السنة اللي فاتت ... ايش استفدت منها (سنة ثانية)

[سكر الحياة]

المشاركة الأصلية كتبت بواسطة Ms.Glamor آدري آنك مآ عرفتيني آصلا مين آلي قلتله آني مشتركة فالمنتدى والنور نورك يآ عسل

خلييكي مختفية يا أحلى نييرس

lovely one
السكرب اشتريته من شارع باخشب فيه محلات كثيير هناك عند مستشفى المستقبل
وفي الكلية عادي تلبسيه لحاله بدون لاب كوت
سعره يتراوح ما بين 70 الى 100 ريال و بالنسبة للاب كوت أنا اشتريته من السويدي قماشه حلو ومو خفيف يبين لبسك و كذا و سعره على ما اعتقد 60 ريال

[lovely one]

المشاركة الأصلية كتبت بواسطة سكر الحياة خلييكي مختفية يا أحلى نييرس lovely one السكرب اشتريته من شارع باخشب فيه محلات كثيير هناك عند مستشفى المستقبل وفي الكلية عادي تلبسيه لحاله بدون لاب كوت سعره يتراوح ما بين 70 الى 100 ريال و بالنسبة للاب كوت أنا اشتريته من السويدي قماشه حلو ومو خفيف يبين لبسك و كذا و سعره على ما اعتقد 60 ريال

شكرا

[سكر الحياة]

المشاركة الأصلية كتبت بواسطة lovely one شكرا

العفو يا عسل و اذا عندك أي استفسار ما أقصر معاكي ان شاء الله

[مـــلآك]

المشاركة الأصلية كتبت بواسطة do0ody-do مرا نايس الموضوع .. ^^ .. يسلمو عن جد رائع ..

دوووووودي قووولي لنآآ تجربتك في التغذيه اذا ممكن

ويسسلمؤؤؤؤ سكر ع الموضوع آفآدنآآ

[سكر الحياة]

الله يسلمك أخت ملاك

[AtheeR ♥♥]

موضوووع راائع
بس نبغى بنت إشعاعيه تقلنااا تجربتهاا











.. يارب لك الحمد كماا ينبغي لجلاال وجهك وعظيم سلطاانك ..

[Amal.S.A]

ان شاءالله بس أرجع جدة وأقولكم على تجربتي ،شكرا ع الموضوع

[AtheeR ♥♥]

المشاركة الأصلية كتبت بواسطة amal.s.a ان شاءالله بس أرجع جدة وأقولكم على تجربتي ،شكرا ع الموضوع

توصلي بالسلاامة

نحن بانتظارك

[do0ody-do]

المشاركة الأصلية كتبت بواسطة مـــلآك دوووووودي قووولي لنآآ تجربتك في التغذيه اذا ممكن ويسسلمؤؤؤؤ سكر ع الموضوع آفآدنآآ

هلا حبيبي طيب ابشري ^^ ..

[do0ody-do]

طبعا بداية .. هلا و سهلا فيكم في حكواتي شعبان مو رمضان ..

نبدا من التسكين .. انا مرا فرحت وبكيت .. لاني كنت خايفة انقبل طب .. و انا ما اباه ابدا .. بعدها عشت جو الاجازة فاغرة و مفهية ..

و انه اول يوم اروح يدوني ورقه و انا اعبي فيها رغبات تخصصي .. المهم الا العضو بايوكيميائية .. تنزلي رابط الكليه في الفيس تبعي و تقلي انه الرغبات نزلت .. و لا انا مبزوطااااااااااااااااااا مرااااااااااااااااا و لا ادري ربي وين حاطني فيه ..

