شرح عملية الحذف والإضافة للمستجـدين

[قلب ينبض لله ~]

ربّي يسعدكِ بآيوكيميآئية () =)

حبيت اسألكِ بخصوص الموآد الحرة ..
كيف إختبآرآتها ؟ مقآلية والا كلها اختيارات مثل المواد العامة ؟
ومآدة فلك من أي قسم ؟ وايش رمزهآ هي ومآدة صحة نفسية ..

جزيتِ خيرًا كثيرًا يَ رب ولآحرمتي الأجر ..

[Aziza Yahya]

الله يعطيكِ ألف ألف عافيه بيوك

كفيتِ و وفيتِ .

[بيو كيميائية ^_^]

المشاركة الأصلية كتبت بواسطة LeLou إن شاء الله راح يستخدموه عاجلا أو آجلاً .. و إن شاء الله جامعتنا المصونة تزبط الوضع مع الأوديس الحبيب.. بالنسبة للمواد أكيد ما عندي مانع و هذا شي يسعدني جدًا.. و راح أتكلم عنها في الرد الجاي.. و يعطيك العافية مرة أخرى||~

مشكورة ماتقصري

المشاركة الأصلية كتبت بواسطة بيشووو،، يسعدك يآآآآآآآآآآآرب ،، من جد الله يعطيكي العآفية ،، الآسئــــــــــــــلة ^^ 1- "سوزان الحربي ونهى زيلعي ياحظ اللي تدرسهمـ " اي وحدة بالزبط اللي يحظهم اللي تدرسهم...؟! 2- كيميآ 281 كلهم حبوبات.. بس معليش تكتبيلنا اسماء..!! وربنا يوففففففففقكـ...

ثنتينهمـ أنا درسوني يناسوا عليهم أخلاق وطيبة وأسلوب شرح رائع كان لابنا من 2 إلى 5 لكن ماكنا نطفش

يعني لو وحدة منهم درستكـ أو ثنتينهم بتنبسطي

أنا درستني وحدة اسمها دعاء و وحرمة كبيرة اسمها عفاف أظن كانوا طيوبات

وفيه مها العتيبي أنا أخذت معاها لاب كيمياء 230 يناسوا عليها عسل تجنن أخلاق وشرح وطيبه

وفيه نهاد أخذت معاها لاب كيمياء 230 طيوبة برضو وشرحها حلو بس ينومـ

المشاركة الأصلية كتبت بواسطة قلب ينبض لله ~ ربّي يسعدكِ بآيوكيميآئية () =) حبيت اسألكِ بخصوص الموآد الحرة .. كيف إختبآرآتها ؟ مقآلية والا كلها اختيارات مثل المواد العامة ؟ ومآدة فلك من أي قسم ؟ وايش رمزهآ هي ومآدة صحة نفسية .. جزيتِ خيرًا كثيرًا يَ رب ولآحرمتي الأجر ..

على حسب الأستاذة بس هي المواد عربي فتكون سهلة عليكِ

أنا اللي أخذتهم كانت إختياري

فلكـ من قسم العلوم الفلكية كلية العلوم رمزها astr201

صحة ماأعرف رمزها بس ببحث لكـ

ونصيحة مواد أربع ساعات إهتموا فيها عدل وحاولوا تجيبوا فيها عالي لأنها ترفع عدل وتنزل عدل

[بيشووو،،]

اختي تقول ما ينزلوا اسماء استاذات الا بعد الحذف والاضافة :(

هيا كلية اداب .. حتى العلوم كدا ..؟!!

[بيو كيميائية ^_^]

هذا موضووع فيه 71 مادة حرة

هنا

وهذا رابط موضوع المواد الحرة اللي نزلت في الصيف

هنا

[بيو كيميائية ^_^]

المشاركة الأصلية كتبت بواسطة azoooz~ الله يعطيكِ ألف ألف عافيه بيوك كفيتِ و وفيتِ .

الله يعافيكـ

المشاركة الأصلية كتبت بواسطة بيشووو،، اختي تقول ما ينزلوا اسماء استاذات الا بعد الحذف والاضافة :( هيا كلية اداب .. حتى العلوم كدا ..؟!!

إحنا كيمياء حيوي ماينزل لنا إلا بعد ماندرس

بس الكيمياء نزلت

والأحياء تنزل بس مو أول يوم بعدين بس قبل مايسكر الحذف والإضافة

فتوكلي على الله والله يكتب لك الخير

[LeLou]

بسم الله الرحمن الرحيم..

