(طالب الطب ليس لديه وقت الا للصلاة فقط اما الباقي فهو للانتومي والفيسولوجي )

[Ali The Humble]

السلام عليكم ورحمة الله وبركاته :........

كيف الحال ؟ ان شاء الله بخير ..........

في البداية احب اقول اجازة سعيدة ....او ان شاء الله ان يكون ما تبقى من الاجازة سعيدا لكم .......

انا طالب في السنة التحضيرية ..اطمح بان اكون في كلية الطب البشري في العام القادم .

عندي اسئلة متخصصة فقط بدراسة الطب لا السنة التحضيرية ....

لن اسأل واقول هل دراسة الطب صعبة او سهلة . لاني اعلم ان مثل هذه الاسئلة يختلف على اجابتها اكثر من طرف واكثر من مجرب ...
لن اسأل هل هل الدراسة بالانجليزي لانها ان كانت بالعربي لما التحقت بالجامعة ...

ولكني سأسأل عن امر محيرني كثيرا .......

هل يعقل فعلا ان يتحمل أي انسان (طالب طب ولا غيره ) ان يكون يومه كاملا في المجلس او في غرفته يدرس دون ان يتمتع على الاقل ببضع ساعات من الهواء النقي او ان يقضي لاهله بعض الاحتياجات ؟

انا لم اصدق لذلك كتبت هذا الموضوع لارى اجوبتكم وانا متأكد من ان هناك مبالغة في مثل هذه الجملة المشؤومة

(طالب الطب ليس لديه وقت الا للصلاة فقط اما الباقي فهو للانتومي والفيسولوجي ) ......

ارائكم يا سادة يا كرام ؟

[M!ss Mojy]

انا ماراح افتي كثير لاني طبعا مو مجربه

بس الي ينظم وقته مستحيل ينضغط

يعني احنا ماننكر انو الطب تخصص مايقارن بغيره من التخصصات

بس بجد انا اعرف ناس في الطب البشري كمان وماشاء الله مبسوطين في حياتهم وزيهم زي غيرهم

ومتزوجين كمان

يعني مو شرط طب خلاص مافي وقت لنفسي وحياتي

يعني الواحد لازم ينظم وقته ويتوكل على ربه

ومايهمكم الكلام الي الناس يقولوه لان الكلام السلبي المفروض مانحطه براسنا

والله يوفقنا ياااااااااااااااااااارب

[Ali The Humble]

المشاركة الأصلية كتبت بواسطة M!ss Mojy انا ماراح افتي كثير لاني طبعا مو مجربه بس الي ينظم وقته مستحيل ينضغط يعني احنا ماننكر انو الطب تخصص مايقارن بغيره من التخصصات بس بجد انا اعرف ناس في الطب البشري كمان وماشاء الله مبسوطين في حياتهم وزيهم زي غيرهم ومتزوجين كمان يعني مو شرط طب خلاص مافي وقت لنفسي وحياتي يعني الواحد لازم ينظم وقته ويتوكل على ربه ومايهمكم الكلام الي الناس يقولوه لان الكلام السلبي المفروض مانحطه براسنا والله يوفقنا ياااااااااااااااااااارب

اشكرك على التفاعل ....لكني اتمنى ان يرد علينا من قام بتجربة الامر ولديه الخبرة بهذه المقولة المشؤومة والتي يمتلئ الانتر نت بها بطريقة مزرية .......

فعلا شئ لا يقبله العقل ....فكيف بالقلب .............
منهم من يقول انا ارجع للبيت واذاكر الى ان انام الساعة الواحدة وهكذا الحال طيلة عام .....

اعذرني يامن كتب هذا لكن لا الطب ولا حتى قيادة امة تلتزم الشخص بهكذا اسلوب او جدول مثل هذا الجدول .....

وانا شخصيا اعرف احد الطلاب في السنة السادسة وهو مبسوط وينفي مثل هذه الادعاءات بل ان له خفة دم غير طبيعية ........

اتمنى ان يرد علينا الخبراء ولكن تذكروا ...
انا لا اقول انها لعب او انها مثل الثانوية او شي من هذا القبيل .

نعم انها دراسة جادة وصارمة وتحتاج الى صبر وشدة حيل وتوفيق من الله قبل كل شي ...ولن لا توجد دراسة ابدا تحتاج الى حبس النفس بهذه الطريقة

[evil girl]

وعليكم السلام ورحمة الله وبركاته ...

