرك بالخير يارب .. دحين اروح اسجل ونشوف ايش راح يصير .. استناكي يا أختي aws1111