راح أبدأ بإذن الله أتكلم عن مواد قسم الفيزياء الخاصة بالمستوى الثالث..
و راح أقول شي قبل لا أبدأ..
في قسم الفيزياء كل المواد راح تكون مفتوح لها شعبة واحدة و دكتورة واحدة هي اللي راح تدرس المادة..
باعتبار أنه التخصص هذا أقلية إللي يدخلوه..
فما راح تكون عندكم خيارات كثيرة..

نبدأ:~

فيزياء 202..
اسمها: فيزياء عامة 2..
رمزها و رقمها: Phys202..

المادة هذي باختصار اسمها أساسيات كهرباء و مغناطيسية..
يعني تتكلم عن الكهرباء الساكنة و الكهرباء المتحركة و المجالات الكهربائية و المجالات المغناطيسية و و نبذة بسيطة عن الدوائر الإليكترونية،، و ما إلى ذلك..

المادة بصراحة مو صعبة و لا سهلة..
يبغالها فهم..
و الدكتورة إللي بتعطي المادة دي هي دكتورة واحدة مافي غيرها..
ما أبغى أغتابها بس ما أقول غير الله يهديها و يسامحها..
ما راح تستفيدوا منها كثير..
فإنتوا من بدري دوروا لكم على مرجع أو أقروا المادة ترى ممكن تفهموا لو حاولتوا تفهموها نفسكم هي مو مرة صعبة..

بالنسبة للاختبار راح يكون اليكتروني على كمبيوتر..
و الأسئلة كلها اختيارات،، و بمجرد ما تضغطي أنهاء راح يتصحح لك الاختبار..
الدكتورة هذي كريمة في الدرجات،، يعني لو حضرت معاها دايمًا و حليت الهوم وورك و أديتيها هو تديك درجة أحسن اختبارين..
و هي جدًا مدققة عالحضور و لو اتأخرت و دخلت بعد ما حضرت تحطك غياب..
بس ما تعطي DN..

و بالنسبة لمعمل المادة هذي هو أسهل معمل بس لا تستخفي بيه..
لأنك ممكن تجي وقت النهائي ناسية كل شي فحاولي انك تشتغلي بنفسك و تشوفي طريقة شبك الأجهزة..

و بس كدا قلنا تقريبًا أهم النقاط في المادة دي..
.................................................. .............

فيزياء 203..
اسمها: فيزياء عامة 3..
رمزها و رقمها: Phys203..

المادة هذي بتتكلم عن الديناميكا أكثر شي..
ديناميكا يعني حركة..
بتتكلم عن ديناميكا الموائع و الحركة التوافيقة البسيطة و الموجات و الديناميكا الحرارية و آخر شي في جزء لزيز و خفيف عن البصريات..

المادة هذي تدرسها الدكتورة سناء أباظة..
أكيد غنية عن التعريف..
ما شاء الله تبارك الله شرحها قمة في الروعة..
و أسلوبها مع بنات التخصص مو زي التحضيري..
هي متشددة صحيح بس لو احترمتيها تحترمك و أخلاقها جدًا عالية..
و تتقبل أسئلة الطالبات مهما كانت سخيفة و تجاوب على أي سؤال و تتقبل أي شي..
يعني لا تخافي من انك تجاوبي أو تسألي في كلاسها..

و بالنسبة لأسئلتها لا تسمعوا كلام إللي يقول لكم أنها صعبة..
هي أسئلتها مو سهلة بس مو تعجيزية..
يعني باختصار الأسئلة تبين البنت الفاهمة كويس و اللي مشي حالك..
يعني لو انك فاهمة راح تشوفي الأسئلة سهلة و معقولة..
و الدكتورة دايمًا تعطي هوم وورك حاولي تحليه لأنه عليه درجات غير كدا تستفيدي منه..
و الهوم وورك عادة سؤال أو سؤالين مو شي صعب ممكن ينحل بــمدة ما بين 5 دقايق إلى نص ساعة..
و كمان بتعمل كويز كل اسبوع 5 دقايق أول المحاضرة في يوم هي تحدده..
الكويز يكون على محاضرات الأسبوع كلها..
يكون فيه اختيارات أو فراغات يعني ما يبغاله مذاكرة يبغاله قراءة بتركيز أو مذاكرة بسيطة..
يعني تجي يوم الدوري بإذن الله و إنت متمكنة من المادة مع الهوم وورك و الكويزات..
و تحضر كل محاضرة و تعطي DN..
هي دائمًا تقول أنا كل بنت عندي تاخذ مستواها..
إللي مستواها A+ تاخد A+..
و إللي مستواها C تاخذ C..
و إللي مستواها F بعيد عنكم تاخذ F..
هي بصراحة ما تظلم أحد حقه..

