(( نصيحه ))

[دره جده]

السلام عليكم ورحمه الله
كيفكم .. ان شاءالله بخير ..
زمان ع ذا المنتدى بجد له وحشه .. وأول مادخلته ماشاءالله شكاوي درجات ونسب ودي الحاجات
و زي كالعاده ..
عالعموم بقولكم كم كلمه كتجربه لي ولدفعتي الي قبلكم .. أولا وأخيرا بخصوص التخصص والنسب هل حيقبلو ام لا .. لو كل شخص قال انا حتوكل ع الله وأسوي الي عليا صدقوني صدقوني مح يخسر لو اييييييييييييييييييييييييش .. حتى لو ربي كتبله تخصص تاني لطالما توكلت عليه فمافي داعي للقلق .. ربي عارف انت اش امنيتك وعارف انك توكلت عليه وعارف انك بتخلص وتجتهد وبإذن الله حيخترلك الشئ الي فيه خير لك وحتى لو مو رغبتك ممكن ربي العالم انو القسم دا مح تنجز فيه واخترلك شئ تاني الي بتنجز فيه .. يعني الموضوع كله مهو انا كم جبت ودفعتي كم جابو والعام كم وقف ودي السنه كم حتوقف .. احنا كنا نفكر كدا بس لو فكرتو كدا حتضيعو بجد وحتتعب نفسياتكم .. فكل الي عليكم توكل واجتهاد .. ولو انخسفت الدرجات ! ياخي انتو سوو الي عليكم وربي كاتب فلان حينخسف من درجاته كدا وفلان كدا ووو.... وكله لحكمه.. ربي عالمها بس توكلو واجتهدو وادعو بسسسسس !!
..
وكمان في شئ مين قال ان الطب نهايه العالم ياخي احس دفعتكم لصقه طب ماشاء الله عليكم ..
ترى في أقساام كتيييييييييييييره وروووعه ولها مستقبل مضمووون بس ادخلو الموقع واقرأو برواقه ع الاقسام وأقرأو من البدايه لين النهاااايه يعني لين الوظيفه كيف حتكون ..
واختارو الي انتو حابينه مهما كان تراه مستقبلك وياما دوااافير ودخلو اقسام غير طب وانجزو فيه ..
يعني الانجاز هو انجاز ب إلي تحبه بقناعه مو بهذا الحرف ( د. ) !! بس برضو للي حابين الطب باذن الله تحققوه والله يوفقكم ويساعدكم ويختارلكم الي فيه خير ..
وسامحوني لو خطيت في كلامي ..

[قروشـ]

الله يجزاك خير , وحاب اضيف شيء , التوكل هو صدق اعتماد القلب على الله في جلب المنافع ودفع المضار في الدين والدنيا . فالذي قلبه متوكل على الله يعلم ان كل ما اصابه خيراً كتبه الله له او شراً دفعه الله عنه . والتوكل هو التوحيد ,

والشكر لك على امتثالك قول رسولك الدين النصيحة , بارك الله فيك

[bahamdain]

ThAAnXx
دفعتنا شكلها ارجل دفعة :)

[اتحادي منتظم]

دفعتنا شكلها من عوائل مصطفى الكبيره

[skydiver]

كلامك صح 100%
والتسكين بعد كم يوم كمان فالافضل ان كلكم قررتوا وش بتختارون عن قناعة :)

[أسرار سامي♥]

*






تِسلمِّي يّ جميله عّ مُشآركتِك وُ للآسف الآغلب وليس الكُل يبغى طب بس عشآن قدآم الّناس
أو عشان أبوهْ فـعشان كيدآ نلقى كثثثير دخلوا طب واتخرجوا وبس دون آي أنجاز يذكر دون مشآركآت في اللقاءات أو تقديم بحث يغير العالم دون أي تميز ..
فِي فيديو مرهه مره مره جميل عن التّوكل تِحس برآحه لمآ تتوكل على ربك الرحيم والأعلم فين الخّير لِك
تآبٌعوهْ مُدته 10 دّقائق فّقط

وُ بضيف نقطّه يّ حبآيبِي 

ادّعوا دآيمن يارب باعد بّيني وبين كل ذّنب يبعدنِي عن توفيقكْ .. 

آيوا ذنوبنا الصغيره اللي كل يوم حش .. اغنيه .. عقوق الوالدين .. قطع الرحم 

هذي كلهآ تبعدنآ عن توفيقه سبحانه 



أسأل الله لي ولكم الهدايه 

[ReRe.H]

جزاك الله خيـــــــر كلامك مرة يريح
الله يختارلنا الخير ويرضّينا بيه يارب
ويوفقنا لما يحبه ويرضاه ..

[ريما القرني]

يااااااارب أدخلني الي أبغى 🎯
والجميع🌹

[ريما القرني]

واسلمي على الموضوع الحلو يا حلوه😘

[دره جده]

العفوو ...
جميل تفاعلكم ..(( ولا تنسو الاستخاره وربي يوفقكم ويساعدكم ويفتحها عليكم وتتسكنو ف القسم الي تبغوه والي يكون خير لكم ان شاءالله .. اتفائلوا ان القادم افضل باذن الله))