استفسار عن جدول الاحياء والمواد

[ضيآآ]

حاابه استفسر عن مواد تخصص الاحياء وكمان الدكتورات في فرع الفيصليه
حأخذ ان شااء الله هادي المواد بجدوولي وياليت البنات يفيدووني
احياء عامه
ومعمل احياء
وثقافه اسلاميه
ولغة عربية
وامن وسلامه
وفي حاجه حابه اللي هيا معمل الكيمياء بس خاايفه تطلع الماده صعبه ولو ما اخذتها حيتعارض جدوولي بعدين كمان ياليت تكتبوا لي مين الدكتورات الكويسات
ولو عدد الساعة اقل من 12هل صحيح ماتنزل لي اامكافئه
....
وكمان الكيمياء العضوويه هل معاها لاب عضوي وتنزل كل ترم ولا لا

وكمان ايشش هيا المواد الحره وايشش اقدر اضييف فيهاا ؟؟؟
وكمان مذااكرة الاحيااء من فين تكون وهل الاسئله تكون صعبه او سهله وهل في انشطه اسوويها
واللغة العربية والثقافة الاسلامية من فين اذاكرها
ياللليييت اللي تشووف موضوعي ترد عليا او تراسلني خاص وشكرا لكم

[ضيآآ]

فيينكم ليش ما تردوووا :(

[طُهرٌ أنَا..]

جدولك مره كويس وجيد كبداية لك سهل وخفيف ان شاء الله



بالعكس معمل الكيمياء جداً سهل و ممتع لو تحبي تاخذيه خذيه عادي لأنه سهل
أما الدكتورات الكويسات فيه مافي دكتوره معينه لأن على الأغلب اللي يعطون المعامل هم المعيدات
واغلبهم جيدات



بالنسبة للمكافأة لا مش صحيح , حتى لو عدد ساعاتك 9 أو 3 تنزل المكافأة



كيمياء عضوية أيه معاها لاب وتنزل كل ترم وكذا شعبه
أفضل دكتوراتها د. سميرة مصلي , د. احترام قشقري



المواد الحره هي مواد تاخذيها من خارج كلية العلوم , يعني من كلية الآداب أو التربية أو الاقتصاد المنزلي أو أي كلية أخرى
كل ترم تنزل قائمة بالمواد الحره و شعبها
بأذكر لك بعضها
صحة فرد و أسس تغذية من الاقتصاد المنزلي
علوم قرأن , قرآن كريم , السيرة النبوية والخلفاء الراشدون , بيئة وصحة , تاريخ المملكة الحديث , سيرة نبوية ,الأسلوب وتحليل النصوص , لغة فرنسية , ألخ... كلها من كلية الآداب والعلوم الانسانية



مذاكرة الأحياء من الكتاب أو سلايدات حسب الدكتورة
عموماً الأسئلة موحدة ومتوسطة لا سهلة ولا صعبة
وفيه انشطة تعمليها حسب دكتورتك ما تطلب


مذاكرة الثقافة والعربي من الكتاب واختبارها الكتروني موحد