|| med13 .. حياكم الله هنا للإجابة عن كلما يراودكم ..~

[Miss Dreamer]

بُسِمَ اللهُ الرَّحْمَنِ الرَّحْمَنِ

سلامُ قَوْلَا مِنْ رُبَّ رَحِيمِ ..

*

فالبداية نرحب بكم دكاترتنا الأعزاء MED13 ونبارك لكم مانلتوه ..

ألف مليوون مبرووك القبول ..!
تستاهلوا الطب والطب يستاهلكم :d

ما وصلتوا لهنا إلا لانكم فعلاً تستحقوه هذا المكان .. فأهلاً وسهلا بكم ..

*

بعد رحلة سنة من الجهد والقلق والتفكير، وصلتوا لبوابة الطب الذي لطالما حلم به الكثير ..

ومع فرحة القبول والإنجاز العظيم يتبادر في ذهن الجميع عدة أسئلة وإستفسارات عن الكلية وأجواءها، الزي، الكتب، الدرجات وغيرها .. ونحن هنا لنجيبكم عن كلما يراودكم ولنسرد مابجعبتنا من خبرة وتجربة في الكلية ..

فحيّاكم الله وبياكم ..

ومرة أخرى نبارك لكم ..

أخوانكم وأخواتكم
MED 12

[Yousef MD]

محجوز..

[عاشقة التحدي]

يا هلاااا ويا مراااحب فيكم ،، مبرووك عليكم القبول
الله ييسر لكم ويسهلكم اموركم في مشوار الطب
وزي م قالت اختنا شذى احنا كلنا جاهزين للرد على كل استفساراتكم
وان شاء الله ما راح نقصر
ومشكوورة اختي شذى على الفكرة الأكثر من رائعة

[Munirah]

شكراً ليكم على مجهودكم وإن شاء الله ربي يجزاكم خير عليه ، طيب أنا أباكم تدوني فكره عامه لأنو الصراحه معرف أحد أكبر مني فيها عشان أسألو يعني مثلا المقابلة الشخصيه متى حتكون وكيف حتكون وبالنسبه للزي زي ما قلتو أنا أختارو على كيفي ولا في شي محدد والكتب كيف وموضوع الدرجات برضو

[وعودة]

المشاركة الأصلية كتبت بواسطة munirah شكراً ليكم على مجهودكم وإن شاء الله ربي يجزاكم خير عليه ، طيب أنا أباكم تدوني فكره عامه لأنو الصراحه معرف أحد أكبر مني فيها عشان أسألو يعني مثلا المقابلة الشخصيه متى حتكون وكيف حتكون وبالنسبه للزي زي ما قلتو أنا أختارو على كيفي ولا في شي محدد والكتب كيف وموضوع الدرجات برضو

اولا مبروك القبول وكلنا هنا نعتبر اخوانك واخواتك وحنجاوبك على كل شي تبغيه ❤❤❤
اولا :المقابلة الشخصيه متى حتكون
حتكون بداية السنة وحيرسلولك ايش االيوم حقك
وكيف حتكون:
حتكون زي المحطات في كل محطة سؤالين ومرا حتنبسطي فيها حيسئلوكي ليش اخترتي الطب مثلا ايش تشوفي نفسك بعد 10 سنين هل ممكن تكشفي على مرضى الايدز ايش اكثر صفة فيكي يقولها لكي صاحباتك ومجموعة اسىلة كمان
وبالنسبه للزي
الرسمي سكرب لون ازرق ملكي او سماوي ولابكوت بس انتي براحتك لو تبغي لون ثاني ماكانو يدققو الصراحة
والكتب
الكتب حتكون بس مرجع لكي والمذاكرة الاساسية من السلايدات
كيف وموضوع الدرجات برضو
الدرجات شوية واقولك كل شي عليها ❤❤

[Munirah]

مرره شكراً وعوده جزاكي الله خير ردك ما شاء الله كافي ، ويعني أفهم من كلامك اللابكوت والسكرب عادي لو اشتريتهم قبل ما نرجع للجامعه وما ألتزم بدفعتي ؟

[وعودة]

المشاركة الأصلية كتبت بواسطة munirah مرره شكراً وعوده جزاكي الله خير ردك ما شاء الله كافي ، ويعني أفهم من كلامك اللابكوت والسكرب عادي لو اشتريتهم قبل ما نرجع للجامعه وما ألتزم بدفعتي ؟

عفوا ولو واجبنا :)❤ ايوا عادي لو تشتريهم قبل ماتيجي للجامعة بس نصيحة اشتري من ذحين لو تقدري على اخرة الاجازة حتلقي المقاسات مخلصة وكذا > ماشالله من الحماس كله بيشتري بدري ؛) ولون السكرب ايوا بكيفك مو لازم تلتزمي بدفعتك حتى لو لبستي بنطلون عادي ماكانو يقولو شي اهم حاجة فوقه لابكوت ❤

[وعودة]

مبروك قبولكم ومن جد فخورين فيكم وبوصولكم لهنا❤ سنة جديدة حتبدوها وحياة جديدة تستناكم ولا تنسو دايما السبب اللي خلاكم تدخلو الكلية بعد توفيق ربي انه كل واحد فيكم جوته بذرة خير ويحب يساعد الناس واختار احلى مجال لذا الشي :) احنا حنكون جنبكم ومعاكم متى ماحتجتونا وياللا انطلقو واتحفونا بأسئلتكم
الطب ممتع حلو يحمس بكل جوانبه
ونبغى نشوف كيف حماسكم وشكرا شذى على الموضوع ❤❤❤

[rawan.aa]

الله يبارك فيكم 😁
عندي سؤال
دحين حيكتبوا في الشهادة أني طب موازي ولا لا؟

[أهـ منك يازمن]

لا ماراح يكتبوا بس خريجة طب :) لا موازي ولا عادي كلهم واحد فى الشهادة