اختكم الجديده :):):)

[بنت السعوديه وبس]

السلام عليكم
كيفكم وكيف الاجازه ؟
انا الحمد الله تخصصت تقنيه معلومات الترم هذا it
يعني صرت وحده من بناتكم >>>>>
والترم هذا الرابع وابغاكم تقولوا لي رايكم بالمواد التخصص هذي ماهي السهله والصعبه
وماهي الى احدها يومين او الى ثلاثه ايام
ولكم جزيل الشكل وانا انتظركم والله
وان شاء الله اكون اخت تعين وتعاون في هذا القسم




3 ARAB1 اللغة العربيه
CPCS203 3 برمجه 2
CPCS222 3 تراكيب متقطعة 1
CPIT220 3 مبادئ تقنية المعلومات
ISLS201 2 الثقافة الاسلامية (2)

[salam2u]

وعليكم السلام ورحمة الله وبركاته
اهلا وسهلا بيك في القسم
*عربي1 الماده كويسه فيها اعراب كثير بس ما تاخذ وقت في المذاكره

خليك مركزه مع الاستاذه ويمشي الحال ان شاء الله

*برمجه2 اللي هي لغة الجافا

هادي الماده سهولتها وصعوبتها حسب الاستاذه بس انه الحلو انه الكتاب نفسه شرحه مررره واضح ويساعد كثير

الماده دي مهمه جدا حاولي تركزي فيها وتفهميها مزبوط عشان حتكملي بيها في مواد ثانيه في الاترام الجايه ان شاء الله مثل " Data Structure – Graphic"

*تراكيب متقطعه اممممم شوفي هي درستنا استاذه سها حوامده يعني مو مره تفهمي منها

بس انت حاولي بعد المحاضره تفهمي نفسك وتحلي الاسئله اللي في نهاية كل شابتر"حلول الاسئله الفرديه موجوده في نهاية الكتاب لكن حلول الاسئله الزوجيه كانوا فيه بنات السنه الماضيه الترم الثاني كانوا جايبيينها من النت"

لكن اسئلتها احيانا تجيبها مو سهله وتصحيحها دقييق

*مبادئ تقنية معلومات مادة مفيييده جدا وحلوه

درستنا استاذه انتصار الله يسعدها

الماده يبغالها شغل ومذاكره من الكتاب والسلايد ومن شرحها

لكن تقريبا اكثر ماده تحسيها تدخل العقل

*ثقافه اسلاميه2 ما اعرف صراحه لانه المناهج تغيرت عن اللي اخذتها

وبالتوفيق يارب

[بنت السعوديه وبس]

يسلموو سلام
وربي يسعدكم ياقلبو
طيب قلوليلي اش المواد الى افضل اخذها على 3 ايام او على يومين

[سر النبوغ]

احم احم

و أنا كمان جديدة و أبغى أعرف

[ledy9]

هلا وعليكم السلااااام

الف مبرووووك لكل اللي تخصصصوو واتمنى لكم التوفييق ياارب

ونرحب بكممم في قسمنااا

بالنسبه لسؤااالك..
انا كنت اخذه البرمجه والتراكيب ع ثلااث مراات
والعربي والتقنيه ع مرتين
وكاان جدولي ماااشي تمااام ومرتاحه فيييه

وبالنسبه للبرمجه ..