صح الطب من اصعب الاقسام والمسؤولية فيه كبيرة بس صدقوني ممكن تعيشوا حياتكم عادي صح مو زي الباقيين لانه ساعات الدراسة طويلة كل يوم الين الساعة 4 تقريبا يضيع نص اليوم بس ممكن تسوا كل الي تبغوه ومع مرور الوقت حتتعودوا والي حوالينكم يتعودوا من غير ما تحسوا ... انا بالنسبة ليا في ال3 السنوات الاولى ما كنت اذاكر تقريبا الا وقت الاختبارات والحمدلله كانت علاماتي كويسه بس لا تسوا زيي لانه من جد وقت الاختبارات ماالاقي وقت انام فيه واختباراتنا طويله مو اسبوع ولا 2 تاخد شهر ولا اكتر احيانا ...
عالعموم لا تشيلوا هم وعيشوا حياتكم لانه دايما في وقت لكل شيء اذا الواحد كان منظم وعارف ايش يبغى ...
الله يوفقكم كلكم يارب ويعطيكم الي في بالكم ...

[dr.CILIA]

وعليكم السلام ورحمة الله وبركاته
الله يبلغ كل واحد مراده ويوفقه للي فيه الخير
زي ماقالت الاخت إيفل ممكن مع الطب تعيشو حياتكم وتستمتعوا بيها زي الناس الباقين وهوا بس الدوام ممكن يكون مرهق لكن عندنا نهاية الاسبوع نستمتع بيها زي مانبغى (ماعدا اوقات الامتحانات طبعا)
وترى لو سألت أي أحد بيدرس في الطب وانخرط فيه راح يقول لك نفس الكلام اما الناس اللي برا مبالغين شويه..

وعموما إذا انت حابب الطب ومستعد وكمان منظم ماراح تلاقي أي مشاكل انشاءالله بس ممكن تقدم شوية تضحيات (:

واخيرا الله يوفقك ويختار لك الافضل...

[Enrique Iglesias]

السلام عليكم ورحمة الله وبركاته

والله موضوعك يا خوي اعجبني بس ما تحس ان التفكير بالكلية اللي ناوي عليها بدري؟؟؟

انت اهم شي حطيت كلية براسك والحين ركز وفكر بالسنة التحضيرية ... انت عارف ان السنة التحضيرية

ايش يسمونها بجامعة الملك سعود................... السنة التدميرية والله ما سموها بها الاسم الا لانه حطمت

طلاب كثيرين عن تحقيق طموحهم عشان كذا خذ هالنصيحة من مجربين ركز بالسنة هذي .

حاط كلية الطب براسك مثلي برااافو بس لا تنسى ان في جسر بينك وبين طموحك ...

وبخصوص حياة طالب الطب مثل ما قالت اخواتنا اللي فوق انا الحين قاعد بالرياض اهلي سافرو وقاعد

مسجل بدورة انجليزي وفي شباب من جماعتي يدرسون طب وصيدلة بسعود والله عايشين حياتهم

اللي بالطب يقولي انه لما يروح ينام ولا يذاكر باليوم الا ساعتين لان الطب فهم بس في الاختبارات تعب

بس انهم ينبهوني عن السنة التحضيرية لانها بالجامعة اسمها الستة التدميرية

واتمنى ان ردي نال اعجابك .سلام

[الحنونة 1]

وعليكم السلام ورحمة الله وبركاته ,,, :)

طبعا لا

من تجربة ..مايصير الواحد كذا الا الي مو منظم نفسه ..

((( ذاكروا الدرس اول بأول )))

دايماً احنا لما نسمع دي الجملة نقول عادي لما يجي وقت الاختبار ربك يحلها بس انا جربت وندمت لانه في الاخير مرة انضغطت وصار ينطبق علي المقولة الي قلتها انت اعلاه :(
بس ..الحمد لله لحقت نفسي :)

اصلا من وجهة نظري .،، لو طول الوقت في غرفتي وبذاكر ( حأفقد ) حياتي الاجتماعية .. حأفقد احساسي بالاخرين واصير متبلدة .. ومو حلو هذا الشعور ..

ولو تشوف كل الناس الي يقولوا مافي وقت غير الصلاة والباقي للانتومي والفسيولوجي ... اكيد صاروا مايعرفوا يتواصلوا مع غيرهم ...

