يااهل جدة"عظم الله اجركم بجدة"ولتفرح خيانة جدة..اليس معى الحق بهالكلام انتظر ردكم

[noor2010]

بسم الله الرحمن الرحيم
احبتى
اهل جده الافاضل
السلام عليكم ورحمة الله وبركاته
اتمنى جميعكم ان تكونوا بخيرات..وحفظ من الرحمن سبحانه
وبصراااحة..حبيت اكتب هالكلام
لان بجد نفسيتنا هالايام مايعلم بيها الا رب العالمين
كل سنه ونحن ماعندنا الا بس الكلام فقط دون الفعل او الانجاز
كلام فى كلام ويطير بالهوا
وياليت يطير بالهوا الا يطير بعد ماتنحرق اعصابنا وتتوتر ونصاب باكتئاب وهم من وضعنا الحالى وكل منا يبي الثانى يتحرك
يااهل جده يالى بشرقها وجنوبها
وشمالها وغربها
الان
وانا اكتب اذكر مادة الجغرافيا والى درسناه فى المدارس عن المملكة ومدنها
تعد جدة من اكبر مدن المملكة مساحه وعدد وسكان وميناء المملكة الرئيسي ومحط انظار العالم اجمع وخاصه الحجاج والعمتمرين يجون عن طريقها ومدينه سياحية مثل مايسميها البعض باريس المملكة
/
هذا كله عن جدة غير
وهى بالفعل جده غير في كل شي
الان والحمد لله نحن في بلد بيعطى الحريه فى الاعتراض وابداء الراى اذا لاحظ اى اهمال من اى مسؤول لم يحافظ على الامانة ولم يعطى شغله حقه ويراقب ربه فى المهام الى موكله له
والدولة ولله الحمد ماقصرت بكل شي بمشاريع وتطور وسعى للانجازات والتقدم
والملك عبدالله حفظه الله ماقصرولا الحكومة مقصره
ونسمع عن المشاريع الى قامت وبتقام بجده
طيب صبر
فى مشاريع قامت ونفذت بالفعل ومنها بناء نفق الملك عبدالله الكبري
الى قريب من مركز محمود سعيد الجديد
كبرى قعد سنين ينبنى وانصرف عليه بالملايين
بالله عليكم الي مر من جهته ولا الى شاف الصور
ويش رايكم بالبحيره الى صارت فيه
كم ساعه امطار بتنزل بشكل طبيعى وكانت ممتعه
وكميتها طبيعيه ممكن تنزل بشكل شبه يومى على كل مدن المملكه ومايصير الى صار معنا
كم ساعه مطر تغرق جدة بشوارعها وكباريها وتهلك اهلها وتخرب ممتلكاتنا
والى ماتضرر تتاثر نفسيته وتتعب من الى صار والى شافه بعينه
مين المسؤل
أليس امانة جدة
انتقم الله من المسؤولين فيها هم السبب
الستم معى
انهم اهملوا دورهم وواجبهم
اساسا امانه جدة لماذا موجوده
لتكون امينه على جدة واهلها
كبارى تنعدم بسبب عدم الرقابه فى الى بناء اى كلام وماخطط ولا جعل تصريف للمياه
فلل جديده وعمائر تجنن تنهدم ليش
لان الى بنا كمان بانى على قاعده المثل الى يقول(من برا الله الله ومن جوا يعلم الله) بنايه اى كلام مظهر دون اساس قوى وسليم
امانه جده
الله ينتقم منهم الخونه
بجد خانوا الامانه ولم يراعوا
يااهل جدة
الستم تلاحظون مثل ماالاحظ فى مدينتنا جدة غير
قلة الاهتمام
تعالوا نحصى بعض من اهمال الامانه وليس الكل
من فتره صرف الملك مبلغ كبير للامانه عشان تتخلص من الغربان الى ببحر جده
هل نفذوا هالشي؟؟
خذوا لفه بالسيارة على الحمرا بحر جده القديم
وشوفوا بالله بالنهار عدد الغربان المهول
والى اساسا فى ديننا اذكر بكتاب ثالث متوسط بالفقه فى درس يذكر ان الرسول اللهم صلى وسلم عليه امر بقتل الغربان
مانفذوا الى انطلب منهم
والمبالغ الى انصرفت وينها ياعالم
راحت بجيوبهم
2
بحر الاربعين
اهل جنوب جده بيعرفوه اكثروالى مايعرفه اعطيكم نبذه عنه
هذا بحر بس خيانة جدة اقصد هالامانه بلديه جده
بيجمعوا الذباله ونفايات ومهملات الناس الله يعزكم ويرموها فى البحر يجمعوا اكبر عدد من النفايات وتترمى بالبحر والريحه شي يجيب المرض ماتذكر الروايح الى تطلع من هالبحر مااقول الا الله يعين كل مرضى الربو والى صدورهم تعبانه والى عندهم حساسيه
وينك ياامانه عن هالاهمال
الحمرا القديمه صارت مذبله نفايات والله افتكر مرة رحت البحر مرينا بالسيارة على مكان كل هزباله والله ماتصدقون رجعنا بعد اسبوع ومرينا على نفس المكان الزباله هى هى
كله من مين من اهمال الامانه
حشرات كل مالها تتوالد من ذباب وناموس وغيره
وامرض تتفوق جده عن العالم كله بتميزها بمرض حمى الضنك الى اساسا سببه الاهمال والقذره من المهملين
امانة جدة
الى تغافلوا عن قول الله سبحانه وتعالى(
قوله تعالى : { إنا عرضنا الأمانة على السموات والأرض والجبال فأبين أن يحملنها وأشفقن منها وحملها الإنسان إنه كان ظلوما جهولا } .


