نزلت درجاااااااااااااات اورااااااااااق تجارية

[oRoora]

السلام عليكم
نزلت درجات اوراق تجارية انا نهائيا ماااااااااااااعجبتني ياريت تقولولي كيف درجاتكم عشان حابه اعرف المستوى العام عنده يعني هو انا الي فااشلة ولا كده طريقة تصحيحه والسلام
على فكره اخد الماده مع الدكتور عبد الهادي الغامدي

[مستشار قانوني]

اولا : الف مبروك لكل من نجح في مادة اوراق التجارية وحظ اوفر لجميع الراسبين ...


ثانيا : الدكتور عبدالهادي عمره ماظلم احد ولا يأكل حق احد ...وياربت كل الدكاتره في قسم مثله ...


ثالثا : درجتي ولله الحمد ممتازة (85 ) ... واعتقد هذا حقي في المادة ...



رابعا : لا تقولي عن نفسك فاشلة ما افي احد فينا فاشل...كلنا نقصر في حق انفسنا وحق درستنا لكن هذا التقصير ما يوصل للفشل ولو انك فاشلة ما وصلتي للجامعه او ذاكرتي واجتهدتي للاحتبارات وانا ما احب هذه الكلمة قولي اني قصرت بدل من كلمة فاشلة واسف على هالكلام واتمنى لك التوفيق ...





اتمنى التوفيق للجميع ...

[بدر طلع]

وانا اشهد ان الدكتور الغامدي ونعم في الشرح وفي وضع الأسئلة وفي الدرجات

سبق واخذت معه مادة قانون تجاري

السؤال كيف مادة اوراق تجارية وهل هي متاحة كمادة حرة للإنتساب ادارة اعمال...؟؟؟

ارجو الرد وإفادتنا عن المادة بشكل عام سهله ولا صعبة

[مستشار قانوني]

المشاركة الأصلية كتبت بواسطة بدر طلع وانا اشهد ان الدكتور الغامدي ونعم في الشرح وفي وضع الأسئلة وفي الدرجات سبق واخذت معه مادة قانون تجاري السؤال كيف مادة اوراق تجارية وهل هي متاحة كمادة حرة للإنتساب ادارة اعمال...؟؟؟ ارجو الرد وإفادتنا عن المادة بشكل عام سهله ولا صعبة

اخوي مادة اوراق تجارية خاصة لطلاب القانون فقط وليست مادة حرة او اختيارية وهي متطلب بعد مادة


القانون التجاري وتفتح لنا مادة بحث وتدريب ...

[ملاك بن هاشم]

الدكتور عبد الهادي اخلاق واحترام ومسهل علينا المادة الله يوفقه ..

بس البنات عندنا شاطرين حبتين واللي اعرفه انه يتحاسبو الدكاترة لو المستوى عالي !

درجتي الحمد لله ممتازة بس كنت أتوقع اكثر

[بدر طلع]

مستشار قانوني اشكرك جزيل الشكر

ومبروك اللناجحين

[ياسر الغامدي]

أنسحبت ورقتي في الإختبار ظلماً وبهتاناً ..

وانا أحلف قسماً بالله إنه أنسحبت مني ظلماً وبهتاناً ..

والمستفيد من سحبها كان عبداللطيف باشيخ من قسم

المحاسبة لإنه كان يراقب علينا .. وبعدين ظهّر ورقتي للدكتور / عبدالهادي .. بس انا كان عندي دفوع

وماكان يطهرها تظهير باشيخ .. المصيبة إنه انسحبت ورقتي وقالوا تكتفي بالحل .. وانا بقيلي كثير

واللي التفت عليا ونقل مني كان مخلص ورقته .. يعني لما قالوا له تكتفي بالحل ( اصلا هو كان مخلص وحال كل شيء ) .. وانا اللي اكلتها ع راسي ..

المـهم غايته .. توصلنا لـتسوية واقية من الرسوب .. وقدمنا الحجج والدفوع في مواجهة المستفيد باشيخ ..

والمظهر له الدكتور/ عبدالهادي .. قبل الدفوع والحجج المقدمة له .. وصحح ورقتي بالفقرات اللي حليتها بس ..

وكان نجاحي بـ ( سكسه وسكسون درجه )



ملحوظة .. / في هذي المادة ذاكرت قبل الإختبار بساعتين .. وكنت متمكن منها ولله الحمد .. لولا الظروف التي حدثت

[oRoora]

ههههههههههههههه شكرا لك مستشار قانوني رفعت روحي المعنويه
بس صراحه انا ما قصرت في الماده سويت الي عليا واكتر تقريبا ختمت الماده اكتر من 6 مرات وحليت كويس واتوقعت اخد a
بس للاسف اخدت 80 انا ما اقول في غلط في التصحيجح بس اكيد الدكتور له نموذج معين في الجابه ما يبغا احد يطلع منه

[ملاك بن هاشم]

ماشاء الله عليكي 6 مرات ختمتي ..

ياويلي لو اموت ماعمري خمت شي اكثر من مرة حتى المراجعة ماالحق على كله

شوفي يا أورورا عندك ايميله اعطانا هو بأول الترم وكمان رقم مكتبه ممكن تسأليه

ترا فيه اخطاء احيانا لما بيرصدو الدرجات مع السرعة ولاحظي الدرجات نزلت بسرعة

[abu wfy]

بدايه مبروك ع النجاح,,

وأحب أطمنكم ان الدكتور عبدالهادي متقلب المزاج كتقلب الأجواء في جده...

لا أقصد الاهانه بل اجزم ان الدكتور عبدالهادي من الجانب الخيّر ومايظلم أحد ولله الحمد (هذا الأهم)

وبالنسبه للدرجات فأنا أخذتها في الترم الصيفي وتوقعت درجه عاليه لكن الحمد لله جبت b على ما اعتقد..

الشاهد أنه لايظلم بل نحن من ظلمنا أنفسنا..

ياسر الغامدي: أعانك الله وليس كل مايتمنى المرء يدركه, لاتنظر للخلف وكن مقدام <<<< أدري اني طولتها