اصلا حتا لما نزل التسكين هي الي قالتلي .. >> اشك اني عايشه في الدنيا .. هع

المهم .. طبعا الاجازة و العيد كانت فترة مد و جزر في التخصص ناس تقول اشعه اضمن و ناس تقول تغذية استر .. و هاتك شغل حريم .. انا كنت ابا تغذية .. المهم هما سو يوم تعريفي بالتخصصات و مرا كان شي يحمس كل واحد احلى من التاني .. فلما قرب موعد تسليم الورق انا صرت محتارة .. ايش احط المهم لييييييين ما بداوا يقولولنا يلا الورق ينحط في الادارة .. و انا ورقتي فاضية .. مافي غير بيانات .. حطيت القلم و بسم الله و اخترت اول رغبه تغذية .. و الكل انقبل بحسب رغبته يعني ما اعرف احد كان يبا تغذية و ما اتقبل ..

طبعا كنا 21 بنت بعدين زدنا ل24 .. رحنا الكلاس .. و انا بس بعرف 3 بنات و وحده مرا معرفه سطحية .. وحده اتبرعت تكون الليدر و هي rock queen و التانية كوليدر و هي العضوة عسل ..

انا اسمي وعد .. في البداية كنا ما نعرف بعض مفرقين .. و قروبز .. بس هي فترة اسبوع ونص بعدها بدينا نتعارف .. و كونا شلة .. افنان اميرة اربعه سارات و تنتين بشاير و رنا و عيوش و ابرار و اسرار و نورة و رهام و عزة و هدى و الهام و عزيزة .. عن جد احلى دفعه .. طبعا دايما معروف التغذية يد وحده بكل سنينها يعني بنات 2 يعروف 3 و 4 و نسالهم دي الدكتورة كيف كانت و دي كيف اسئلتها .. كدفعه 10 كنا يد وحده المحاضرات اول باول و الي ما طبعت تاخد من التانيه طبعا البنت الي كنا ناخد من عندها المحاضرات نصورها اسمها افنان بعدين تعبت الليدر في نص الترم .. و قالت انه خلاص بس كدا قلنا لا .. ف انا راح اساعد .. طبعا سوينا من بعدها فكرت القروبات .. ناس للمكتبه و ناس للمحاضرات .. الترم الاول كان جدا عادي مر بدون احداث بيننا لين ما جينا عند فترة اختباراته .. كنا بنختبر مادة و وقتها نزل مطر .. و نحنا في نصصصص الاختبار نسمع حاجه دوففففففففف >> صوت رعد .. طبعا و مرا كنا خايفين .. فقلتلهم اقلكم نروح الكافيتريا .. و كنا 8 تقريبا و كلنا اشترينا كندر و صورناه .. المهم في ناس رجعت لبيتها لكن افنان و هدى ي عيني عليهم تفاحات قلبي اتحبسوا و راحو السكن و ما رجعو بيتهم الا اليوم التاني .. و سلطانه و رنا اتحبسو في الطريق وهم راجعين .. اوك خلص الترم الاول ..

ايوا اول يوم المشرحه كان مرا بيض و لا شي .. جدا عادي .. بس بقلكم شغله مرا تضحك .. كنا في المشرحه و في جنب المشرحه حمامات الله يكرمك مافيها مويه هي بس لسطول الاعضاء و الجثث المهم البنات حول الطاوله و كان فيها وجيه و نص جسم المهم انا دخلت الحمام لقافه .. كدا .. مزاج و لما شفت السطول حقت الاعضاء مكتوبه بالاسماء قلت .. اوووووووووووووووه .. وهما صرييييييييييييييييخ يحسبوا الجثه قامت .. داك اليوم اكلت ضرب من افنان و سلطانه .. طبعا ريحة الفورمالين في المشرحه شي تاني .. و مرا غبنا كووووووووووووولنا حتا انا عن ماحضرة تشريح بس اربعه حضروا و شوفو الدكتورة هاتك تهزيء و قالت تبا تخصم 5 درجات و نحنا في كل محاضرة اسفين اسفين ..

كنا تحف .. دكتورة التشريح .. نعم اي بنيتي .. لما ترضى تعصب .. ايه مالك ي دكتورة .. و لا يوريكم النغمه تقششششعر ..

الترم التاني قصصصصصة اخرى ..

يتبع ..