دروس تقوية لمادة الإحصاء .. سنة تحضيرية خطة ب ( اضافة ملخص للباب الأول والثاني )

[نوره السديري]

وين التفاعل صبايا لباقي الابواب :(

[توفي الحربي]

وش اللوغرتيم مافهمته وش هذا ؟؟

[نوره السديري]

آمممم اللوغارتم هذي دالة من الدوال تدرسيناها بالرياضيات تلاقيها جاهزة في الاله اتمنى تكوووني فهمتي

[توفي الحربي]

والله مع الأسف يانورة مافهمت ياليتك تبسطينها بصورة اكثر وش الدالة وش رمزها هي عملية ضرب ولا طرح ووش بالضبط ؟؟

[عبقري الجامعة]

المشاركة الأصلية كتبت بواسطة توفي الحربي والله مع الأسف يانورة مافهمت ياليتك تبسطينها بصورة اكثر وش الدالة وش رمزها هي عملية ضرب ولا طرح ووش بالضبط ؟؟

مساء الخير
بالنسبة لل k الي موجودة بصفحة الي ذكرتي 43

ببساطة هي عبارة عن عدد الفئات

لما يطلب منا نكون جدول تكراري >>لابد ان نعرف كم فئة راح نسوي ؟((طبعاً الفئات راح تشوفيها موجودة بالحل الجدول باسفل الصفحة وهي -10 ,-20,-30,-40, حتى اخر فئه وهي (- 70 الي 80) ......هاذي الفئات عددها 7

طيب كيف طلعنا رقم 7

اول شي على حسب الالة الحاسبة الي عندك..فيها log ولا لا.
على العموم امسكي الالة وادخلي رقم ((1)) +زايد((3.3)) وبعدين فية زر مكتوب علية ((log)) بعد ما تضغطي على هذا الزر راح يفتح معك قوس ادخلي الرقم 50 الي هو عدد العينة 50 عامل موجودة بالسؤال

____________
معلومة مهمه عشان نطلع طول الفئهh لابد ان نحسب R الي هو المدى
وكذلك k وبعدين نقسم k÷hعشان نعرف طول الفئة

لازم نحفظ هذا الرقم عشان نوجد k
(?)1+3.3log


طيب بعد ما سوينا الكلام السابق طلع الناتج 6.61موجود عندك بالصفحه الي هو قيمة k
كيف صارت 7 >>>ببساطه العدد قريب من ال7 اكثر من 6 على طول نسوي تقريب و نكتب 7

______________
اتمنى اني قدمت شي مفيد

[نوره السديري]

مشششكور اخوي عبقري على الششرح

وان شاء الله تكوون وصلت

[مى جده]

بنات لو سمحتو عندي سوال وحابة تساعدوني فيه اذا مافي مانع

لدراسة مستوى الدخل لمجموعة من العمال , جمعت بيانات الاجور اليومية (بالريال) لعينة من مائة عامل ولخصت فى فى التوزيع التكرارى التالى:
<
فئات الاجور 10- 20- 30- 40- 50-60
عدد العمال 10 13 ? 23 30

أوجد طول الفئة الثانية
؟؟؟ هذة مرة اجيبو صح مرة غلط ماردي كيف اجيب طول الفئة
القانون يقلو طول الفئة طرح المجموع الكلى من عدد التكرارت بس ماعرف الخبط فيه مرة
اتمنى تساعدوني واكون شاكرة لكم
^_^

[نوره السديري]

المشاركة الأصلية كتبت بواسطة مى جده بنات لو سمحتو عندي سوال وحابة تساعدوني فيه اذا مافي مانع لدراسة مستوى الدخل لمجموعة من العمال , جمعت بيانات الاجور اليومية (بالريال) لعينة من مائة عامل ولخصت فى فى التوزيع التكرارى التالى: < فئات الاجور 10- 20- 30- 40- 50-60 عدد العمال 10 13 ? 23 30 أوجد طول الفئة الثانية ؟؟؟ هذة مرة اجيبو صح مرة غلط ماردي كيف اجيب طول الفئة القانون يقلو طول الفئة طرح المجموع الكلى من عدد التكرارت بس ماعرف الخبط فيه مرة اتمنى تساعدوني واكون شاكرة لكم ^_^

حؤؤبي انا فهمت سوالك بس الارقام احسسس مافهمتها بعدد العمال محطيه استفهام ليش

هي طول الفئة نحسسبها بانه

اول شي نحسسب المدى = اعلى قيمة - اقل قيمة

بعدينا نجيب k اللي هي عدد الفئات

واخير نطلع طول الفئة h= R/H

وسوي عليها الطريقة .... اتمنى تكووون وصصلت واذا تبين توضيح قولي لي

او اكتبي المسالة بششكل اوضح

[دلوعة الشاعر]

الله يعطيك العافيه اختي واتمنى من الجميع التفاعل وخاصه انو موالكل يقدر يحضر المحاضرات
ولكم جزيل الشكر
دلوعة الشاعر

[y@sir]

يعطيكم العافية ع هالاجتهاد .
انا وصلت للباب الثاني للان الامور ميسرة الحمد الله . ترا عشان تتسهل الامور لكم ترا الكتاب كله يدور على محاور مهمة وهي تعريف الاحصاء اصلا .
# جمع البيانات
# تنظيم وعرض البيانات
#تلخيص البيانات
#تحليل البيانات واتخاذ القرارات

الزبده انهم يشرحون حبه حبه كيف اول شئ تجمع البيانات بعدين التنظيم والعرض بعدين التلخيص بعدين التحليل .
وأهم نقطة انهم الحمد الله مسهلينها ما يحتاج حفظ لانه سمعت القوانين بتكون بالاختبار موجودة بالورقة .أهم شئ
الفهم وطريقة حل المسألة ,
هنا رابط في اخت الله يجزاها خير حملت المحاضرات ,
http://www.skaau.com/vb/showthread.php?t=464386

أجمل طريقة خاصة لنا كانتساب للمذاكرة ,
اولا قراءة الباب بامعان .
ثانيا : مشاهده الشرح المسجل ,
ان شاء الله تفهمون عليها . لأنه يوم تقرا اول شئ يكون فيه تمهيد وشوية معلومات عن الباب , وبعدين يوم تشوفون الشرح تحسون الامور تسهلت وتفهمون المحتوى بشكل مبسط وميسر.


نسال الله التوفيق .