اضف تجربتك او خبرت احد اقاربك في المقابله الشخصيه (التدريب التعاوني) مهم جدا

[المنتشي]

السلام عليكم ورحمة الله وبركاته مبروك النجاح للي نجح وللي ما توفق ان شاء الله معوضه نرجع لمحور حديثنا انا عندي اقتراح بسيط للفائده للي بيروحو يسوو مقابله شخصيه يجي هنا وينثر لنا وش الي حصل معه بالضبط عشان يستفيدو الطلاب الباقين وراح ابدا بنفسي اتصل علي واحد من شركه وسئلني انت ومحمد قلت ايه ومن هذا القبيل قال تتكلم انجليزي قلت متوسط قال نشوف وسئلني ليش اخترت تخصص المحاسبه هنا استعنت بلغتي الفيتناميه وجاوبته وقال خلاص راح يتصلوا عليك الشركه يحددو موعد المقابله الشخصيه وشكرا انتهت المقابله هنا طبعا تلاحظو انه فيرست ابرشن وجس نبض على قولتهم والحمد لله عدت اتمنى التفاعل المعهود من دفعتنا 10الغاليه ومو غريبه عليهم وشكرا واسف على الاطاله .

[لؤلؤة*]

اليوم بشركة ارنست اند يونغ كانت من اروع المقابلات للي مرت علي

تجمعنا في قاعه الاجتماع ومعانا الاساتذة صباح الغامدي وجوهره

ودخلوا علينا 4 بنتين ورجالين والرجال قيمونا بطريقه رائعه

اعطونا مجموعه اساله نختارها قروب مكون من بنتين نجاوب عليها براينا ونعرضها عليهم

والباقين يسالو او يعلقوا فكانت هذه المقابله الشخصيه بالنسبه لهم تقييمهم كيف نتفاعل

بعدها اخذونا جوله ع المكاتب وعرفونا بطبيعة الشغل وتعرفنا ع الموظفين والموظفات

وكانو متعاونين معانا وجدا مبسوطين لدرجه احتارو بالاختيار بيننا فما وجدو حل مناسب الا اختبار قدرات

وانجلش لتحديد المستوى واختيار الافضل من الافضل

[battota]

^^
الله يوفقكم يارب ...

امنتشي كمان أدخل قوقل وشوف الاسئله اللي تنقال عاده في المقابلات ...تستفيد ان شا ءالله

[girl.k.s.a]

ياهلا
انا من البداية اخترت اني اريح راسي وما اخد تدريب
ان شاء الله ربي يوفقكم ويسهل اموركم وتنقبلوا كللللللكم يارب

وراح اسأل لكم عن المقابلات الشخصية وان شاء الله ارجع اقولكم

[باور هورس]

ما ادري ليه متحمسين على التدريب
أشوف انه مال ام ام امه داعي
ما رح يضيف لكم الكثير
غير انه عمل ببلاش وربطة دوام وحظور وانصراف وقلق
ولا يعطوكم شهادة خبره لانها تعتبر كمادة دراسية لابد من اجتيازها >> لمن اختار التدريب طبعا
ولا فيها تدريب منتهي بالتوظيف لأنه باقي لكم مواد دراسية
والشركات تنبسط كل كم شهر تجيب متدربين ببلاش ما تخسر عليهم يعني أنسوا أنكم تشتغلوا عندهم بعد التخرج
وغير ان المتدرب يكون مهمش في أمور كثيره
برضه يروح ترم كامل على 9 ساعات فقط
اذا كانت درجة التدريب سيئة المعدل بيروح فيها

عالعمووووووم
اللي اختار تدريب الله يوفقه
ولا يشيل هم المقابلة
ان عديت كان بها
ما عديت تعتبر المقابلة تجربة لــك
وفي النت في كلاام كثير عن المقابلات
خذ لــك نظرة عليها
ودائما في اي مقابلة توظيف في المستقبل
خش المقابلة وانت واثق من نفسك
وما في شيء رح تخسره اذا ماعديت بالعكس رح تستفيد التجربة و رح تخش مقابلة ثانية وانت اكثر ثقة في نفسك
والمقابلة ببلاش واذا ما عديت بالطقاق على وظيفتهم
قدم على غيرهم

انا قدمت على وظائف وخشيت 3 مقابلات
وانكرشت في ثنتين
وعديت في وحده واشتغلت شهرين وسحبت عليهم
وأسئلة المقابلة كانت مختلفة من مكان لمكان و كانت عادية جداً
واذا الوظيفة مكتوبه لــك رح تاخذها غصب عن الكل
خذو الامور ببساطة ولا تعطوها اكبر من حجمها

موفقين

[Kapitano]

واحد من اخواني كان كل فترة يسوي مقابلات مع الشركات واكثر الشركات يركزوا على مهاراتك باللغة وبعدين فهمك للتخصص بس المهم عندهم اللغة :)

الله يوفقكم إن شاء الله واتفق مع الاخ باور هورس كلامه صحيح التدريب التابع للجامعة مجرد هرطقات .

