سهام بيومي-سيره نبويه

[روووني]

هااي بنوتات التاريخ

كيف حالكم ان شاءالله تمام

ابغا استشيركم في السيره النبويه انا اخدتها ماده حره ويناسبني وقتها مع سهام بيومي

فأبغاكم تقلولي كل شي عنها طيبه ولاشريره وكيف اسألتها موضوعيه ولامقالي

وكيف اخلاقها امينه ولا من جنبها وزي كدا

وكمان ابغا اعرف الماده سهله ولاصعبه وكل شي عنها

فبليز جاوبوني ولاتطنشوني بلييييز

[الاميره فلونا]

انا كمان ودي اعرف لاني ناويه اخذ الماده سنه من السنين امكن الترم دا فياريت احد يفيدنا
وجزاكم الله الف خير

[انا قمر]

هلا حبايبي مادة السيرة النبوية مررررررة حلوة خذوها مع عائشة او نادية بس هاله ابدا لاتفكري تاخذي معاها بصراحة احسها (عبيطة) وبس تتكلم بدون ماتفهمك حتى واذا على الكتب هي كتابين (الرحيق المختوم /التاريخ الاسلامي (الخلفاء الراشدون) وبس )
اتمنى اكووون افدتكم والاسئلة زي بعض
ويااااااااارب يوفقني ويوفقكم ان شاء الله

[روووني]

مشكوره على ردك وبي يوفقك بس ماقلتيلي ايش تعرفي عن سهام بيومي لانها هي الوحيده اللي شعبها تناسبني

[الاميره فلونا]

مشكوره يالغاليه والله يوفقنا كلنا............

[سوسه نوسه]

انا اختبرت ماده معاها بس مو سيرة اول مره اسمع انها تدرس سيره المهم اسئلتها مو مره سهله يعني بس الماده الي عندك مرررره سهله بس انا انتساب اختبرت معها ماده ثانيه الله لايسامحها لادنيا ولااخره تخيلوا انوا تسعه فقرات من الفراغات عليها والله مااكذب 46 درجه يعني اسئلتها قليييييييله ولاايام الثانويه كذا كانت ولا السؤال الواحد عليه10 درجاااااااات ياليت تروحي عند غيرها هي اسلوبها حلو في الشرح وتحب تضحك بس بتوزيع الدرجات مدري ايش يقلب راسها انا كرهتها والله الله لايسامحها احنا انتياب وكمان سؤال واحدكااامل بس عددي واحد جابته وعليه 10 درجات وجابت 3اوراق بس
كرهتاه ياارب تلاقي غيرها لانها بس بصراحه منافقه هالاستاذه ماااترحم يااااارب تتوفقين وتلاقي عايشه او ناااااديه ياااااااااارب

[الاميره فلونا]

طيب ابغا اعرف ايش رمز ورقم الماده

[روووني]

مررره شكرا ياسوسه نوسه انا ماادري ايش يستفيدو لمن ينقصونا!!

اعتقد hist 101بس اتأكدي يافلونا لانو ورقتي الي كاتبه قيها المواد الحرده شكلي ضيعتها

والله يوفقنا يارب

[wan]

السيره Hist 221

[الفجر البعيد]

سهام بيومي ما أنصحك فيها أبداً .. إنسانة ظالمة الله لايسامحها لادنيا ولا آخرة , وأسئلتها في الاختبار تعششق شي إسمه فراغات .. أفتكر مره أخذت معاها مادة وجابت لنا مقطع كااااامل يمكن 6 سطور من جزئية في الكتاب وخلته سؤال اكملي الفراغ !!

لكن شوفي هي وحده مزاجية .. البنت اللي لاصقة فيها طول الترم وتضحك لها ع الرايحة والجاية و" تريش لها " ممكن يمشي حالها لكن إذا كنتِ داافوره وساااكته وماشية جنب الحيط خخخخخ ماينفعش خااالص :) ..

مووووفقه يارب ..