اسئله للدكاتره الي قبلنا

[دنيا صغيره]

السلام عليكم ورحمة الله وبركاته
كل عام وانتو بخير رمضان مبارك علينا وعليكم
الله يتقبل صيامنا وقيامنا ويعتق رقابنا من النار

ياجماعة الخير ابغاكم تقولو لي كل شي عن اول يوم في القسم دا
هل حيكون في حوسه ولخبطه ولا كل شي واضح ؟؟؟
هل حغير البطاقه واستلم الجدول في اول يوم؟؟؟طيب من فين اغير البطاقه واستلم الجدول؟؟؟
لازم اكون متواجده في الكلاس المحدد لي في الجدول ولا لا؟؟؟يعني حيدخلو دكاتره علينا في اول يوم؟؟؟ ولا محد بيطل في وجيهنا؟؟؟؟
بالنسبه للاب كوت انا مافصلتو هل اكون مطالبه في من اول اسبوع؟؟؟
هل يوجد دراسه في اول اسبوع ام لا؟؟؟
بخصوص المواد هل يلزم اخد دفاتر من الي قبلي للاستفاده ولا بتحوسني اكتر ؟؟؟يعني اعتمد على الي عندي وبس ومااخد شي من احد؟؟


طيب لما اتخرج شهادتي حتكون فارما دي مزبوووط ....بس ايش يكون المسمى الوظيفي ليا؟؟؟
وشغلتي ايش هيا لا تقولو اصرف ادويا لالالا والف لا انا ابغى اصنع ادويا ابغى اكون عالمه في الادويا في دي الوظايف عندنا ولا لا؟؟؟؟ايش في مجالات عمل لنا متاحه في السعوديه؟؟؟؟



اتحملوني شويا بس والله قلقااانا وخايفه اني مااعرف شي
الله يوفق كل واحد يرد ويفيدنا بمعلومة ولو كانت صغيرة اللهم افتح له ابواب رزقك ياااقدير

[sooma]

المشاركة الأصلية كتبت بواسطة دنيا صغيره السلام عليكم ورحمة الله وبركاته كل عام وانتو بخير رمضان مبارك علينا وعليكم الله يتقبل صيامنا وقيامنا ويعتق رقابنا من النار آمييييييييييييييين يارب والجميع ياجماعة الخير ابغاكم تقولو لي كل شي عن اول يوم في القسم دا هل حيكون في حوسه ولخبطه ولا كل شي واضح ؟؟؟ أولا مبرووووووووك انك انقبلتي صيدلة بإذن الله ماراح تلقي أي لخبطة كل شي واضح وسليم تروحي للكلية أول يوم في مجمع الكليات الطبية مبنى 11 كلية الصيدلة هناك راح يستقبلوكم من اول يوم المشرفات والوكيلة ويكلموكم عن القسم وكل شي مافي أي لخبطة أو حوسة هل حغير البطاقه واستلم الجدول في اول يوم؟؟؟طيب من فين اغير البطاقه واستلم الجدول؟؟؟ البطاقة مو لازم تغييرها من أول يوم الشؤون التعليمية راح تقللكم على موعد التغيير تقريبا أول الاسابيع راح تكون بطاقتك عادية زي ماهيا بعدين حيقولولكم متى تغيروها لا تشيلي هم والجدول من أول يوم في الاستقبال راح يعطوكم هوا ويوزعوه على البنات كلهم لازم اكون متواجده في الكلاس المحدد لي في الجدول ولا لا؟؟؟يعني حيدخلو دكاتره علينا في اول يوم؟؟؟ ولا محد بيطل في وجيهنا؟؟؟؟ الا أول يوم لازم تكوني في كلاسك لانه راح تاخدو محاضرات من أول يوم زينا السنة اللي فاتت بالنسبه للاب كوت انا مافصلتو هل اكون مطالبه في من اول اسبوع؟؟؟ اللاب كوت مطالبة فيه وقت المعامل ماراح تدخلي المعمل الا باللاب كوت واحنا ما بدأنا معامل الا بعد أسبوع .. هل يوجد دراسه في اول اسبوع ام لا؟؟؟ من أول يوم استعدي :) بخصوص المواد هل يلزم اخد دفاتر من الي قبلي للاستفاده ولا بتحوسني اكتر ؟؟؟يعني اعتمد على الي عندي وبس ومااخد شي من احد؟؟ الدكاترة حيعطوكم الشيتات وكل شي .. في حالة انك شفتي الشيت مو واضح وانت مو فاهمة في هذا الوقت تدوري على اللي قبلك .. بس ماراح تحوسي كثير راح يكون كل شي واضح طيب لما اتخرج شهادتي حتكون فارما دي مزبوووط ....بس ايش يكون المسمى الوظيفي ليا؟؟؟ طبعا شهادتك فارم دي .. والمسمى الوظيفي ( صيدلي أول ) اللي تعادل الماستر وشغلتي ايش هيا لا تقولو اصرف ادويا لالالا والف لا انا ابغى اصنع ادويا ابغى اكون عالمه في الادويا في دي الوظايف عندنا ولا لا؟؟؟؟ايش في مجالات عمل لنا متاحه في السعوديه؟؟؟؟ لا طبعا .. عالم الصيدلة مجاله واسع في الشغل .. من سنة ثانية تتعلمو كيف تصنعو أدوية ويودوكم مصنع تشوفو كيف تعملو اختبارات على الادوية وتثبتو فعاليتها وكل شي مجالات العمل أغلبها في المستشفيات وهو تحديد العلاج المناسب للمرضى .. اتحملوني شويا بس والله قلقااانا وخايفه اني مااعرف شي الله يوفق كل واحد يرد ويفيدنا بمعلومة ولو كانت صغيرة اللهم افتح له ابواب رزقك ياااقدير