حاووولي ماتخذين مع الاستاذه غاده معقده يقولووون

وبالتوفيييق

[رر2]

وعليكم السلام ورحمة الله وبركاته
ياهلاوالله فيكم ...نورتوا القسم
ع العموم ياحلوين ...بالنسبة للمادة العربي مرررررررررررررره سهلة تاخذي a+ وانت نايمه بس مو معناها ماتذاكروا هههههههه
اما لمواد الحاسب مهما كانت صعبة لاتحطوها في بالكم انها صعبة ..لانها بتصعب كذ ا عليكم ..بالنسبه للجافا كلها فهم بس افتكر شوي حفظ فيها يعني تعاريف عشان احنا اخذناها مع استاذة عظمى .....بس المادة حلووة ومو صعبة
بالنسبه لتقنية المعلمومات المنهج طويل ومتعب شوي في المذاكره بس ماشاء الله استاذة انتصار عسل تفهم مررررررره وطيوبه كتير ...بالنسبه لتراكيب متقطعة انا ماعجبتني هذه المادة لاني اخذتها مع سهى حوامدة بس لاتخافو بتاخذوا درجات فيها ....
اما بالنسبه الثقافة 2 مرررررررررره سهلة ذاكري وركزي وان شاء الله 100 ياااااااااااااارب ....
بالنسبه لعدد الساعات ...لو ثلاث ساعات في الاسبوع احسن يعني سبت اثنين ربوع لانه لمن يكون احد وثلوث يكون ساعة ونصف راسك يصدع من الكلام ....
بالنسبة للاسئلة :
الثقافة صح وخطا واختاري
تقنية المعلومات / صح وخطا واختاري وفيها كم سوال مقالي
التراكيب \ صح وخطا واختاري واسئلىة مقاليه
العربي :صح وخطا واختاري
برمجة : صح وخطا واختاري وكودات
وشكرا

[Lovely Girl]

يا هلا والله نور القسم يا عسل
بالنسبة للمواد الا سالتني عنها:

Arab1
والله افتكر انها كانت حلوة ولذيذة على قد اني كنت مررررررة اكره العربي
بس صح فيها شوية اعرابات للافس الشديد
cpcs203
اممم انا اخذت هادي المادة مع عظمى وكانت لغة البرمجة الجافا
بس المشكلة انوا في دفعتي سارت لخبطة كثيرة
واتاخرنا في المنهج واتحذفت لنا شباتر مهمة وللافس برضوا في مواد تعتمد على هادي المادة
بس ان شاء الله انتم ما يسير معاكم كده

cpcs222
اذا درستك سهى حوامده ركزي على الاسئلة الا بعد كل شبتر
كانت تجيب منها مررررررررة كثير
اصلا اغلب الاسئلة منها

cpit220
الله يسعدها استاذة انتصار هيا الا اعطتنا هادي المادة
صح انها شرحها حلو والمادة ممتعة وتفهمي فيها اشياء كثيرة
بس الصراحة كنت احسها متعبة مرررررررررررررة
واجباتها مررررة كثير
الصراحة كانت مرررة تاخذ مننا وقت

isls201
الثقافة عاد ما تفرق زيها زي اي ثقافة تتذاكر قبل الاختبار بيومين او ثلاثة

وبس اتمنى لك ترم سعيد وشدحي حيلك

[بنت السعوديه وبس]

واوووو
مره تسلمو
الله يسعدكم كلكم
يارب
ويوفقكم دنيا واخره
وان شاء الله نعين ونعاون بالمنتدى

[أنفآإس الورد..}]

الله يعطيكم العاافيه ,,
بس بساال محتاره بين مباادى التقنيه وتراكيب احطها يومين ولاثلاث اياام,,
ممكن تسااعدوني ايش الافضل ,,

[Lovely Girl]

مساء الخير
بالنسبة لسؤال الاخت: أنفآإس الورد..}

شوفي انت ايش الا يناسبك لكل مادة بس بصراحة ما يفرق كثير اذا كان يومين او ثلاثة
في كل الاحوال حتاخذيهم

انا كان نازلي مبادئ التقنية في يومين
والتراكيب المتقطعة في ثلاثة

مبادئ التقنية تقريبا كلها كلام نظري بس ترى فيلوا جزء ممتع وجزء ممل
اما التراكيب المتقطعة هيا مادة تشبه الرياضيات وبالنسبة ليا حلوة
بس استاذتها مملة

بالتوفيق يا عسل :