بالنسبة للمعمل هذي المادة معملها فيه شغل و حسابات و رسم فأنصحك لا تفوتي منه و لا محاضرة لأنك راح تضيعي..
و هو حلو و راح تستفيدي من المعلومات اللي راح تاخذيها فيه..
بس يبغاله تركيز و أهم شي تشتغلي و تسوي الحسابات بيدك عشان ما تضيعي عالاختبار..

و بس هذا أهم شي بالنسبة للمادة دي..
.................................................. .............

بعد كذا رياضيات 202..
اسمها: تفاضل و تكامل 2..
رمزها و رقمها: Math 202..

المادة هذي أغلبها تتكلم عن التكامل و قوانينه..
و في جزئية عن الدوال الزائدية و متطابقاتها و تفاضلها و تكاملها..
المادة هذي أتعب أقول لكم سهلة..
بس في نفس الوقت يبغالها انك تعطيها جزء من اهتمامك..
مادة ظريفة جدًا تضمني فيها درجه عالية لو شديت حيلك..

أنا درستني هي غادة مطر و هي ما راح تدرس المادة السنة هذي..
في بنات أخذوها مع آسيا زقزوق و يمدحوا فيها..
و أنا كمان لاحظت أنها جدًا مهتمة بالبنات و تساعدهم مرة كثير في الاختبارات..
تقول لهم اكتبوا أي شي لا تسيبوا السؤال فاضي و هي تديك درجة على أي شي صح تكتبيه لو نص درجة حتى..

المادة فيها هوم وورك أون لاين عليه 10 درجات من المية..
يعني لازم ينحل..
لأنك ما تقدري تفرطي بعشرة درجات مو قليلة..
و بالنسبة للاختبار راح يكون زي اختبارات الماث تبع المدرسة..
فيه ما لذ و طاب من أنواع الأسئلة و راح يكون مقالي..
و أهم شي انك تدربي يدك على الحل و تحلي سيكشن و أسئلة بيدك عشان يوم الاختبار ما تضيعي على نفسك الوقت..
و لو فاهمة ما راح يكون بإذن الله صعب عليك أبدًا..

نصيحتي الأخيرة لا تفرطوا في المادة هذي لأنها راح تساعدكم بإذن الله في رفع المعدل..

و بكذا نكون قلنا أهم شي بالنسبة للمادة دي..
.................................................. .............

بعد كذا معمل الفيزياء..
اسمها: معمل فيزياء عامة..
رمزها و رقمها: Phys 281..

المعمل ده مو صعب بس صراحة دمه ثقيل..
تجاربه جدًا مملة و طويلة و فيها شغل و رسم و حسابات كثير..
أنا عن نفسي ما أنصح انك تاخذيه مع فيزياء 202 و 203 لأنك راح تضغطي على نفسك بالمعامل و راح تندمي أشد الندم..
زيي و زي كل واحدة أخذت هذا المعمل مع 202 و 203..
الواحد مو ناقص تأخير في الجامعة و شغل و ريبورتات مرررة كفاية..
بس هو بصراحة أسهل معمل لكن زي ما قلت دمه ثقيل أنا أبدًا ما هضمته و لا شفت أحد هضمه..

معملين 202 و 203 ترى كفاية..
و إذا مصممة تاخذي معمل خذي كيمياء 281..
و خلي الفيزياء للمستوى الرابع عشان ما راح يكون فيه معمل غيره و تقدري إن شاء الله تتفرغي له و ما يعمل لك ضغط إن شاء الله..
.................................................. .............

بالنسبة للمواد العامة و الحرة كثيرين اتكلموا عنها..

أعتذر منكم على الإطالة و أتمنى أكون قدرت أفيد بنات الفيزيكس بشي..

و نصيحتي الأخيرة،، التوكل ثم التوكل على رب العالمين،، وإخلاص النية لله في العلم إللي بتتعلموه،، و ربي بإذن الله راح يفتحها بوجهكم و عشان تاخذوا أجر طلب العلم بإذن الله..
.................................................. .............

و أخيرًا//
اللهم ما كان صوابًا فمنك و ما كان خطأً فمني و من الشيطان..
و كل عام و إنتوا بخير..
سبحانك اللهم و بحمدك أشهد أن لا إله إلا أنت أستغفرك و أتوب إليك..

تحياتي:~
LeLou..

