الأشعة والمختبرات الطبية --استفسار--

[mo0oka]

السلام عليكم ورحمة الله وبركاته


كيف الحال ان شاء الله كويسين

لو سمحتو حابه اسأل ايش الأسهل أشعه ولا مختبرات طبيه؟؟؟؟
انا مررررررررره محتاااره بين دي القسمين

طبعا حتقولولي على حسب انتي ايش تحبي
انا احب كل المواد ما عدا الأحياء اكرهه عشانه كله حفظ

وابغ اسأل كمان على الدوام اقصى دوام يكون للساعه كم؟؟


وكمان قسم اشعه يقولو انو ضار وانو الوحده بعد كده ما تحمل تصير عقيمه لان الاشعه خطيرة

هل صحيح دا الكلام ولا لأ



وكمان سمعت انو الدراسه نظامها سنوي يعني ما ينفع اسحب ترم مثلا ادرس الترمك الاول والترم الثاني اسحب نظرا لظروف



ارجووووووووووووكم ردو على تساؤلاتي


يعطيطم العافيه

[صافي الروح]

ياهلا

ليش انت حاطة درجة السهولة المعيار الأساسي؟

ليش ماتقولي اي تخصص ممكن ابدع فيه؟

عموما

اعتمادا على شخصيتك هل انت انطوائية وماتحبي تقابلي جمهور ولا تمسكي مريض أم انك خجولة ومتقوقعة وتحبي العزلة والعمل بعيد عن البشر

فإذا كانت اجاباتك بالأعلى نعم

فعليك بالمختبرات لأنك سوف تعشقين العمل بالزوايا المظلمة هناك وراء البنشات وادمان التعامل مع التيوبات والعينات بعيدا عن البشر والمرضى وما سوف تفعليه اليوم ستفعليه غدا وبعد غد وحتى تتقاعدي !

أما اذا كانت كلها لأ

فعليك بالأشعة ففيها تفكير وتشغيل مخ وحركة ومقابلة جمهور وتفاعل مع المرضى واستخدام لأحدث التقنيات والأجهزة

أما بخصوص الاضرار الاشعاعية

فكلها غير صحيحة فهم يتبعون الأسس العلمية والاجراءات الوقائية اللازمة للحماية والوقاية الاشعاعية

والعمل طبعا مثله مثل اي تخصص آخر


ينطبق عليه انظمة كادر الوظائف الصحية

والتعيين بالأشعة اسرع لأن الجامعة لم تخرج سوى ثلاث دفعات حتى الآن أما المختبرات فقد خرجت أكثر من 20 دفعة

[M!SS Lara]

كلام الأخ الي فوقي عيني الصواب
انا لسه تحضيري وقالو لنا انو التحويل للكليات عموما وحتى االطبيه يكون بعد ترم..
بالتوفيق..

[● ά7Ļά şùģάя ●]

رآجعي موضوع الإستفسآرآت
ورآح تلآقي أجوبة لتسؤلآتك
وخصوصاً عن خطورة قسم الأشعة


وبالنسبة للأخت مس لآرآ
نحنآ زيكم مطبق علينآ نظآم السنة التحضيرية
والتحويل للأقسآم الطبية الأخرى فتح عندنآ ع الأوديس بعد سنة من درآستنآ بالقسم
ومن يوم مآفتحت الأقسآم الطبية في جآمعة عبدالعزيز لحد الآن وهي مآشيه ع نظآم السنوآت
فمآ أنصحك تحطي أمل إنو التحويل يكون بعد ترم


موفقين جميعآ
=)

[crazy chance]

اعتقد افادتك بمافيه الكفاية كل المجالين ممتعين صلي استخارة وان شاء الله ربي بيختار لك الطيب اذا كنت عندنا فحياكي بننا وفي تخصصنا وان كنتي مختبرات الله يوفقك وبرضو حياكي في تخصص صحباتي وبالتوفيق وتدخلي اللي تبغيه

[عبوور]

صافي الروح ماشاء الله كانك في تخصصنا بقي تقول وتدفني تحت احدى البنشات طبعا الكلام ده مو صح مافي انطوائية ولا اي شيء من اللي قلته مع كامل احترامي لك

[قصة غروب]

اشكرك اخوي صاافي الروح على الطرح المميز
لكن بس حبيت اعلق على نقطه وحده اللي هي الكلام اللي قلته عن المختبرات,
احنا مشكلتنا اننا نااخذ الكلام والاخبار من ناس عاوم وللاسف مايدروا اصلا هذا التخصص ايش فيه بس مجرد عرف الناس, مين اللي قالك الكلام هذا عن المختبرات؟
هل انت درست في هذا التخصص؟
هل من قال لك الكلام هذا شخص مسؤل في هذا التخصص؟
هل وهل وهل
اسئلة كثير.
الشئ اللي قلته هذا جزء من المختبرااات لكن في اشياااء كثير انت غفلت عنها والحديث عن الشئ هذا يطووول.
من حق كل واحد انه يمدح تخصصه لكن في نفس الوقت ما يذم التخصص الاخر ومن حقي انا ايضا اني اوضح بعض بعض الاموور اللي بس تكوون مدرد عرف عند الناس واحنا نمشي عليها.
ختاما نحن كلنا نعمل كمنظومه واحد اذا حدث خلل في عضوا من اعضاء المنظومه فمن المؤكد سوف تتاثر المنظومه بالكامل وقبل هذا نحن كلنا نعمل من اجل هدف واحد وهو خدمة ديننا ووطننا.
وتمنياتي للجميع بالتوفيق

[M.Alnawar]

ماصار أي تهميش للمختبرات !!
بالعكس لكل تخصص في الكليه له قيمته ..

[قصة غروب]

احنا اصلا اياااعزيزي ما قلنا انه في تهميش او شئ احنا فقط اردنا توضيح بعض اللبس
واشكرك ع المداخله