استفسارات عاجلة لطلاب وطالبات كلية العلوم الطبية التطبيقية

[Arwa D]

السلام عليكم أنا طالبة مستجدة في كلية العلوم الطبية
في عندي كم سؤال وياريت لو تجاوبوني عليها قبل يوم السبت ضروووري

دحين يوم السبت نروح مبنى كلية العلوم الطبية ولا فين ( نروح من إيت بوابة ) ؟
وغير انهم حيعطونا استمارة التخصص ايش حنسوي بقية اليوم ومتى تتوقعو نخلص ؟
متى لازم نلبس اللاب كوت ؟ لازم من أول يوم أو أول أسبوع ؟
جوالات الكاميرا ممنوعة ولا لا ؟
عادي نلبس بنطلون أول يوم ؟ وإذا عادي لازم بلوزة طويلة ؟

وخلال الدراسة حتكون في أي أنشطة أو أي شيء تأني غير الدراسة ؟ وإذا في إيش نوعها وهل هي إجبارية ؟ وفي كل أقسام الكلية ولا بعضها ؟
ومتى حتبدأ الدراسة في أي يوم ؟

أدري أسئلتي كتيرة بس مرررررة محتاجة تجاوبوني عليها ضرووري وفي اسرع وقت ممكن

[طالبه حايصه]

http://www.skaau.com/vb/showthread.php?t=421747

شوفي هذي خريطه الجامعه

والتمريض يروحوا مبنى ٨ والتقنيه يروحوا ١٢

واول يوم مرره مالو داعي لاب كووت .. لانو ماراح نحتاجه

البسي الي يريحيك اول يوم لانو في نفس اليوم راح يقولوا القوانين ومعرف شووو

اممم وبالنسبه للجوالات ما اتوقع ممنوع لكام .. كل الناس جوالاتهم كااام وحتى في التحظيري بجوالاتنا الكام عااااد يعني

هذا الي اقدر اجاوب لك علييييه

وبس

[rory55]

ما شاء الله طالبة ما قصرت بس احب اضيف كمان على كلامها انو اول يوم ما حيكون في شي غير البرنامج الارشادي واتوقع على الساعه 11:30 او بالكثير 12 تخلصون
وبالنسبة للدراسة ممكن من ثاني يوم تبدأوا لان السنة اللي فاتت بدأولنا ثاني يوم
والانشطة مو إجباري يعني وقت الـ Activity هذا وقت لكم تسوي فيه على كيفك .
وبالتوفيق :)

[weddah]

جوالات الكاميرا مسموحة مافي مشكلة

والبسووا اللي يريحكم انسوا عقد التحضيري

بالنسبة للأنشطة فيه شي اسمه لجان اللجنة الرياضية اللجنة الثقافية اللجنة الفنية اللجنة الدينية
واشياء زي كذا
التسجيل فيها اختياري طبعا ولهم انشطة حلوه كثير
اللي تحب هادي الشغلات حتنبسط ان شاء الله

بالتوفيق

[شرشف]

السلام عليـــــــــــــــــــــــــكم ياجماعة

حابة اسال اسىلة شويتين كثيرة
ايام مافتحو لنا اختيار الكليات انا كنت ابغى اشعة تشخيصية وماكانت موجودة في الاختيارات ولمن سالت قالولي انو كلية العلوم الطبية التطبيقية-تقنية المختبرات من ضمنها الاشعة التشخيصية استخرت واخترتها
وجلست استنى تنفتح لي تخصصات عشان اختار الاشعة اقووم افتح اليوم عيوني تطير لمن اشوف الخطة حقتي ومكتوب قسم مختبرات والمواد كلها حقت المختبرات وانا ماابغى ادرس مختبرات مرررة ماابغى .... قالولي البنات انو يمكن تدرسي المواد دي اول وبعدين تدخلي الاشعة الله يخليكم جاوبوني

وسؤال تاني :: في مبنى اسمو كلية العلوم الطبية التطبيقية ....... وانا اشوف بنات الكلية التطبيقية يطلعو من كلية الطب ؟؟؟
بكرا فييييين اداوم ؟؟

[AM00NA]

^^
حبيبي بكررره نختآر التخصصات كلنا في الاودس مكتوب لنا تقنية مختبرات..
وبكره ادخلي من بوابه غربية او شرقيه طب وهناك يقولوا لنا وين نروح..

[lady-hana]

سؤال الله يسعدكم
انا فكرت اجي بلبس عادي جينز وتي شيرت
بس وحده من صديقاتي قالتلي يمكن نروح لشطر الطالبات ونغير البطاقات
وهناك ممنوع البنطلونات
ايش الحل؟؟؟؟
البس الاب كوت ولا لآ؟