نتـــائج بحثي في المواضيـــع القديمه لمنتدى كلية العلوم الطبيه التطبيقيه...

[M!sS chocolate]

السلام عليكم ورحمة الله وبركاته ...

واااااااااااااااه أحس اني للآن ماني مصدقه إني دخلت هالكليه

كلية العلوم الطبيه التطبيقيه
إسمهــــــــا يعجبني أحس كدا طويل وحلو كل ماامر من الكليه وأشوف القسم
كنت أقول آآآآآه بس متى بدخل القسم دا ولمن الباص ينزل البنات للبوابه الشرقيه
أسال نفسي بدخل من البوابه دي واللا لا .. وفي الأيام الاخيره في التحضيري
كنت أقول لصاحبتي واخيرا بنفتك من القسم ذا ولا عاد بنقربه ..

الخلاصه مبرووووووووك لكل اللي انقبلوا ومن جد من جد كل مااقرأ
عن الكليه أقول محظوظ كل من دخل الكليه دي كل شغلها ممتع

نجي للموضــــوع الرئيسي جلست تقريبا من الساعه 9 للآن الساعه 12 ونص
وأنا ألفلف في هالقسم وطلعت بنتــــائج وفي حاجات استغربت منها
ياليت لو اللي أكبر مننا يجاوبوا علينا ..

1- أول يوم حيكون يوم ارشادي يورونا المعامل حق الأقسام وبعد كدا يسووا محاضره
كيف تختار تخصصك وكيف وكيف وكيف ... وفي استماره ترتيب التخصصات هادي
ترتبيها قبل ماتدخلي اليوم الإرشادي وينزلوها في موقع الجامعه ويحددوا يوم معين تجيبي
فيها الإستماره دي للجامعه ..
http://www.skaau.com/vb/showthread.php?t=104029

وهذا موضوع للدكتور جهاد عن اليوم التعريفي للسنه الماضيه

2- السكرب وهذا وضحوه لهم في اليوم الإرشادي
العلااااج الطبيعي يلبس ازرق تقريبااا تركووااازي
,الاشعه عووودي
,التقنيه (المختبرات )لبسهم بني اللي هووو بيج
التغذيه صراحه ماشوفت كلام عنهم بس اظن موف
والتمريض أبيض
وهذا موضوع للأخت نانوووك عن الزي
http://www.skaau.com/vb/showthread.php?t=98784
هو يتكلم عن بنات طب الاسنان بس المختلف بيننا وبينهم اللون
وعجبني كلامها من حيث الستر
وعلى فكره
البناطيل السكيني ممنــــوعه وأكيد الموضوع اللي فوق وضح السبب

سؤالي هنـــــا ؟؟؟

الأخت هنا تكلمت عن الطرحه بس ماجابت سيرة النقاب
فالبنات اللي ماترضى انها تكتفي بالطرحه قدام رجال عادي تلبس نقاب !
واللاب كوت هل صحيح لازم يكون لنص الساق أحس مرره طويل
ومع قرايتي لقيت في ردود يقولوا انها لمن الركبه أقصر من كدا ممنوع ..

3- التخصص
من خلال قرايتي عن هذا الموضوع لقيت الكل داخل الشيء اللي هو حطوا برغبته
والتخصصات طلعت في نفس اليوم يعني اليوم الإرشادي تروحيه ترجعي الليل المغرب
بالكثير تلاقي التخصص نزل عالأوديس بالجدول .. يعني دراسه على طول فاتهنوا بالإجازه
من دحين أشبعوووووووا لعب ونوووووووم اهم شيء النوم هههههههه
http://www.skaau.com/vb/showthread.php?t=106195
وهذا موضوعهم بالنسبه للتخصصات ولقيت الكل فرحان الله يوفقهم ..

4- أول يوم هذا موضوع قريته مرره عجبني عن أول يوم كان لهم
http://www.skaau.com/vb/showthread.php?t=105328

5- البطايق عاد هذا على حسب عمادتنا المحترمه تغيرها بدري لنا
واللا تقول بعدين تعالوا اليوم الفلاني زي ماسووا لهم

سؤالي هنــــا ؟؟!

كيف أدخل لشطر الطالبات الطب وأنا مكتوب في بطاقتي تحضيري
وعمادتنا فرضا قالت بعدين نغيرها لأنو في الأوديس نازله لنا
على ركن افادة الكليات الصحيه ومكتوب
الإسم
الرقم الجامعي
الكليه العلوم الطبيه التطبيقيه
هل أطبع الورقه دي وتكون هيا اللي تدخلني ...

[є7ѕαѕ σηtћά]

وعليكم السلام
مررررره يسلمووو ياعسل
ماشاء الله موضوع جدا رائع ومفيد
وفرتي عليا الوقت <<كنت ناويه اني ادور في المواضيع القديمة ^_^

الأخت هنا تكلمت عن الطرحه بس ماجابت سيرة النقاب فالبنات اللي ماترضى انها تكتفي بالطرحه قدام رجال عادي تلبس نقاب !