[A7la DeDe]

بعد كذا معمل الفيزياء.. اسمها: معمل فيزياء عامة.. رمزها و رقمها: Phys 281.. المعمل ده مو صعب بس صراحة دمه ثقيل.. تجاربه جدًا مملة و طويلة و فيها شغل و رسم و حسابات كثير.. أنا عن نفسي ما أنصح انك تاخذيه مع فيزياء 202 و 203 لأنك راح تضغطي على نفسك بالمعامل و راح تندمي أشد الندم.. زيي و زي كل واحدة أخذت هذا المعمل مع 202 و 203.. الواحد مو ناقص تأخير في الجامعة و شغل و ريبورتات مرررة كفاية.. بس هو بصراحة أسهل معمل لكن زي ما قلت دمه ثقيل أنا أبدًا ما هضمته و لا شفت أحد هضمه.. معملين 202 و 203 ترى كفاية.. و إذا مصممة تاخذي معمل خذي كيمياء 281.. و خلي الفيوياء للمستوى الرابع عشان ما راح يكون فيه معمل غيره و تقدري إن شاء الله تتفرغي له و ما يعمل لك ضغط إن شاء الله..

ياالله ..كنت ناوية آخذ المستوى الثالث كلوو ..بس بعد كلامك ماحآخد هالمعمل
بس حبيبتي بقي مادة ماتكلمتي عنها ..ولا عليكي أمر ليت لو تفيدينا فيها وتنصحينا ناخدها هالمستوى ولا لا ؟

phys200 امن وسلامة معامل < مااعرف ليه احسها تافهه المادة

[LeLou]

المشاركة الأصلية كتبت بواسطة A7la DeDe ياالله ..كنت ناوية آخذ المستوى الثالث كلوو ..بس بعد كلامك ماحآخد هالمعمل بس حبيبتي بقي مادة ماتكلمتي عنها ..ولا عليكي أمر ليت لو تفيدينا فيها وتنصحينا ناخدها هالمستوى ولا لا ؟ phys200 امن وسلامة معامل < مااعرف ليه احسها تافهه المادة

تصدقي كنت بقولها بس نسيتها..
ذكرتيني الله يذكرك بالشهادة قولي آمين..

طيب..

فيزياء 200..
اسمها: أمن و سلامة مختبرات..
رمزها و رقمها: Phys 200..

المادة هذي سهلة جدًا جدًا..
كل الكلام إللي فيها بديهي و ما يحتاج..
تتكلم عن كيف تتصرفي في المعمل..
كل الكلام بديهي يعني قراءة بتركيز مع حفظ بعض المعلومات الجديدة و المادة هذي في الجيب بإذن الله..
و محاضرة واحدة في الأسبوع ساعة يعني ما راح تسبب أزمة و لا شي..
و المحاضرات في السميستر كله 7 أو 8..

أخذتها مع دكتورة نور الهدى..
بصراحة هي ما كانت تسوي شي غير انها تترجم الكلام إللي في الملزمة لأنه بصراحة ما كان فيه شي ينشرح أصلا..
و لو فيه شي يبغاله توضيح ممكن معلومة بسيطة و كانت توضحها..
و كان فيه 10 درجات على الحضور و كل غياب تنقصك عليه درجة واحدة..
.................................

ديدي يا عسل شوفي ترى المعمل مو صعب..
بس أنا قلت كذا لأنه بصراحة راح يعمل ضغط و أنا حسيته سوى لي ضغط رهيييب..
و هو كله بساعة يعني ما راح يسوي شي بالمعدل فحسيت أنه مو مستاهل الكرف و أنا أخذت فيه A+ ولله الحمد..
فلو عندك استعدادية أنك تتحملي الضغط و إنتي حقت كرف خذيه و الله يعينك بس لو ما عندك يا تاخذي معمل الكيمياء بداله..
يا تخلي المعامل في المستوى الرابع..
بس أنا لسا ما أخذت مواد المستوى الرابع فما أقدر أحكم على الوضع كيف راح يكون بمعمل الفيزياء و الكيمياء بس البنات يقولوا لي أنه أخف بكثييييير من المستوى الثالث..
و إنتي استخيري..

و موفقة يا عسل||~

[A7la DeDe]

8
آمين ويآآآكي

واذا على كدا ..بإذن الله راح اخوذها بالمستوى الرابع
ويصير عندي معملين بكل مستوى .. ماابغى اضغط على نفسي

ويعطيكي ربي الف عاافيه ..مشكورة و مآقصرتي
والشكر أكيــد موصول لخيتو بيوكيميائية .. مآآننحرم

’,