يا أهلاويه باركو للإتحاديين

[الشاكي]

السلام عليكم


1000 1000 1000 لنادي الوطن فوزه الساحق على النادي الصيني اللي ما أدري وش أسمو

لكن علي عتب على المشرف

ما أنصف الإتحاديين ولا كتب عن المباراه

أنا صراحه ماشفتها لأني خارج جده

لكن أتصلت على المشرف أبو فهد

وقال بإن نادي الوطن فاز 7ـ2

وبالتوفيق لنادي الوطن وعقبال البطوله

( تم تعديل مايلزم ... العاشق الساهر )

[العاشق الساهر]

وعليكم السلام ورحمة الله
ألف مبروك للاتحاد
واسعدنا فعلا بهذه النتيجه وهذا الفوز
وجميع أندية المملكه حين تذهب في مهمه قاريه او عالميه تكون أندية للوطن
ونتمنى لها التوفيق


سلامي

[veroo]

الف مبروك للاتحاد
وانا بصراحة طفشت من الاهلي
بجد
الوضع صار مايحتمل

[chocolata]

المباراة كانت من امتع المباريات..

جدا رائعة لا مو رائعة اكتر من راااائعة

ابدعو فيها الاتحادية وبجد بيضو الوجه

وموفقيييييييييين ان شاءلله في المبارايات الجاية

[الاهلاوي]

الف الف الف مبروك
بس حاجة وحدة
في فرق بين منتخب وفريق كم لاعب من الاتحاد جوا من درجة الشباب وكم من الاهلي
لعيبتكم اغلبهم من بره يعني منتخب
شوف حقيقة الاتحاد الي هيه الفريق الاولمبي في كاس الامير فيصل معدوم
لو عندنا فلوس كان شفت الاهلي كيف
يفكروا يفتحوا حساب في البنك دعم من الجمهور على الله
المدرب اليا يفكروا يطيرو لانه غبي وما يفهم كوره
بس اقلك بالتوفيق وإن شاء الله تعلبوا و مع ليفربول وسانتوس
تحياتي
الاهلاوي

[الشاكي]

أف الأهلاوي رد


شكراً لردودكم كلكم

وصراحه أستغربت من التعديل من الأخ العاشق لكن حصل خير

وكمان أستغرب بأن الأخ الأهلاوي ماقال دنبوشي

تم التعديل........ابوفهد
سبقني الاخ عاشق وقام بالتعديل ولو تم تجاوز الحدود الحمراء مرة اخرى سيتم ابلاغ الاداره لاتخاذ الاجراء المناسب

[الاهلاوي]

زمزم ياحبيبي زمزم
هههههههههههههههههههههههههههههههههههههههههههه

[x_bioc]

اول شي ابارك للشعب السعودي تأهل نادي الوطن للربع النهائي الاسيوي

وإن شاء الله الكأس سعودية بإذن واحد احد

و إن شاء الله نلعب مع ليفر بول ....... والكل شاهد فريق الاتحاد يضاهي الفرق الايطاليه و يناصفها المستوى
بغض النظر عن ال خمسة اهداف الي دخلت في تيسير آلنتيف

بجد كتيبة النمور ارعبت الاندية الاسيوية بنتايجها الباهرة و اهدافها القوية

و اندية اسيا الكبيرة صارت تعمل الف حساب للنمور قبل الصغيرة


اخوي الاهلاوي

اشكرك على روحك العالية و ما استغرب منك ............. بدون ادنى شك انت من ابناء الوطن


بس في معلومة ابغا اصلحلك هيا

شوف حقيقة الاتحاد الي هيه الفريق الاولمبي في كاس الامير فيصل معدوم

للمعلومية الفريق الالومبي دا كان (( صف رابع )) يعني ما ينلام

37 لاعب اتحادي كان معسكر في ايطاليا ، غير ال 9 الي شاركو مع المنتخب


اما لو عندكم فلووس !!!! انا افتكر ان كان عندكم فلوس في سابق العصر والاوان .... بس ما سويتو شي

اللهم جبتو مردونا لعب كم مباراة معاكم ......... و اخد الفلوس و اتبرع فيها ل .................


اتمنى ان يرجع الاهلي كسابق عصره ............ عشان ما احب ان تكون مباريات الاتحاد والاهلي من طرف واحد


تحياتي

[الشاكي]

أبو فهد عسى ماشر

[الاهلاوي]

ياسيد x_bioc
ماادري انتا كيف صرت مشرف ( الاشراف يبغاله امانة)

(للمعلومية الفريق الالومبي دا كان (( صف رابع )) يعني ما ينلام
37 لاعب اتحادي كان معسكر في ايطاليا ، غير ال 9 الي شاركو مع المنتخب)
يارجل اكتب عن معلومة تعرفها ولا لا تكتب
ياجماعة حقيقة ال 46 لا عب هي 20 كانوا في ايطاليا و5 في المنتخب
هذا مصدري
http://www.ittihadfans.com/fans/showthread.php?t=62391

مصدرك ياباشا


(اللهم جبتو مردونا لعب كم مباراة معاكم .........)
فين راح بيبتو ضحك على................ واخد فلوسه وراح ...... لا ياشيخ عنده فلوس زايدة

تحياتي
الاهلاوي