ايش افضل مبادئ سياسه ولا النظام السياسي كمادة اختيارية؟؟

[sleepy cat]

انا مررره محتاره ايش تنصحوني اخد مبادئ سياسه ولا نظام سياسي ومع أي دكتورة تنصحوني؟؟؟ حضيفها يوم السبت.
لانها مادة اختيارية وحتخرج الترم دا بإذن الله...
أشكركم جميعا..

[احلاهم واتحداهم]

انا جربت نظام سياسي وقالو لي هي اسهل من مبادئ سياسه

[لايت مون]

النظام أسهل وأقل صح فيها كم تواريخ بس مررره سهله

وفي النهايه تجي وحده من التوايرخ او 2 بشكل اختاري او صح وخطا

وأنا سالت الدكتوره على مين اسهل


ونصحتني كتير اخد النظام أكتر من المبادىء قالتلي المبادىء دسمه ومليانه في الكلام

بس النظام اسهل


والله اخذتها الترم الي فات كانت حلوه الحمد لله

وهدا الترم كنت ادور لماده اختياريه تناسب جدولي مالقيت الا مبادىء علوم سياسيه اتورطت فيها والله اشوفها مره كتيره الله يستر بس مالقيت الا هي اخدها تناسب جدولي
ومره خايفه منها

بالتوفييييييييييق يارب تجيبي علامه عاليه وترفعلك معدلك

على فكره اعتمدي على الحفظ في الماده

ومارح تاخد منك وقت والله انا انتساب واعرف بنات درسوها في يوم واحد
وجابو 98

بس عن نفسي ماقدرت ادرسها الا في 4 ايام لاني بطيئه مره في الحفظ