صينية البطاطس :)

[roo7 aboha]

السلام عليكم ورحمة الله وبركاته
كيفكم ؟؟ ان شاءالله طيبين!!
الصراحة وحشني قسم لها بسبب الاختبارات ماصرت ادخل القسم
الف مبروووك للناجحين .
وهذه كيكة عشان النجاح
ههههه هذه صينية البطاطس على طريقتي , اكلة حلوة وسهلة ولذيذة.
المقادير:
بطاطس العدد الي تبغيه اهم شي يغطي الصينية انا عن نفسي احط 9 حبات طبعا تقطعيها دوائر وتقليها.
مقادير الصلصة:
حبتين بصل , فصين ثوم , 4حبات طماطم , ملح , فلفل أسود , بهارات , ملعقة صغيرة خل , وملعقتين صغيره ليمون ملاحظة ( الي مايحب الخل والليمون مو لازم يحطها يعني حسب الرغبة).
مقادير الصلصة البيضاء:
4حبات لبن زبادي , 4ملاعق كبيرة مايونيز , ملعقيتين كبيرة طحينة , ملح , فلفل اسود , حبة ليمون , فص ثوم مفروم.
الطريقة:
اول شي نجهز الصلصة نفرم البصل والثوم ونحطوفي قدر ونحط عليه زيت ونحركوا الين يصير لونه أصفر بعدين نفرم الطماطم فرم ناعم ونحطوا على البصل ونضيف الملح والفلفل والبهارات والليمون والخل ونركوا مع بعض ونغطيه ونخليه على نار هادئة.
ونقلي البطاطس على بال ماتثقل الصلصة.
نجيب صينية بايريكس ونحطة الصلصة في الصينية ونجيب البطاطس ونصفو في الصينية فوق الصلصة الين مانغطي الصلصة .
بهذه الطريقة:


بعدين نحضر الصلصة البضاء نحط المقادير مع بعض ونخلطها مع بعض ونحطها على البطاطس.


بعدين نحط خبز مقلي على الوجه ونقدمها وهي حارة






وهذا من الداخل



وبالعافية ان شاءالله تعجبكم
ملاحظة: تقدري تتحكمي بالمقادير حسب صينيتك وعدد الاشخاص.