نـريـد هـذهـِ الأشيـاء

[بيو كيميائية ^_^]

السلامـ عليكمـ ورحمـة الله وبـركـاتة

مع إنـي مـاأتوقع يتغير شيء بس نـطـلع اللي في القلـب


أول حـاجة

الكـراسي اللي في اللابات أغلبها مكسورة وغير كذا تألمـ وتتعب

أنـا طـحت مرة منـهـا وغيري طـاح بعـد أكيد

الأجـهـزة أتعب وأنـا أعمـل التجـربة وأحـاول بقد ماأقدر أكون دقيقة وأنا أسحب في النهاية جهاز السبكتروميتر خربـان أو مخـرف

وطبعًا يروح كل التعـب هبـاءً منـثورا

شيء ثـاني دورات المـياهـ يع ويع قرف بشكل غير طبيعي

ومايتنظف إلا نهاية الدوامـ

وغير كذا لمـا تجي البنت تتوضأ للصلاة تسبح مو تتوضأ تغرق المكان بالمـاء ومـاتعرفين تدخلين

والمستخدمات ماينظفون طول الوقت جالسين

أو تمسح الأرض وماتخلي كلوركس اللي حطته وتخنقنـا

المفروض كل ساعة يتنظف

شيء ثالث المصلى ريحته معفنة أصلًا حتى الواحد مايحب يصلي فيه المفروض يغيرون السجاد اللي فيه

هذا مكان صلاة مو لعب

شيء رابع رابيس

أكل مو حلو وغير صحي غير كذا فيه بكتيريا

أكيد بتسألون شلون عرفنا أخذوا بنات عينة من أكلهمـ وفحـصوا وشافوا فيه بكتيريا

نبي أكل صحي قليل السعرات نظيف حلو مو مقزز

والمفروض يكون فيه أكثر من كافتيريا في العـلومـ مبنى وش كبرهـ على وحدة

وحتى المكتبة وحدة مايصير

[sarona sweet]

أنا معاك في كل حاجة وبالأخص الأدوات إللي تستخدم في المعامل يعني معقووووووووووووولة جامعة الملك عبدالعزيز ويحصل في لاباتها كده والله حالة مزرية بالمرررررررررررررررررررره

[بيو كيميائية ^_^]

^^

للأسف :(

خصوصًا اللي في المبنى القديمـ من العلومـ ماأحب اللابات اللي فيه


----------------------

صح فيه حاجة نسيتها

الناس اللي تبيع في البوابات وإحنا خارجين

في بوابة غربية 1 وشمالية ومادري عن البوابة اللي فيها حضانة لأني ماأخرج منها

هذا صرح تعليمي له إحترامـه مو سوق حق الناس تبسط وتبيع

المفروض يُمنع هذا الشيء

[دنـــا]

عودا حميدا بيو ^_^

بإذن الرحمن

[زينه العبدالله]

اش دا وين انتي جالسه ؟؟ّّ وين تدرسين؟؟؟

[بيو كيميائية ^_^]

المشاركة الأصلية كتبت بواسطة دنـــا عودا حميدا بيو ^_^ بإذن الرحمن

شكرًا

يعني فيه أمـل يتعـدل شيء

المشاركة الأصلية كتبت بواسطة ندو222 اش دا وين انتي جالسه ؟؟ّّ وين تدرسين؟؟؟

جالسة الحين في البيت إجازة

بس هذا في الجامعة الفرع الرئيسي

مو مصدقة يعني نكذب عليكِ مثلًا

[راسيه]

فعلاً شطر الطالبات يحتاج لكثير من التعديلآتـ ..
لأني ادرس فالفرع فـ يعتبر نضيف وجديد وكنت احسب الشطر برضو كدهـ ..
لكن لمن رحت عشان بطاقة الصراف .. وربي انصدمت ..

بدآية من اللي يبيعو برآ عند البوابه الغربيه اظن .. مني قادره اعدي من كترهم ..
منظر مره مو حق جامعه ..
والمدخل شكلو كده كئيب باب خشب وضيق من جوآ وزحمه ..
بـ جد انصدمت الصراحه فيه ..