بالعكس احنا موجودين علشانكم هنا ولا تخافي ولا تقلقي والله يحييك في أي وقت

آمييييييييييييييين يااارب

[دنيا صغيره]

سوما حبيبتي الله يعطيكي الف عافيه ماقصرتي كفيتي ووفيتي

[دنيا صغيره]

سوما حبيبتي الله يعطيكي الف عافيه ماقصرتي كفيتي ووفيتي
روحك اكتر من رائعه
طيب بالنسبه لدورة المصطلحات الطيبه انا ماحضرتها حكون تايها صح
طيب ايش عندك حلول عشان امشي نفسي مع العلم انو انا ولاااا كلمه عن جسم الانسان اعرفها بالذات الاحياء اعتمدت على التيست بنك لاني ماكنت افهم شي استاذتي كانت جدا سيئه وانا اهملت نفسي زياده
بليز ادا عندك حاجه اقدر اسمعها سماعي ياليت تقوليلي عليها لازم الحق نفسي
ويعطيكي العافيه وتعبتك معايا

[دنيا صغيره]

سبحان الله 74 مشاهد ورد واحد بس
لا تعليييييييق

[pharm.d .s]

المشاركة الأصلية كتبت بواسطة دنيا صغيره سوما حبيبتي الله يعطيكي الف عافيه ماقصرتي كفيتي ووفيتي روحك اكتر من رائعه طيب بالنسبه لدورة المصطلحات الطيبه انا ماحضرتها حكون تايها صح طيب ايش عندك حلول عشان امشي نفسي مع العلم انو انا ولاااا كلمه عن جسم الانسان اعرفها بالذات الاحياء اعتمدت على التيست بنك لاني ماكنت افهم شي استاذتي كانت جدا سيئه وانا اهملت نفسي زياده بليز ادا عندك حاجه اقدر اسمعها سماعي ياليت تقوليلي عليها لازم الحق نفسي ويعطيكي العافيه وتعبتك معايا

لو تشتري شابنر او اي كتاب مصطلحات طبية مرا كويس
وحاولي تحفظ الاسماء تبعت الاعضاء وكدا
تقريبا في الانتومي راح ترجعوا تعرفوا الاسماء تاني
بس لو حفظتهم من دحين اسهل لك

[esraa b]

طيب ممكن اعرف كم ساعات القسم الي لازم نخلصها؟؟