أقدر احول من طيبة لجامعة الملك عبد العزيز ....؟ :'(

[I can]

السلام عليكم ورحمة الله وبركاته ...

عارفا طفشتكم بمواضيعي لكن انتو عارفين السنة دي كلها ضغط ضغط ضغط
وانتو ايكم الاجر والثواب إن شاء الله ...

انا انقبلت بجامعة الملك عبد العزيز وفرحت قد الدنيا لكن انصدمت بواقع السنة التحضيرية والنسبية العجيبة لدخول الطب

وعرفت انو اللي يكرف ويكرف ويجيب 4 ونص يدخل تمريض ؟؟
انا مو قصدي شي والله التمريض حلو ومهنة انسانية لكن مو دا طموحي
انا غير الطب البشري ما اأشوف

وبعد اللي سمعتو عن السنة دي خلاص حاولت اشيل جامعة الملك عبد العزيز من بالي لكن ما قدرت
انا هنا عندي طيبة والقبول للطب فيها من 4 لكن انا مو مقتنعة فيها ومني قادرة اتخيل اني ادرس فيها لكن الشكوى لله

عارفا طولت عليكم ...
طب سؤالي ...
بعد ما ادرس بجامعة طيبة واجيب إن شاء الله معدل مرتفع خلينا نقول 5 <<مافي شي مستحيل
واكون ضامنة الطب خلاص اقدر احول على جامعة الملك عبد العزيز واكمل طب فيها ولا لاء؟
لو بأي طريقة ..بأي طريقة <<لسا عندي أمل

والله يديكم العافية يارب ويوفقكم دنيا واخرة ويصبركم عليا

[Ma7a]

ماني عارفة ليش حاطين في بالكم انو طيبة او ام القرى او اي جامعة تانية اقل من جامعة عبد العزيز,,كلها جامعات حكومية ونفس الشهادة xD << دا رأيي =)

عموما,,ايوا هوا في تحويل خارجي بين الجامعات
روحي لموقع الجامعة وشوووفي الشروط =) << معليش كنت ابا اجبلك اللينك بس الموقع مو راضي يفتح معايا ×_×

بالتوفيق ان شاء الله ^_^

[د. أسامة]

وعليكم السلام و رحمة الله و بركاته ،

يمديك تحولي بس لازم تمري بالسنة التحضيرية و تعادل لك موادهــا ،

و بالتوفيق .

[Hassan 91]

للأسف اللي يبغى يدخل جامعة الملك عبد العزيز لازم يدخل سنة تحضيرية , بس مين قلك انو اللي يجيب 4,5 مايدخل ؟

أنا جايب 4,17 و جاني (طب شمال جدة) بس دخلت صيدلة (بمحض إرادتي) لأن عسفان مرة بعيدة عن بيتي

أنا أنصحك تدخلي جامعة الملك عبد العزيز وحتلاقي انو السنة التحضيرية ماشية معاكي تمام

آسف على الإطالة ... و أتمنى لكي التوفيق

[Kaira]

يب زي ماقالو الاتنين الي قبلي انو ازا حولتي لازم تدرسي سنة تحضيرية ^^"

[لـا]

المشاركة الأصلية كتبت بواسطة hassan 91 للأسف اللي يبغى يدخل جامعة الملك عبد العزيز لازم يدخل سنة تحضيرية , بس مين قلك انو اللي يجيب 4,5 مايدخل ؟ أنا جايب 4,17 و جاني (طب شمال جدة) بس دخلت صيدلة (بمحض إرادتي) لأن عسفان مرة بعيدة عن بيتي أنا أنصحك تدخلي جامعة الملك عبد العزيز وحتلاقي انو السنة التحضيرية ماشية معاكي تمام آسف على الإطالة ... و أتمنى لكي التوفيق

عندنا احنا الاولاد مروقين ومهدين الوضع

ولا تنسى ان معنا عسفان ورابغ

هذا ليه سهل تدخل

لكن عند البنات تدخل بـ4.50 كلية الزراعة

[مـــآجد]

4.17 وطي عسفان غريبة

انا معدلي اعلى منك بكثير يعني درجاتي طبيعي تكون اعلى منك
ومانقبلت فيها اناقبلت في رابغ

يالله الحمدلله ع كل حال

[MR.Google]

الي اعرفه عسفان وقف على 4.30 على مااعتقد

[Hassan 91]

المشاركة الأصلية كتبت بواسطة مـــآجد 4.17 وطي عسفان غريبة انا معدلي اعلى منك بكثير يعني درجاتي طبيعي تكون اعلى منك ومانقبلت فيها اناقبلت في رابغ يالله الحمدلله ع كل حال

يا جماعة و الله بهذا المعدل انقبلت طب عسفان و طب رابغ وصيدلة وكمان هندسة عسفان و انا اخترت صيدلة , يمكن يفرق بيني و بينك النسبة الخاصة , على العموم الحمد لله على كل حال أكيد الله كاتبلك الخير في رابغ وكاتبلي الخير في الصيدلة والله يوفقنا

أتمنى لك التوفيق في رابغ