لآزم يجددو اغلب الأشياء اللي هنآك .. عاد اتوقع اللابات كمان كده ..
الله يكون فالعون احس ماحد يسمع .. والمشكله انهم شايفين بس يسوو نفسهم ماهم شايفين ..
لكي ودي يالغلآآ .. وسلآمتك من الطيحه =)

[بحر الحرية]

أهلين بيوو
أول شي الحمد لله ع السلامة نورتي المنتدى

تاني شي بالنسبة لموضوعك:

المباني واللاباات والمصلى والأشياء دي:
أعتقد دحين خلال الفترات الجاية راح تنقلوا للمباني اللي احنا فيها، واحنا راح ننقل للمباني اللي تتبني دحين، لأنوو فعلا انتوو مبانيكم حالتها مرررة سيئة، وإنشاا الله يكون الوضع أفضل بعد النقل..
بس وقتها شكلك حتكوني اتخرجتي من الجامعة،يعني على 20 سنة قدااام، تعرفي يوم الجامعة بسنة

بس إنشاا الله نقول خير، ما نستعجل، بس نستنى المباني دي تخلص

الأكل:
ترى داايما نتكلم فيها، بس مافي فايدة، آخرتها أتزكر عميد شؤون الطلاب كان يتكلم عن الكفتريات والأشياء دي، وقال راح نسلمها لشركة مع بداية عام 1431هـ، طبعا عدت سنة وما شفنا شي، لأنوو وقتها اشتكينا ع الأسعار والنظافة والأشياء دي، بس ما ندري متى راح يطبق اللي قلناا عليه.
(داا عند شطر الطلاب) وشطر الطالبات من باب أولى يكون عندكم كداا اداا احناا ما تصلح عندنا الوضع بس لازم نرجع نتواصل معاهم فيها، مو بس عندكم، حتى عندنا كمان!!

دورات المياه:
بصراحة مرره مستغرب، بس والله والله المشكلة مو من الجامعة، ولا من عمال النظافة، المشكلة من الطالب والطالبة نفسهم، احنا ما نعرف نستخدم دورات المياه، يعني الشي اللي المفروض نطلبوو من الجامعة:

دورة في كيفية استخدام دورات المياه
يعني تخيلي: عندنا ف الدورات حاطين مناديل للتجفيف، بعض الطلاب ما يستخدموها جوه، يخرج تقولي كأنوو طالع من مسبح غرقاااااااان عشان يلحق الصلاة، ويعدم الدنياا كلها، ولمن تكلميه يعني كداا ما يسير، احناا كماان نستخدم زيك،
يقلك: يعني أضيع الصلاة !!!!!!!

والحل: احناا نعدل نفسنا، لأني بصراحة أشوف الجامعة مالها أي دخل فيه لا من قريب ولا من بعيد!!!!

احناا راح نحاول نوصل اللي نقدر عليه بعد ما نتفق، والله يكتبلناا اللي فيه الخير..

مشكورة أختي بيوو ع طرحك الموضوع..

الله يوفقك ويسعدك ياارب؛؛

[بيو كيميائية ^_^]

المشاركة الأصلية كتبت بواسطة راسيه فعلاً شطر الطالبات يحتاج لكثير من التعديلآتـ .. لأني ادرس فالفرع فـ يعتبر نضيف وجديد وكنت احسب الشطر برضو كدهـ .. لكن لمن رحت عشان بطاقة الصراف .. وربي انصدمت .. بدآية من اللي يبيعو برآ عند البوابه الغربيه اظن .. مني قادره اعدي من كترهم .. منظر مره مو حق جامعه .. والمدخل شكلو كده كئيب باب خشب وضيق من جوآ وزحمه .. بـ جد انصدمت الصراحه فيه .. لآزم يجددو اغلب الأشياء اللي هنآك .. عاد اتوقع اللابات كمان كده .. الله يكون فالعون احس ماحد يسمع .. والمشكله انهم شايفين بس يسوو نفسهم ماهم شايفين .. لكي ودي يالغلآآ .. وسلآمتك من الطيحه =)

ايـوا

بس الواحد يطلع اللي في قلبه لربمـا يتغير الوضع لو مو لنا إلى اللي بعدنا المهم يتغير

