المواد التي تُعادل في الخطة الجديدة الـ ( 131 ساعة )

[smsm7]

في مادة اخلاقيات عمل وتنمية مهارات التفكير مااخدتها

[أم رنيم]

ليه انتي مادرستي البحث العلمي ؟؟
ان كنتي درستي البحث العلمي فماتحتاجي تدرسي مهارات التفكير لأنها تتعادل معاها

أخلاقيات عمل مادة أساسية عندك وموجوده في الخطه الدراسية
وهي بساعتين مو 3 ساعات

ماقلتي لي كم طلع عدد الساعات الحرة والإختيارية الي درستيها وماهي موجوده في الخطه الدراسية ؟؟

[smsm7]

درست بحث علمي بس اخلاقيات عمل مادرستها والحره والاختياريه مو قلتلك متعادله مع مواد اخدتها من اول فاكره ومشكوره على تجاوبك معايا بس انا مره خايفه انو ماتخرج دا الترم انا مره احترت

[smsm7]

درست ادارة اعمال 101 واقتصاد كلي 102 ومحاسبه 102

[smsm7]

درست econ 205,econ 250صارت 15

[أم رنيم]

المشاركة الأصلية كتبت بواسطة smsm7 درست بحث علمي بس اخلاقيات عمل مادرستها والحره والاختياريه مو قلتلك متعادله مع مواد اخدتها من اول فاكره ومشكوره على تجاوبك معايا بس انا مره خايفه انو ماتخرج دا الترم انا مره احترت

العفو ..
انا عارفه انك درستيها بس أجمعي عدد ساعاتها ؟؟
لو كانت أقل من 15 ساعه لازم ترجعي تاخذي المتبقي من الساعات

درست ادارة اعمال 101 واقتصاد كلي 102 ومحاسبه 102

هذي كلها مواد حره وعدد ساعانها 7 ساعات مو صح ؟
ومكتوبة في كشف الدرجات عندك كده مو صح ؟
تأكدي من عدد الساعات في كشف درجاتك وليس في الخطة الدراسية

ادارةاعمال = 3 ساعات
اقتصاد كلي = 2 ساعه
محاسبة 102 = 2 ساعه

باقي لك 8 ساعات
هل في غيرها في كشف الدرجات وماهو موجود في خطتك الدراسية ؟

[أم رنيم]

المشاركة الأصلية كتبت بواسطة smsm7 درست econ 205,econ 250صارت 15

كم عدد ساعاتهم ؟؟
تأكدي من عددها في كشف الدرجات
ياريت كل مادة تكتبيها لي أكتبي لي عندها عدد ساعاتها الي في كشف الدرجات

[smsm7]

معليش انقفل موقع الاوديوس وموراضي يفتح بس انا ترى مواد كثير اخدتها مافي في الخطه الجديده حاليا لاني من دفعة 04 وبعدين اتمنى اشوفك في الجامعه انا راح اشوف المواد مزبوط واعطيكي هيا وتسلمي وابي اروح اشوف ولدي ياسكر والله لايضيعلك تعب عندك اطفال ؟؟ معليش سؤال داخل عرض هههههههههههههههههههههه

[smsm7]

محاسبه 102 ساعتين
اداره اعمال 101 3 ساعات
اقتصاد كلي 102 ساعتين
فكر اداري في الاسلام pad150 ساعتين
نظام حكم في المملكه ساعتينps 211
نظام اقتصادي في الاسلام ساعتين econ 250
احصاء 101 stat ساعتين
تحليل احصائي 205 3econ ساعات
رياضيات 101 3 ساعات وسلامتك

[أم رنيم]

المشاركة الأصلية كتبت بواسطة smsm7 معليش انقفل موقع الاوديوس وموراضي يفتح بس انا ترى مواد كثير اخدتها مافي في الخطه الجديده حاليا لاني من دفعة 04 وبعدين اتمنى اشوفك في الجامعه انا راح اشوف المواد مزبوط واعطيكي هيا وتسلمي وابي اروح اشوف ولدي ياسكر والله لايضيعلك تعب عندك اطفال ؟؟ معليش سؤال داخل عرض هههههههههههههههههههههه

ايوة الحمد لله عندي 4 أطفال

صدق الي قال علينا نسوان
8
8




المهم أول مايفتح الأودس سوي الي قلت لك عليه

وحتى لايرجع يقفل عليكي الموقع اعملي التالي :
افتحي صفحة كشف الدرجات واحفظيها في سطح المكتب
وافتحي صفحة الخطة الدراسية وكمان احفظيها في سطح المكتب

بعدين بدون انترنت طبعا حتفتحي الصفحتين معا
واعملي مقارنة بينهم

شوفي اش هيا المواد الي في كشف الدرجات وماهي موجوده في الخطة الدراسية؟؟
وكم عدد ساعاتها في صفحة كشف الدرجات ؟؟

ولاأقلك عندي حل مريح لي ولك
زي ماعملوا بعض الأعضاء
ارسلي لي ع الخاص رقمك الجامعي والباسورد وبكذا انا وانتي ارتحنا

وأنا حطلع النتائج