سؤال هاام لطالبات بحث وتدريب في المحاسبة

[lmooooo]

السلام عليكم ورحمة الله وبركاته
انا طالبة جديدة في المنتدى
والترم الجاي ابغى انزل بحث وتدريب لانو ترم تخرجي

بس كنت ابغى منكم تقوليلي

كيف حيكون الوضع :

1- من هي افضل دكتورة في بحث وتدريب ؟
2- هل هناك تدريب خارج الجامعه وهل هوا اجباري ؟
3- هل يوجد دكتوره تطلب بحث بدون تدريب ؟

الرجاء اخواتي مساعدتي لمعرفة افضل دكتورة

[lmooooo]

يعني ما في احد يعرف

[lmooooo]

ياجماااعه !!!!!

[lmooooo]

معقوله ما في ولا طالبة في المحاسبة وولا طالبة تعرفلها اي طالبة في المحاسبة يقدر يساعدني

[accounting]

كيف حيكون الوضع :

1- من هي افضل دكتورة في بحث وتدريب ؟
2- هل هناك تدريب خارج الجامعه وهل هوا اجباري ؟
3- هل يوجد دكتوره تطلب بحث بدون تدريب ؟

البحث والتدريب


هو ياأنك تسوي بحث وماتتدربي
او
انك تتدربي وتسوي تقرير

الفرق بين البحث والتقرير بيشرحولكم اياه في المحاضرات

طبعن انتي اللي تختاري تبغى تتدربي وتسوي تقرير ولا تبغي بحث وماتتدربي

والتدريب اللي اعرفو انه مو اجباري زي ماقلت لك انك تختاري ايش تبغي ومافي احد يقولك لا الا تسوي بحث ولا تسوي تقرير

وبالنسبة مين احسن واحدة في البحث والتدريب انتي شوفي اللي تكون اصلن في المحاضرات كويسة في البحث والتدريب برضو تراعكي


واي اسئلة انا في الخدمة

وبالتوفيق

[lmooooo]

الله يعطيكي العافيه اختي وما ققصرتي بس عندي سؤال

يعني من خبرتك او من الطالبات الي تعرفيهم واخذوا بحث من افضل دكتوره اخدتها عندها ومين من الي تسمع عنهم انها دكتورة كويسة

[سما ليل]

انا الي اسمعه من بنات التدريب حالياً
انه مش كل الاستاذات الي يكون شرحهم في المحاضرات كويس يكونوا في بحث وتدريب كويسين
بعضهم يطلعوا لك عينك

وبالتوفيق ..وخبرينا عنك في الترم الجاي

[lmooooo]

يعطيكي العافيه اختي

وفي انتظار باقي الاخوات

[lmooooo]

ياناااس فين الردوووووووووووووود

[_nana_]

مساء الورد ..

..

عزيزتي ..

أنا اخدت مادة بحث و تدريب الفصل الصيفي السابق ..

مع الـ أ. أميمة خلّاف ..

صراحة انا أحبها عشان كده أخدت معاها ..

بس البنات كانوا يخوفوني منها ،، لأنها جدية في الدراسة ..

عموما كانت أكثر من رائعه و متعاونة فوق المتوقع ..

ساعدتني في كل تفاصيل البحث و في الاخير أعطتني صراحة a+

الله يسعدها و يوفقها يااارب ..

نصيحة : خدي معاها ..

و لا تحاولي تعتمدي على تقرير او بحث غيرك - بتحطي نفسك في قلق و مشاكل انتي في غنى عنها ..

و الله انا التقرير ما أخد مني غير أسبوعين ،، هذا مع التأخير بسبب خراب اللاب توب و ضياع التقرير

و رجعت كتبته عن طريق النسخة اللي عند الـ أستاذة ..

طبعا أنا افضل لك انو تتدربي و تعملي تقرير ،، لانو بيكون مبسط ..

عكس البحث بتاخدي فيه ابعاد كثيرة ..



:)

..

خالص ودي

نانا