نداء لطالبات قسم الاقتصاد المنزلي استفسار عاجل

[صبوحة]

السلام عليكم ورحمه الله وبركاته

أنا حابه أستفسر شويه عن قسم الأقتصاد المنزلي لأني حابه أدخل فيه ياريت كلهم تساعدوني وتنصحوني بأي قسم فيه وقولولي رأيكم في قسم أداره السكن والمؤسسات بصراحه شويه شدني القسم وحبيتو بس ما أعرف كيف الأستاذات والمواد ياريت تقولولي رأيكم فيه وقسم دراسات الطفوله ومين احسن فيهم ؟؟؟


ياريت بسرعه

[Twix~}..]

وعليكم السلام ..

هلا ياعسسسل ..

انا ما اعرف اذا انتي مسار إداري او علمي .. بس شكلك إداري .. المهم ..

إذا انتي اداري فلكي اربعه تخصصات ..

* إدراة سكن ومؤسسات.
*دراسات طفوله .
*اقتصاد تربوي .
*فنون.

وإذا انتي علمي فلكي 3 تخصصات :
*تصميم داخلي .
*نسيج .
*تغذيه .

بالنسبه ليآآ كل التخصصات حلوووهـ ورآح تستفيدي منها بشكل كبير .. شوفي انتي ايش اكتر شي تميلي له واستخري وربنا يكتبلك الي فيه الخير ..

وانا اقدر اساعدك بتخصصي (( إدارة السكن ومؤسسات ))

اقري ردود دي الموضوعين لاني اتكلمت فيها عن التخصص وإذا عندك اي سؤؤؤال خوووذي راحتك وانا ان شاء الله اقدر افيدكـ ..

http://www.skaau.com/vb/showthread.php?t=211115

http://www.skaau.com/vb/showthread.php?t=210124


موفقه ياقلبو ..

[صبوحة]

تسلمي ياقلبي مرا أستفدت من الموضوعين الي قولتلي عنهم بس عندي سؤال أبغ أعرف أيش ممكن تكون في وظائف للقسم وبالنسبه لتطبيق العملي شويه صعب اني أسوي تطبيق برا قوليلي ممكن الاستاذات يخلو التطبيق في الجامعه ؟؟


من جد مرررا شكرا طلعتيلي من السما الله يسعدك كنت مرا محتاجه احد يساعدني

[Twix~}..]

تسلمي ياقلبي مرا أستفدت من الموضوعين الي قولتلي عنهم بس عندي سؤال أبغ أعرف أيش ممكن تكون في وظائف للقسم وبالنسبه لتطبيق العملي شويه صعب اني أسوي تطبيق برا قوليلي ممكن الاستاذات يخلو التطبيق في الجامعه ؟؟

الله يسسسلم روحكـ وقلبكـ يآآآرب ..

شووفي الووظااائف في قسمنا المفرووض تكون كتير لانك بتدرسي إدارة خاصة بالسكن وإدارة خاصة بالمؤسسات .. بس قسمنا مرآآ مو معرووووف.. فانتي إذا مرآآ تفكيرك بالوظيفة كبير ما اعرف ايش اقلك .. بس خليها على ربكـ ..
تقدر تتوظفي في اي شركة لها سكن خاص بموظفيها .. الفنادق .. سكن المعاقين .. سكن كبار السن .... آلخ انتي لما تدرسي المواد راح تعرفي فين ممكن تتوظفي في المستقبل ان شاء الله ..

بالنسبه للتطبيق اي تتطبيق تقصدي ؟؟!!
إذا قصدك على التطبيق الاساسي للقسم الي هيا مادة ممارسة مهنة .. ما اقدر افيدك إذا كان تقدري تتطبيقي في الجامعه ولا لا .. لاني الي عرفتو من البنات الي اخذوها انهم بيخرجو برا الجامعه يطبقو لمدة 30 ساعه طول الترم .. كانو يطبقو في الفنادق .. بس دحين لا تقدر اي وحده تتطبق في مكان غير الفنادق بس فين معرفش لاني ما سالت :$

أما إذا قصدك على التطبيق الي يكووون تتطبيق للماده الي تدرسيها .. فدي عااادي تقدري تكلمي استاذتك وتكلفك بآي عمل تاني ويصير خلاص ماترووحي معاهم وقت التطبيق .. وكتييير استاذات يخلو التطبيق في الجامعه فلا تشيلي هم التطبيق الي يكون خاص بالمواد لانو كمان كتير استاذات ما يعملووو تطبيق ويكتفو بالتكاليف التانيه ..


من جد مرررا شكرا طلعتيلي من السما الله يسعدك كنت مرا محتاجه احد يساعدني ..

العفووو يالبي .. ويسسسسسعدكـ يارب .. وآي سؤؤؤآل خووودي رآآحتكـ وان شاء الله افيدك بلي اعرفو .. موفقه ياقلبو ..

[صبوحة]

تسلمي ومن جد شكرا وأنشالله أي سؤال وأستفسار حقولك

الله يوفقك يارب ويوفقني

[ساكنه في بيتنا]

و عليكم السلام و رحمه الله و بركاته

دي الروابط لقسم الطفوله :)

http://www.skaau.ws/vb/showthread.php?t=9540

http://www.skaau.ws/vb/showthread.php?t=53026

[صبوحة]

مشكووووووووووووره وماقصرتي

[ساكنه في بيتنا]

العفو :) ..