[_OCTOBER]

- الاسئلة الكلاسكية ... اتكلم عن نفسك . اتكلم عن تخصصك . فين تشوف نفسك بعد 5 سنوات . ايش احلامك . ؟
من فين عرفت الشركة ..

- الاسئلة الشبة تحشيريه ... ايش نقاطك ضعفك . اذكر لي مشكلتين وكيف اتعاملت معاها .
ايش هيا اكبر انجازاتك . ايش راح تقدم للشركة . او ايش اللي يميزك بين اقرانك .


- الاسئلة التحشيريه (من جد) ...يسألك اي سؤال صريح في تخصصك .
اذكر واحد من العيال قدم في بنك الرياض حشرو له في كيف تتطلع او تحسب قيمة السهم . وايش هيا الارباح المحتجزة . وفي كذا مصطلح في المحاسبة ..طبعا الادمي من الدربكة نسي كل شئ ..خخ



اسئلة سخيفة (عادة تستخدم للاختبار اللغة فقط ) .من قدوتك في الحياة ؟ ...تكلم عن شخصية تاريخية ؟ تكلم عن ...ويختر لك موضوع سخيف او مستفز ...


..

اغلب مقابلات الشركات الكبيرة ..في الوقت الحالي بالانجليزي ...
يعني احفظلك كم جملة .. عن نفسك ..عن تخصصك ..عن جامعتك ...عن قدراتك ..عن احلامك ...عشان تكون مستعد

طبعا هذا في الوظائف .
اما في المقابلة حقت التدريب .. ففي العادة هيا اسئلة من النوعية الكلاسكية ..

________

فيما غير ذلك اتفق في بعض مما قاله بور هورس


.
.
.

[My World]

الله يوفق الجميع
للي جاهم تدريب وللي قرروا يكملوا ويخلصوا من الجامعيه بدري

ما قصورا كل اللي فوقي
اهم شئ بالمقابلة الثقة وتوكلوا على الله
ماتدرون وين النصيب بالوظيفة ،،

[The golden girl]

ولا يعطوكم شهادة خبره لانها تعتبر كمادة دراسية لابد من اجتيازها >> لمن اختار التدريب طبعا ولا فيها تدريب منتهي بالتوظيف لأنه باقي لكم مواد دراسية والشركات تنبسط كل كم شهر تجيب متدربين ببلاش ما تخسر عليهم يعني أنسوا أنكم تشتغلوا عندهم بعد التخرج

من قآل هالگلآم

في كلمته أمام اللجنة الاستشارية لكلية الاقتصاد والإدارة وفي حفل التوقيع أمس , أوضح عميد الكلية الدكتور حسام بن عبد المحسن العنقري , أن هذه المذكرات تتيح لطلاب وطالبات الكلية التدريب لمدة أربعة أشهر كاملة في هذه الجهات حيث يعمل خلالها الطالب أو الطالبة كموظف وتنطبق عليه ما ينطبق على العاملين في الشركة من حقوق وواجبات , وإذا تغيب مدة خمسة أيام سيعتبر راسب في هذه المادة , مشيراً إلى أنه ستم اختيار 20 % من طلاب وطالبات الكلية للاشتراك في هذه البرامج التدريبية التي تؤهلهم للعمل في هذه الجهات بعد التخرج .

اذا گان زي مآقآلوا راح نتعامل كموظفين وحسب قانون العمل في السعودية من حق الموظف أن يطلب من صاحب العمل شهآدة خبرة وخدمة كمآن

[girl.k.s.a]

نفس المعلومات اللي قالها اكتوبر
والمهم الثقة وحتى لو كلجتو في شي عادي مشو لا ترتبكو أبداً
ولااااااااااااااااااااااااااااازم الاستعاد قبل المقابلة عشان لا يجي العيد
أكتبوا الأسئلة اللي ممكن يسألوكم هيا وبعد كدا جآوبوا عليها بكل صدق
ومراااااااااااااا لا تكتبوا شي يكون تأليف أو شي ما تعرفوهـ مزبوط لأنو ممكن تنحشروا
تحشير مو طبيعي وعلى طوووووول يتكنسل كل شي
وبالنسبة لنقاط الضعف أنتبهوا مو تقولوا أشياء سيئة حالوا تكون نقطة مفيدة لصالح الشركة نفسها