صح عاادي نلبس نقااب ؟؟

والسكرب هل صحيح لازم يكون لنص الساق أحس مرره طويل ومع قرايتي لقيت في ردود يقولوا انها لمن الركبه أقصر من كدا ممنوع ..

امكن قصدك الاب كوت :) لانه مستحيل يكون السكرب لنص الساق ..

كيف أدخل لشطر الطالبات الطب وأنا مكتوب في بطاقتي تحضيري وعمادتنا فرضا قالت بعدين نغيرها لأنو في الأوديس نازله لنا على ركن افادة الكليات الصحيه ومكتوب الإسم الرقم الجامعي الكليه العلوم الطبيه التطبيقيه هل أطبع الورقه دي وتكون هيا اللي تدخلني ...

سؤال مرره مهم لانه ممكن اول يوم مايمديني اروح العمادة واغير البطاقه :(

ياريت احد يفيدنا ^_^

[● ά7Ļά şùģάя ●]

يب أكيد تقصدي اللآب كوت
فهو لآزم يكون تحت الركبة

وبالنسبة للنقآب
أكيد مسموح ومآ شآء الله الغآلبية يتنقب
إزآ كنتي تمريض لآزم أبيض
وغير قسم أي لون

وبالنسبة للبطآيق
أول أسبوع عآدي يسمحوآ لكم تدخلو ببطآيق التحضيري بس يسجلو أسمآءكم ع ورقة عند الدخول
والأسبوع الأول تجمعو كدآ طآلبآت كل قسم وروحو الجآمعة التآنية غيروهآ

[M!sS chocolate]

قصدي اللاب كوت بس مع الكتــــابه الواحد يخطئ
أمــــا اللي سكرب لنص الساق
خخخخخخخخخخخخخخخخخخخخخخ
تـــــــــــم تعديل الكلمه وتمام انكم انتبهتـــوا ...


є7ѕαѕ σηtћά
● ά7Ļά şùģάя
مشكوووووووووره على مروركم وتعطيركم لصفحتي ..

[Dr~NanoOok]

احب اهنيكم واباركلكم على التخصص ^_^
وربي يوفقكم فيه.. وعقبال نشوف انجازاتكم و بصمتكم باذن الله

وزي ما قلتي.. الكلية فعلا مرره ممتعة
وانا درست أول سنة فيها .. وكانت من أروع السنين و حصلت على اروع صحبات ولله الحمد

ولأني من دفعة 08 اللي قبل التحضيري
فكان مسموح لنا نحول بعد سنة.. وبدون ما نعيدها في التخصص التاني
يعني على طول ندرس في سنة تانية << واعتقد احنا الدفعة الوحيدة "^^

~

بالنسبة لطول اللاب كوت
فأنا اشوفه مره كويس انه لنص الساق
لأنه يعتبر عبايتك وتداومي فيه في المستشفى والعيادات
مع اني بالأيام العادية احب اخرج بعبايتي
اخسها استر وافضل.. الا اذا عندنا دوام بالمستشفى ما اكون بالعباية

~

وبالنسبة عن النقاب..
طبعا مررره عادي انك تلبسيه.. وماشالله عندنا بنات كتير بيلبسوه ومحد قالهم شي
و الحلو ان الدكاترة قبل ما يدخلوا الكلاس يعطونا خبر
فنلبس الطرح والنقاب ونضبط نفسنا


يلا بالتوفيق للجميع يارب ^_^

[M!sS chocolate]

^^^^^^^^

أهلا Dr~NanoOok
وفعلا الكليه دي كل ماأقرأ عنها أحبها زيـــاده
ومررررررره فرحت لمن انقبلت فيها ...

بالنسبة لطول اللاب كوت فأنا اشوفه مره كويس انه لنص الساق لأنه يعتبر عبايتك وتداومي فيه في المستشفى والعيادات مع اني بالأيام العادية احب اخرج بعبايتي اخسها استر وافضل.. الا اذا عندنا دوام بالمستشفى ما اكون بالعباية

اممممممممممم احنا حنبدأ دوام بالمستشفى من دي السنه

[خليني معاك]

نشكركم لحسن تعاونكم معنا ونتمني لكم حياه مليئه بالسعاده والحب والنجاح
سي يو

[do0ody-do]

السلام عليكم ..

بنات يقولوا يمدينا نغير البطاقه دحين في الصيف ؟؟

صح ولا !!

اتمنى يكون صح لانو دحين احسن من بعدين

[weddah]

المشاركة الأصلية كتبت بواسطة m!ss chocolate ^^^^^^^^ اممممممممممم احنا حنبدأ دوام بالمستشفى من دي السنه

حسب التخصص اللي حتدخليه ان شاء الله

اشعة يروحوا المستشفى من اول ترم
احنا علاج الترم التاني رحنا
اتوقع مختبر وتغذية سنة رابع ينزلوا

يعني حسب

بالتوفيق

[MiSs Oops]

يعطيكي الف عافية ياعسل
ماتقصري ..
الصراحه موضوع مرة نايس
استفدت منه كتير وخصوصا من المواضيع القديمة
وفرتي علينا المجهود مرة ^^
والله يجعلو في ميزان حسناتك يارب

=)