طالبات التصميم الداخلي أرجو المساعدة

[بنان ~]

السلام عليكم ورحمة الله وبركاته

أنا الحمدلله اليوم قبلوني بكلية الفنون تخصص تصميم داخلي بعد ماكنت طالبة تحويل للكلية دي

لما رحتلهم بفرع الرحاب كتبو اسمي ورقم جوالي وقالولي حنتصلك نقولك اختبار القبول متى

سؤالي هل في أحد زيي كدا ولا كلكم اختبرتوا وخلصتو =( ؟

كمان عن آيش كان الاختبار وهل ينحل بسهولة ولا صعب >_<" !

اليوم بديتو دراسة ولا لسا عشان خايفة تروح عليا دروس كثيرة وأنا لسا ما اختبرت =(

أتمنى تساعدوني والله يجزاكم خير

[إبتسآمه أمل]

وعليكم السلام ورحمة الله وبركاته

اهلين بنان

مبروك القبول وعقبال ما تعدين الاختبار باذن الله

انا بالنسبة لي اختبرت وخلصت وانقبلت ولله الحمد

شوفي هذا الموضوع باذن الله بيفيدك

http://www.skaau.com/vb/showthread.php?t=610321

لسى يا قلبي ما بدينا دراسه شكلنا مطولين

اليوم رحنا سوينا وارسلونا مسج بكرا نروح ونسويه كمان

ربي يعين

بالتوفيق

^^

[بنان ~]

آمين يااارب ،، الله يبارك فيكِ
مبروك التخصص وعقبااالي ^.^

شفت موضوعك مرة مفيد جزاكِ الله خير

هما وين يرسلولكم المسج ، بالايميل أو الجوال ؟

قولك أروحلهم بكرة أنا كمان أشوف متى الإختبار وأقعد فوق رووسهم ؟
لانو أخاف يروح عليا أو ما يخبروني >_<

وتسلميلي بجد ابتسامة أمل
ربنا يسسسسعدك يارب دنيا وآخرة

[إبتسآمه أمل]

الله يبارك بحياتك وعقبالك يارب

ويجزاك مثله من الخير يارب

ع الجوال ارسلوا لنا اليوم اما عن اختبارنا فعرفناه بالصدفه

كنا بالاجازه ومو عارفين شي

فجأه بنات داوموا وقالوا بكرا اختبار التصميم الداخلي!!

رحنا بكرا عبينا الاقسام يدوي وقالوا الاحد الجاي اختبارنا

والحمدلله اختبرنا

ياقلبي اذا ضروفك ما تسمح روحي لهم بس بكرا وحاولي تطلعي منهم خبر اكيد

واذا ضروفك تسمح روحي لهم لحد ما يعطوك الخبر

الله يوفقك ويريح بالك

ربي يسلمك ويسعدك معاي يارب

مشكوره ع الدعوات الله ييسر امرك

وعلى فكره اذا ما تقدرين باذن الله انا بروح بكرا

اذا شفت اعلان حقولك ان شاء الله

واعذريني رديت متأخر

بالتوفيق يارب

^^

[بنان ~]

وه عرفتوه بالصدفة

لا خلاص بداوم لهم بكرة إن شاء الله وأشوف يعطوني كلمة أكيدة

تسلميلي والله ما تقصرين

ان شاء الله حروح منها أتعرف على المكان أكثر

شكرا يا عسل يعطيكي العافية يارب

[إبتسآمه أمل]

اي والله بس الحمدلله ع كل حال

ان شاء الله

ولو احنا اخوات يا البي

بالتوفيق يارب

^^