الله يسلمكـ

المشاركة الأصلية كتبت بواسطة بحر الحرية أهلين بيوو أول شي الحمد لله ع السلامة نورتي المنتدى تاني شي بالنسبة لموضوعك: المباني واللاباات والمصلى والأشياء دي: أعتقد دحين خلال الفترات الجاية راح تنقلوا للمباني اللي احنا فيها، واحنا راح ننقل للمباني اللي تتبني دحين، لأنوو فعلا انتوو مبانيكم حالتها مرررة سيئة، وإن شاا الله يكون الوضع أفضل بعد النقل.. بس وقتها شكلك حتكوني اتخرجتي من الجامعة،يعني على 20 سنة قدااام، تعرفي يوم الجامعة بسنة بس إن شاا الله نقول خير، ما نستعجل، بس نستنى المباني دي تخلص الأكل: ترى داايما نتكلم فيها، بس مافي فايدة، آخرتها أتزكر عميد شؤون الطلاب كان يتكلم عن الكفتريات والأشياء دي، وقال راح نسلمها لشركة مع بداية عام 1431هـ، طبعا عدت سنة وما شفنا شي، لأنوو وقتها اشتكينا ع الأسعار والنظافة والأشياء دي، بس ما ندري متى راح يطبق اللي قلناا عليه. (داا عند شطر الطلاب) وشطر الطالبات من باب أولى يكون عندكم كداا اداا احناا ما تصلح عندنا الوضع بس لازم نرجع نتواصل معاهم فيها، مو بس عندكم، حتى عندنا كمان!! دورات المياه: بصراحة مرره مستغرب، بس والله والله المشكلة مو من الجامعة، ولا من عمال النظافة، المشكلة من الطالب والطالبة نفسهم، احنا ما نعرف نستخدم دورات المياه، يعني الشي اللي المفروض نطلبوو من الجامعة: دورة في كيفية استخدام دورات المياه يعني تخيلي: عندنا ف الدورات حاطين مناديل للتجفيف، بعض الطلاب ما يستخدموها جوه، يخرج تقولي كأنوو طالع من مسبح غرقاااااااان عشان يلحق الصلاة، ويعدم الدنياا كلها، ولمن تكلميه يعني كداا ما يسير، احناا كماان نستخدم زيك، يقلك: يعني أضيع الصلاة !!!!!!! والحل: احناا نعدل نفسنا، لأني بصراحة أشوف الجامعة مالها أي دخل فيه لا من قريب ولا من بعيد!!!! احناا راح نحاول نوصل اللي نقدر عليه بعد ما نتفق، والله يكتبلناا اللي فيه الخير.. مشكورة أختي بيوو ع طرحك الموضوع.. الله يوفقك ويسعدك ياارب؛؛

أهلًا بحـر

الله يسلمكـ أكيد بينور

أول ماقريت فكرت صحيح وإبتسمت بس قريت اللي بالأبيض وضحكت يعني مافيه أمل

بس مـالنـا إلا الصبر

أمـا الأكـل شكله نفـس الشيء ماراح يتغير

المفروض يبيعون لنـا فواكة سلطات في الصباح تكون وجبات الفطور وفي الظهر وجبات الغداء

يعني شيء يفتح النفس صحي نظيف مغذي شكله بس يفتح النفس

أما دورات المياهـ للأسف الناس مدامـ مو حمـام بيتهمـ يعني ماتهتمـ فيه يعني حتى إذا سوينا عزيمة في بيتنا لازمـ يلوثون الحمامـ ويسدون نفس الواحد

بس برضوا المفروض العاملات تنظف كل ساعة مو كل وحدة جالسة وتتطل في الرايح والجاي

أنا لو بغيت أدخل دورة المياة عشان أتوضأ أنقرف وأبطل أقول باصلي في البيت

بس لو كان دوامي لين 5 أو 4 أو 3 هل راح يصير يوميًا أخر صلاتي بس عشان ماأقدر أتوضأ

وإذا بادخل لازمـ أقطع مشوار إلى مبنى 420 بسبب نظافة الحمامات لأن المستخدمات اللي هناكـ ينظفوا بإستمرار

مو مثلنا سادين نفسنا بس

أنا معكـ المفروض الناس تغير وتتعلمـ كيفية إستخدام دورات المياه العـامـة وهي ملكـ للجميع مو بس لكـ وهي مو بس سالفة تغريق المكان بالماء بل بالأشياء الأعظمـ والمناديل اللي مرميه على الأرض والخ

بس برضوا لازمـ ينظفوهـا كل ساعة عشان تقل الوصاخة لأنهـمـ ماراح يتغيرون

بس خبرونـا على ايش تتفـقوا

ولاتنسى حكاية البسطات اللي عند البوابات

[زينه العبدالله]

المشاركة الأصلية كتبت بواسطة بيو كيميائية ^_^ جالسة الحين في البيت إجازة بس هذا في الجامعة الفرع الرئيسي مو مصدقة يعني نكذب عليكِ مثلًا

لا عزيزتي ما أكذبك ولا شيء ..
بس من جد مستغربه ومفجوعه
معقوله في الفرع الرئيسي كذا
الله يعينكم