كل ما تريد معرفته عن تخصص "العمارة" " Architecture "

[م.دافووور]

سيكون هذا الموضوع باذن اللهـ مخصص لاستقبال استفساراتكم حول قسم العمارة



م.دافووور

[احمد ربيعة]

مشاء الله اخيراُ

ما بغى اتسرع واسألك الان لكن إن شاء الله قريباً

[م.دافووور]

اهلا فيك في اي وقت ..

وبالنسبهـ للاستفسارات عن قسم العمارة .. فهي منتشرة في القسم في انحاء متفرقة

وهذا الموضوع للتنظيم لا اقل ولا اكثر .. واذا كان فيهـ استفسارات لم يتم الرد عليها وبالتوفيق ..

[احمد ربيعة]

ابغى اسألك يا م.دفووور طبعاً السؤال موجة لك أو لأي طالب في قسم العمارة.....

السؤال هو !

انا اعرف انو التخصص في قسم العمارة يتطلب شرطين هما :
1- حسب درجة مادة ar
2- وحسب النتيجة حقة الاختبار تبع القسم <<< سؤالي ماهي طبيعة الاختبار يعني اختبار في الرسم ولا كيف ؟


وشكراً على مجهودك الواضح يا م.دفوووووووووووووووووور

[م.دافووور]

أهلا عزيزي ..

بالنسبة للتخصص بقسم العمارة ..

كما ذكرت ياعزيزي .. يعتمد على :

1- معدل درجاتك في مادتي ar190 و ar191
2- اختبار دخول القسم

بالنسبة لطبيعة الاختبار .. فحسب ملاحظتي للسنوات الماضية فتختلف من سنة لسنهـ ..

الفكرة منو عموما .. هو اختبارات بسيطة لما درسته بالاضافة الى مقابلة شخصية ..

على ايامنا .. كان الاختبار مقسم على 3 أيام متواصلة ..

اليوم الاول كان عبارة عن اختبار تحريري .. صباحا
وفي المساء .. اختبار في مادة ar190 (( رسم يدوي ))

اليوم الثاني .. رسم حر في بهو الكلية لمجسمات محددة سلفا من قبل اللجنة صباحا
وفي المساء .. اختبار في مادة ar191 (( مجسمات ))

اليوم الثالث .. كان عبارة عن مقابلة شخصية ..

طبعا هذا الكلام ايامنا .. السنوات اللي بعدها كان عبارة عن يوم واحد فقط

انا ذكرت هذا الكلام .. عشان تتوقع أي حاجة لأنه تختلف باختلاف لجنة القبول

عموما .. انا ما بقول كذا عشان أعقدك .. بالعكس الاختبار في مجملة بسيط

ولو كنت حاب التخصص .. صدقني حتستمتع .. وتقضي أيام جميلة

وبالتوفيق لك ولزملائك ياعزيزي ..

[احمد ربيعة]

ما قصرت يا م.دفوررررر

[Hamad.Y]

أخوي دافوور أنتوا كلاساتكم كيف نظامها..

يعني بجامعة الملك سعود كليتهم مره كبيره وكلاساتهم مقسمه زي المكاتب للطلاب..

مدري أنتوا زيهم أو كلاسات عاديه؟!

[م.دافووور]

نعم مقسمة الى (( استديوهات ))

ايش هوا الاستديو .. ؟!؟

الاستديو عبارة عن مكان لـمتوسط 24 طالب من 4 مستويات مختلفة الترتيب
6 طلاب سنة اولى عمارة (مستوى 200 )
6 طلاب سنة ثانية عمارة (مستوى 300 )
6 طلاب سنة ثالثة عمارة (مستوى 400 )
6 طلاب تخرج(مستوى 500)

طبعا المكان مخصص لهم ... ويختلف تنظيم وترتيب الاستديوهات من استديو لاخر على حسب الطلاب اللي فيه

طبعا الاستديو مكان تعليمي بالدرجة الاولى ولكن لا يخلو من وسائل الترفيه المختلفة (( تلفزيون والعاب مختلفة ووو ))

بالاضافة الى وجود انترنت (( سرييييييع حق الجامعة ))

واماكن نوم كمان تعرف لانو احنا مو زي الكليات التانية محاضرتك وتوكل ..

فالاستديو دا يعتبر بيتك .. مفاتيحه مقتصرة فقط على طلاب الاستديو ودكاترتهم فقط .

[Hamad.Y]

يا ربي أنا كل يوم اكتشف شيء يحببني في هالكلية !!

حلو نظامهم مررره عجبني والله..

واماكن نوم كمان تعرف لانو احنا مو زي الكليات التانية محاضرتك وتوكل ..

يعني أيش مو زي باقي الكليات ؟!...يعني أنتوا تناموا يوم كامل بالكلية؟؟؟!

[م.دافووور]

ايام معينة وليس كل السنة ..

وعادة ما تكون اخر السنة .. حيث وقت الضغط وتقفيل المشاريع ..

بس على فكرة ايام حلوة رغم التعب اللي فيها ..