بسرعه ياللي قدمتوا على الماجستيرادخلوا ابي منكم رد

[((سكر معقود))]

هلا والله فيكم الله لايحرمني منكم وهلا والله فيكم حبيت اسالكم
وابي اعرف واش رايكم دحين اذا تاحت لكم الفرصة واذا ربي
كتب لكم بعثة يعني تدرسوا ماجستير خارج المملكة
هل حتختاروا البعثة والا الماجستير بجامعة الملك عبدالعزيز؟
مع ردودكم ابي اعرف ايش اسباب اختياراتكم؟

ولكم مني جزيل الشكر
واللــــــــــــــــــــــــــــــــــــــــه يوفقكم باذن الله حبايبي

استناكم واستنى ردودكم
دعواتي للجميع

[نجاة الفرسي]

يا ستي جايه بيوم الكل حاقد وبيقولك ما ابغى الجامعه لو لقيت فرصه


شوفي عني انا من زمان زمان زمان مرررة يعني اول ما فكرت فكرت بالبعثه ولما مالقيت وجه من اخواني والكل اتخلى عني وقال ما اترك شغلي وزوجتي عشانك لقطت وجهي وقدمت هنا
يعني من الاآآآخر بقولك اذا جاتني بعثه راح اطير اول سبب لغة مدة سنه قبل تبدأي الماستر
تاني سبب شهادتك تكون قوية تدرسي التخصص اللي تبغيه وبقوة
لكن هنااا مافي مجالات زي برا
وهناك الاعداد جدااااااا كبيرة اللي تدرس لكن هناا محدوووووووووووود وموووت يا حمار لحد ما تنقبلي الا اذا ربنا اراد وانقبلتي من اول سنه
في ناس هنا تاني مرة يقدموا وناس تلاته مرات وناس اكتر وناس انقبلوا واتكبروا ع النعمه وراحت عليهم البعثه والجامعه


والله يوفق الجميع

[ambitious.student]

انا كمان رأيي من رأي الأخت الدمية الفاتنة ..

طبعاً مافي أي وجه شبه بين الدراسة هنا و الدراسة برة ..
لكن للأسف احنا مجبورين على شي داخلي ..
لكن لو ألاقي أحد يسافر معايا و أقدم بعثة .. أروح بدون أي تفكير صراحة ..
لكن الحمدلله على كل حال .. و اللي فيه الخير ربنا كاتبه لنا ..

[مربى مشمش]

هلاحبيبتي والله بنسبه ليه حاختار جامعة الملك عبد العزيز قولي ليش
انا نص او اغلب عيلتنا سافرو بريطانيه علشان يكملو ماجستير بس انهم مرررررررررررررره تعبانين غربه والعيشه صعبه كل شي متغير عليهم حتى الاكل مررررررررره نحفو
فانا افضل اني ادرس هنا بين اهلي وحبايبي
وزي هذي البلد تري مافي
الله يستر لا تجي لزوجي بعثه الا وانا هناك معاهم هههههههههههههههههه
بس الافضل والله بلدك يعني في جامعه الملك عبد العزيز

[بنوتة البدر]

حبيبتي انا اقولك لو بتدرسي برى ماراح تتحملي احنا سفر لمانسااافر برى نتعب نفسيا

طيب كيف لو ثلاث سنوات حقت الماستر

وبعدين الواحد مايعرف وين ربي يقدملو الخير

انتو ماقريتو عن الطالب اللي معاه ماجستير هندسة قوى كهربائية من بريطانيا

وما لاقى وظيفه ولادرووو عنه حقووون مكافحة البطالة

يعني ربنا مقسم الارزاق والواحد يصلي الخيره ويستخيييييير

وربنا يدلووو عالخييير

[فضاء]

مساء الخير حبيباتي اركدن الله يهديكن
مافيه زي الدراسه بديرتك
بس هم يقبلونا
وإن شاء الله ننقبل
اقولكم مافيه زي الوحده بحشمتها وسترها
وهذاماتلقاه الابمملكتنا الحبيبه
وبتوفيق للجميع

[ورد المدينة]

والله النااس اجناااس كل وااحد يقولك بتفكيره

انت استخيري وبعدين حددي رغبتك واسالي اهل الخبرررة يعني الدكااترة والمسؤليييين اعتقد هم يوضحوا لك الفرق والانفع

بس الظاهر يبدوا ان الخارج صحيح غربة وصعوبة التمسك بالدين والحشمة و.....بس الدراااسة تخلصي بسرررعة وتكون متفرغة لها تماما

وهنا باذن ضامنة دينك حشمتك ع قول الحلوات بين اهلك وحبايبك بس يااااالييييييل ما طولك

لا تجحدي النعمة اللي تجي من ربنا الحمدلله والشكر

الله يوفقك

[نور آلقلوب]

البعثة ممتاززززززززززززززة للرجال إلي ودهم يتعلمو ويتقوا الله ... نيتهم علللم وبس

أما البنات يبغالها تستخير مليييون مررررررررررة

المسأله خطيرة مسألة ديييييييييييييييييييييييييييييييييييييين وقيم ومبادئ .وغربة يعني أسهم من كل مكان.. الله يكتب لنا الخير حيث كان ويسهله لنا

[ابوفارس1122]

لا تتردي في قبول البعثة .. فليس هناك مجال اصلا .. للحيرة .. مع بالغ احترامي .. لجميع جامعاتنا السعودية ..

وللاخت التي ذكرت ان المسألة (( دين )) ..

اقول ان المحافظة على الدين .. لاتتغير بتغير المكان او الزمان .. واعتقدان في هذا الزمن .. تغيرت هذه المقاييس
كثيرا ..