انا ما اقول هم من يوم ماولدوا وهم كذا ،، لكن امور الحياة تغير في الانسان احياناً لو خضع لها بكل سهولة يصبح اسير لها ...


يمكن في ايام الاسبوع تحس شوية انه الوقت قليل فمدة الدراسة تكون اطول شوية ناهيك عن وقت رجوعك من الجامعة لكن عندك الربوع والخميس والجمعة ،،
استمتع بحياتك :)

الحمد لله انا ماشية على هالقاعدة في ناس يقولوا لا ماينفع صعب دخلتي طب يعني ضحي بكل شي تحبيه ،،
يكفي اني اثبت لنفسي بفضل من الله انه دا الكلام خطأ ..
و الحمد لله اخذت ممتاز مرتفع :)

نصيحة مني : لا تسمعوا لكلام الناس ،،، اسمعوا نفسكم وجربوا الي قاعدين يقولوه ..
في النهاية مايصير الا اللي ربي رايده وربي مو مضيع تعب احد ..

و في النهاية اختم كلامي بـ ..
(إن لربك عليك حقا ولنفسك عليك حقا ....فأعط كل ذي حق حقه )

[همس المشاعر]

انا مو مجربة الطب لكن شفت ناس كتير

وعندنا كمان بالبيت على حسب سبحان الله في ناس عادي طبيعين

وناس اصلا تحس انهم حابسين نفسهم وحارمينهامن كل شي ومختفيين عن الانظار

بس اولا واخيرا التوفيق من الله ومافي شي شهل

[PROF.Basem]

المشاركة الأصلية كتبت بواسطة Ali The Humble السلام عليكم ورحمة الله وبركاته :........ كيف الحال ؟ ان شاء الله بخير .......... في البداية احب اقول اجازة سعيدة ....او ان شاء الله ان يكون ما تبقى من الاجازة سعيدا لكم ....... انا طالب في السنة التحضيرية ..اطمح بان اكون في كلية الطب البشري في العام القادم . عندي اسئلة متخصصة فقط بدراسة الطب لا السنة التحضيرية .... لن اسأل واقول هل دراسة الطب صعبة او سهلة . لاني اعلم ان مثل هذه الاسئلة يختلف على اجابتها اكثر من طرف واكثر من مجرب ... لن اسأل هل هل الدراسة بالانجليزي لانها ان كانت بالعربي لما التحقت بالجامعة ... ولكني سأسأل عن امر محيرني كثيرا ....... هل يعقل فعلا ان يتحمل أي انسان (طالب طب ولا غيره ) ان يكون يومه كاملا في المجلس او في غرفته يدرس دون ان يتمتع على الاقل ببضع ساعات من الهواء النقي او ان يقضي لاهله بعض الاحتياجات ؟ انا لم اصدق لذلك كتبت هذا الموضوع لارى اجوبتكم وانا متأكد من ان هناك مبالغة في مثل هذه الجملة المشؤومة (طالب الطب ليس لديه وقت الا للصلاة فقط اما الباقي فهو للانتومي والفيسولوجي ) ...... ارائكم يا سادة يا كرام ؟

ضحكتني موت من الضحك

لو كل الطلاب زي ما تقول كان تلقى الطب من زمان متطور عندنا

و الله شوف على حسب سرعت فهمك وحفظك

بعدين من الي يقدر يجلس في البيت الوقت هذا كله

احنا طلاب سنة ثانية في جامعة طيبة نطلع كل يوم ثلثاء نلعب كور او على الاقل وناسة بس


يوم الخميس اغلب الطلاب يطلع في استراحة

طبعا احنا عددنا قليل مو زيكم 59 طالب بس

و الله الطلاب الي يطلعوا هم الاوال على الكلية والي دايم محبوس ينجح لكن مو بزي اليخرجوا ويتمشوا

[dr.z]

ماا في حااجه إسمها ماا في وقت إلا للصلاه

في عاالم بتحضر دراساات عليا

ماستر و دكتوراه

و عندها وقت تعمل كل حاجه

واجباتها الاجتماعيه , العائليه

و كمان عندها و قت للحاجات التانيه الثانويه في حياة الإنسان

عزيزي , الأمور لا تقاس بهذه الطريقه

نظم و قتك و ركز في المزاكره و لا تسمع كلام النااس

و ربنـــا يوفقك و نشوفـــك في الكليه....