نستفسر بخصوص الجداول ونفيد ونستفيد << تخصص الأحياء

[بيشووو،،]

بسم الله الرحمن الرحيم ...

يا ليت بدل ما تكثر المواضيع نتجمع هنا عشان كلنا نستفيد ..

انا ح آبدأ...~

ان شاءالله موادي الترم الجاي ..


خلية - وراثة - كيميا حيوي - ثقافة 2




ايش رأيكم ؟؟

شكـــــــــــرا مقدما =) ..

[dr.imey]

انا حاضيف ( انزايم )
مين احسن وديعة - ارشنا

و محتارة بين ( حاسوبية - سرطانية )
ابا وحدة سهلللل اجيب 95 فيها
عند دكتورة طيوبة واسئلتها حلوة ماتخرج برا الكتاب
انا توي خلصت مستوى 3 فابغا مادة تشبه المصطلحات اللغوية بسهولتها

وشكررا

[بيو كيميائية ^_^]

المشاركة الأصلية كتبت بواسطة بيشووو،، بسم الله الرحمن الرحيم ... يا ليت بدل ما تكثر المواضيع نتجمع هنا عشان كلنا نستفيد .. انا ح آبدأ...~ ان شاءالله موادي الترم الجاي .. خلية - وراثة - كيميا حيوي - ثقافة 2 ايش رأيكم ...؟ و مين احسن الدكتورات ..؟!! شكـــــــــــرا مقدما =) ..

أربع مواد قليل ضيفي عربي 2

وخلية و وراثة أنا أفضل ماتاخذيهم سواء كونهم متتطلب حق دخول الجنوميا إذا كنتِ تبينها

المشاركة الأصلية كتبت بواسطة dr.imey انا حاضيف ( انزايم ) مين احسن وديعة - ارشنا و محتارة بين ( حاسوبية - سرطانية ) ابا وحدة سهلللل اجيب 95 فيها عند دكتورة طيوبة واسئلتها حلوة ماتخرج برا الكتاب انا توي خلصت مستوى 3 فابغا مادة تشبه المصطلحات اللغوية بسهولتها وشكررا

وديعة مو هنا راحت رابغ صارت وكيلة

حاسوبية للتخرج

سرطانية ماتقدر تاخذيها وأنتِ ماخلصتي إنزايمـ

وماأفضل تاخذي إختياري وأنتِ لساتكـ صغيرة

[saraya]

أنا اخذت وراثة بس ماانصحكي تأخذه مع لمياء طاحون والمشكلة يقول انه هي الوحيدة اللي تدرس المادة ماتعرف تشرح مع ان مادة حلوة وسهلة اختبار نهائي صعبت علينا

[اللؤلؤه الورديه]

السلام عليكم

أن خلصت كيمياء202 وأحياء202 وكيمياءحيوي201وأمن وسلامه 200
وعربي 101ومعمل كيمياء


والترم القادم بإذن الله

انزيم وايض1 وثقافه 101 ومعمل أحياء 281
وأبي ماده حره من ثلاث ساعات بس ماحددت للحين وش هي

كيف جدولي كذا تمام ؟؟

وأي دكاتره أفضل
وإيش عندكم من إقتراحات لمواد حره
وجزاكم الله كل خير

^^
وإن شاءالله الكل يفرح بمعدله ودرجاته:)

[الشيمآء]

^
لو ح تكملي كيمياء حيوية .. فـ الخطة اللي محطوطة لكم مناسبة .
امشي عليها أفضل :)

و ع المواد الحرة, أنصحك بسيرة نبوية - اللهم صلِ و سلم على رسول الله - مع أستازة سمر :)

الله يسهل لك :) ~

[بيشووو،،]

بيوكيميائية .. اهلا ^^

والله سألت كتير اخدوا وراثة و بيقولولي انها حلوة و سهلة ..


و حتى الاستاذات قالوا لي كدا انا مخوفتني الكيميا =(


و بالنسبة لعدد المواد .. عشان المعدل نزل مع الكيميا العضوي!!


بس ابغى اعرف مع مين اخد الحيوي و كيف المادة ..؟

[بيشووو،،]

اللؤلؤة الوردية ..


احياء 281 انصحك باستازة حبيبة كتييييييير يمدحوها و مريحة بناتها ..


بس استازة هناء اشقر لآ ><

[اللؤلؤه الورديه]

جزاك الله كل خير الشيماء

أن أخاف أمشي ع لخطه وأنضغط مثل الترم هذا

طيب ممكن سؤا
الإنزيم والأيض وبيولوجي الخليه والكيمياء العضويه
كلها فيها جزء معمل؟؟؟

[الشيمآء]

يب كلها لها معامل :)

إنزايم لو أخدتيه مع أرشنا, فـ المادة سارت في جيبك , و تجيبي الـ a بسهولة ,
معملها ما أكدب عليكِ غِلس , دائمًا طويــــــل :/
بس خديه مع أستازة عبير بنجابي , توب دي الآدمية ما شاء الله :) .
* أنا كنت مع وحدة اسمها منى أو هيك شي , أبدددن ما ناسبني شرحها :/

أيض 1 , المادة يبا لها شوية تكة و مزاكرة أول بأول ..
معملها سهل , كلو أنابيب و الوان xd
مع أستازة هديل السفياني :) .

خلية .. معملها قصير و يخلص ع طول - لما اخدتها :$ - ..
بس !
دهـ السمستر وحدة من البنات قالت لي ساروا يطولوا, و اللي فهمتو إنهم غيروا المنهج .,
المادة أخدتها مع استازة نيفين, بس أتوقع فاتن أفضل :).

العضوية
يا إني أحب دي المادة بشكل :$
مرررة لطيفة , بس مرا ما ينفع تغيبي .. تضيعي الدنيا عليكِ بعدين :/
و خديها مع أستازة نسرين - هيا اللي بتحط الأسئلة -
معملها سهل و ما فيلو شي .

الأحياء 281
زي ما قالت بيشو :) , خديه مع حبيبة ..
هوا الكورس نفسو يدوخ .. يعني كل شي أحيائي تاخديه ( أنسخة نباتية و حيوانية, تراكيب نباتية و حيوانية, تصنيف .., كل شي كل شي :/ ) ..
و شوية عربي شوية انقلش :/
أنا ما قيد جربت هناء, بس ما شفت بنت تمدح دي الآدمية أو حتى تقول عنها " أوكي يمشي الحال "
مطلعة عيونهم :( !
و كمان فيه وحدة, أظن اسمها عائشة.. كمان مش كويسة .

و الثقافة ثقافة, مو شي يعني

طيب اسمعي .. لو حابة تخففي ..
شيلي بيو281 , بس لا تتأخري فيلو كتيــــر ..
لإنو المواد بتدسم, و الواحد مو فاضي لقروشة ساعة *_^

الله يختار لك الخير :) .