التحويل من جامعة الملك عبد العزيز لكلية الاعمال برابغ للانتساب طالبات

[Dont stop]

السلام عليكم

ندخل في الموضوع على طول واتمنى الاقي رد لاسئلتي ..

اولا انا طالبة انتساب في جامعة الملك عبد العزيز السنه التحضيريه وهذا الفصل الدراسي الثاني ليا وان شاء الله اختبر وبعدها اتخصص ....
التخصص اللي ابغاه غير موجود بالجامعه اللي هوا قسم التسويق ..
خطرت على بالي فكرة التحويل لجامعة الاعمال برابغ قسم تسويق لانو متاح للانتساب

سؤالي هو هل اجراءات النقل سريعه ومافيها اي تاخير او تعقيد ؟ اذا كانت كل شروط القبول مستوفيه ..

وين مقر الجامعه في جده ؟ ماعرفت موقعهم الثابت ومقر اختبار الطالبات وين بالضبط .. يهمني جداااا الموقع رجاءا

هل انا محتاجه لتغيير بياناتي وبطاقتي الجامعيه ولا عادي !

نظام التعليم عن طريق السنترا ؟ وهل في دورات للطالبات او لا بمقر الجامعه .


طالبات الانتساب في جامعة الملك عبد العزيز محرومين من الدورات او من حضورها هل نفس الوضع بجامعة الاعمال .

[tariq_101]

وعليكم السلام ورحمة الله وبركآته ..

إجرآءآت النقل مافيها أي تعقيد .. وإختيار الكلية من خلال الأدويس بلس .. تأتيك عدة إختيارآت منها كلية الأعمال برابغ

وبعد إختيآرك الكلية .. لابد إجتيآز 40 سآعه لإختيآر التخصص ( التسويق) طبعاً 40 سآعه من سآعآت السنة التحضرية

ومقر الكلية الرئيسي في رابغ ..لكن الإختبآرات في جده وأبهآ والدمآم والريآض والقصيم ورابغ ..

بخصوص البطآقة الجآمعية مو شرط تغييرهآ .. لكن إذا تريدين تغييرهآ . عليك مراجعة عمآدة القبول والتسجيل في جدة وتغييرهآ ..


وبالنسبة للدورآت .. هذا الترم توجد دورتين الأولى سنترآ والثآنيه حضورية في جده .. ولايحتآجين مرآجعة الكلية في رابغ جميع خدمآتك إلكترونيه .. مثل البريد الإلكتروني أو من خلال الأدويس بلس ..


والبالتوفيق إن شآء الله

[Dont stop]

الف شكر على مرورك وردك ربي يعطيك العافيه ... بس في شي مافهمو ياريت توضحلي اكتر

وبعد إختيآرك الكلية .. لابد إجتيآز 40 سآعه لإختيآر التخصص ( التسويق) طبعاً 40 سآعه من سآعآت السنة التحضرية
والله مافهمت هذي النقطه ياريت توضحها

والسؤال المهم جداا وجداا وين عنوان الكليه بجده لوتكرمت طبعا طالبات .

[tariq_101]

يعني أول ماتحويلي لكلية الأعمال برابغ ماتختآري التخصص مبآشره .. لازم تجتآزي 40 ساعه .. علشآن تختآري التخصص المطلوب ( التسويق)


مقر الكلية مثل ماذكرة ( في مدينة رابغ)

لكن جميع معآملاتك تقدم إلكترونياً

[Dont stop]

وين الاختبار راح يكون برابغ ؟؟ ولا وين لما اقدم اختباراتي علما اني بجده

[Dont stop]

اخي لازلت بالانتظار

وسؤالي عن مقر اختبار الطالبات...... :( صغت السؤال بالف طريقه وكلهم غلط

[Chanel]

الإختبارات بجده في كلية التربية بالفيصلية

[Dont stop]

المشاركة الأصلية كتبت بواسطة chanel الإختبارات بجده في كلية التربية بالفيصلية

الف شكر لكم وكل من تواجد وافادني انا كنت جدا محتاره وكنت حابه اتخصص ادارة اعمال او تسويق.... وادارة الاعمال والتسويق غير متوفره بجامعة الملك عبد العزيزللانتساب للاسف ..


عشان كدا راح اتوكل على ربنا واحول من جامعة الملك عبد العزيز الى كلية الاعمال برابغ تخصص تسويق ... شكرا افدتوني جداااا ...


ربي يبارك لكم وينجحكم ان شاء الله ويختار لكم مافيه الخير ... جزيتم خيرا .

[Dont stop]

مرحبا حبيت ارفع الموضوع مجددا .. عندي سؤال ... انا الان لله الحمد نجحت بكل مواد السنه التحضيريه ولسى مافتحو التخصصات ..

ماعرف ايش لازم اعمل هل اول شي انقل لكلية الاعمال برابغ ..

او اول شي اتخصص علما ان تخصص التسويق مارح يكون متاح للانتساب بجامعة الملك عبد العزيز ..

وسؤال اخر هل ممكن احول مثلا تعليم عن بعد وادخل قسم تسويق ماعرف اذا متاح للتعليم عن بعد قسم تسويق بجامعة الملك عبد العزيز ..

وكيف اجراء التحويل هل احول عن بعد بعدين اختار التخصص .. اتمنى افادتي لان الموضوع عاملي قلق

ومتخوفه من موضوع النقل لكلية الاعمال لاني ناقشتها مع كثير من الطالبات والكل مجمع على انو مارح يحولو لكلية الاعمال وفي كثير رغباتهم مشابهه لرغبتي بس الكل تقريبا مجمع والنسبه معدومه تقريبا لهالفكره ... وبس يسمعون رابغ تبدا علامات التعجب .. الموضوع خوفني ياريت افادتي :(

[Chanel]

ما يحتاج تحولي اساسا كلية رابغ احدى فروع الجامعة بس تختاري التسكين فيها على طول زيها زي كلية الآداب
التسويق متاح للتعليم عن بعد
طريقة التحويل للتعليم عن بعد ان شاء الله يفيدونك الأخوان فيه
ولا تخافين من كلمة رابغ امورك كلها راح تكون بجدة وكلية رابغ هي الوحيده اللي فيها اختبار مناطق للطالبات وصفحة الجداول تثبت هذا الشي
http://admission.kau.edu.sa/Pages-%D...%A7%D8%A8.aspx