استفسار بخصوص وضع أختي ,,

[ROMANILO]

السلام عليكم
ما أبغى أطول عليكم

أختي دفعة 10
و شهادتها الثانوية (أدبي)


اجتازت مواد السنة التحضيرية كلها بمعدل 3,00
حطوها في كلية الإقتصاد المنزلي







هل تقدر تحول من كلية الإقتصاد المنزل إلى أي كلية ثانية ؟
هل في اختيار للقسم أو المسار في كلية الإقتصاد المنزلي ؟ و كيف الطريقة ؟

و للعلم لما ادخل على الخطة الدراسية أشوف هذه الخطة



هل هذه الخطة كاملة ؟
ولا راح يكملوها لما تختار قسم أو مسار في الكلية ؟



آخر سؤال هيا كانت تدرس في مبنى في (شارع صاري)
دحين الترم الجاي فين حتكون دراستها ؟؟



و الله يعطيكن العافية
و آسف على الإطالة

[بنت جدة المنكوبة]

هل تقدر تحول من كلية الإقتصاد المنزل إلى أي كلية ثانية ؟
نعم تقدر ...إذا قدرت ترفع معدلها إن شاء الله
هل في اختيار للقسم أو المسار في كلية الإقتصاد المنزلي ؟ و كيف الطريقة ؟بما أنها مسار أدبي
عندها دي الخيارات
إما تدخل تربوي أوطفولة أو فنون إسلامية أو إدار سكن ومؤسسات
بالنسبة لها مافي إختبار للقسم
هل هذه الخطة كاملة ؟ولا راح يكملوها لما تختار قسم أو مسار في الكلية ؟
ليست كاملة هادي فقط مواد عامة
لازم تختار القسم إلي حتدخلو
آخر سؤال هيا كانت تدرس في مبنى في (شارع صاري)
دحين الترم الجاي فين حتكون دراستها ؟؟
لاعلم لدي

[ساكنه في بيتنا]

و عليكم السلام و رحمه الله و بركاته


بما انو مكتوب كليه الاقتصاد المنزلي .. من غير ولا شي جمبها .. ممم بعني ما كتبوا فرع البنات

يعني انها في الجامعه .. و الله اعلم

و الباقي جاوبت عليه الأخت بنت جده ..

[ROMANILO]

بنت جدة المنكوبة
ساكنه في بيتنا

اشكركن على التجاوب السريع

ليست كاملة هادي فقط مواد عامة لازم تختار القسم إلي حتدخلو

متى تختار القسم ؟
و عن طريق النت ولا لازم تروح الجامعة ؟

و آسف على كثرة الأسئلة

[بنت جدة المنكوبة]

والله ماعندي علم لأن ماجربت السنة التحضيرية
إن شا الله أحد يفيدك
بس إلي أعرفوا علشان أخوية سنة تحضيرية سكنوا في كلية العلوم
وعلى بداية الترم الجاي حيختار القسم إلي يبغاه بس بالنسبة للبنات لاأعرف

[بنت جدة المنكوبة]

يبغالك تسأل في ملتقى السنة التحضيرية د الأسئلة أكيد هناك حتلاقي الجواب اليقين

[ROMANILO]

يعطيكي العافية
والله يوفقك و يوفق أخوكي

[Twix~}..]

لا يا عسسسل ما يحتاااج تروح الجامعه ..

انا بعد ما خلصت التحضيري واتسكنت بالكليه .. بعدها بفتره كدا يعني على نهاية رمضان نزلو ترتيب التخصصات ..

ونزلت نتيجة الفرز اني في أي تخصص بعد العيد ..

فانتو كل بعد كم يوم ادخلو شوفو نزل ترتيب التخصصات ولا لا .. لانها تنزل وما يعطو احد خبر انها نزلت فانتو تابعو الاوديس اول بأول ..

وموفقه يارب ..

[ROMANILO]

^
^

يعطيكي العافية أختي

[عازفه الناي]

طيب المواد العامة دي
ندرسها كلـــــــــــــــــــهاا ولا لا
ولا ايش بالظبط علموني