وحديث الحبيب محمد صلى الله عليه وسلم(كلكم راع وكلكم مسؤل عن رعيته)وهذى مسؤليه لما تراعى ولم تحافظ
ازيدكم من الشعر ابيات
يااهل جده
بالله عليكم
كم مرة شفتوا بعينكم او مررتم او سمعتم
ان المجارى الله يعزكم كل يومين بتطفح بشوارع جده واحيان تغرق شوارع جده
يا قذارة امانه جده
وياصبر سكان جده على هالبلوة
الين متى بنسكت؟؟؟
بالله الى يمر من حى الشرفيه والكندرة وينزل على الجنوب
بالله ويش رايكم بالى تشوفوه
اكمل
الله يكرمكم الزبالات الى المفروض ماتطول بصناديق الزباله كم يوم وتقعد بالشوارع وماانشالت؟؟
وللاسف نحن نطلع حرتنا وكنا نحط الوم بالعماله المساكين الى ماسكين شوارعنا
وهم حالتهم يرثى لها
كان الله بلعون
حرامية جده
ياامانة جدة
يابلديات جده
معاملات غير صالحه ولا مبنيه على مقاييس سليمه بتمشوها ليش؟؟
مقابل الرشوة والمصالح وتبادل المنافع
ومين يروح ضحيتها
اهل جدة
وربي شي يوجع القلب
تدرون الحمدلله
ان هالامطار صار فيها الى صار
بجد رب ضاره نافعه
لانها فضحتهم وظهرت حقيقه تلاعبهم
والان يااهل جده
خلوكم معى
الارصاد ومتعبتنا كل يوم توصلنا رسايل تحذيريه
امطار غزيرة سوف تهطل يوم الجمعه والسبت والاحد والاثنين وستستمر
الان المفروض والوضع الطبيعى اننا يااهل جدة لما كنا نسمع بخبرهطول امطار نفرح ونستبشر ونحمد الله على نعمة المطر الا من فين وفين تنزل بجده وهذا الشي الطبيعى الى المفروض يصير وباى مدينه واى دوله يفرحوا لو نزلت امطار لانها دليل بركه ورحمة وغيث من السماء وراح تنفع الارض والعباد والنبات
بس هالايام بعد الكارثه الى صارت امطار روعه تنزل وفرحنا بيها لانها بالفعل كانت ممتعه
بس بسبب اخطاء ناس ماخافوا من ربهم وخانوا الامانه والعهد تغرق من اثار الامطار اكثر احياء جده وراح ضحيتها ناس مسلمين مواطنين ومقيمين((ومن رحمة الله بينا اننا ممكن كنا راحت ارواحنا مع الى غرقوا))
معقول يالى ماتخافوا من ربكم تنزل مطره والمياه ماتلاقى تصريف لها بالله ويش هالغباء يعنى لغيتوا هالشي نهائي من حساباتكم وانتم تبنوا وتعملوا مشاريع ماعملتوا حساب لاهم الامور تصريف المياه لمدينه اساسها مبنيه على بحر ومن حولها اوديه يعنى قفلتوا منافذ تصريف المياه وروحي ياجدة بشربه مويا
الان بالله لو بالفعل نزلت هالامطار الى مرعبتنا بعكس الفطره السليمة مطر يفرح ويبهج ونحن بسبب الازمة هالمطر صار نزير شؤم وخوف ورعب
الان بالله لو بالفعل صدق توقع الاحوال الجويه
ويش راح يصير بجده
وبااهل ياجده
على فكره يااهل جده
انا من وسط جده يعنى الامطار ضررها مقبول مو بشكل المهول الى كان بجنوب وشرق جده
بس وللاسف ماسلمت شوارعنا من هالمشكله
ويش راح تكون حالتنا
والى مثلى بوسط جده وبشمالها ترى مانأمن ان الكارثه تصيبنا بسبب اهمال ضعاف النفوس
اعذرونى بس بجد
الى صار اتعبنا
مااقول غير حسبي الله ونعم الوكيل فيهم
وخاصه
حسبي الله فى المسؤولين
بأمانة جدة
الى ولا واحد فيهم هز طوله واخذ جوله على شوارع جده
ومن هنا
من خلال هالموضوع
الوم نفسي والومكم
يااهل جده
الين متى وانتم ساكتين
الين متى ونحن يامتعلمين ياجامعيين نشاهد ونحرق باعصابنا
دون ردت فعل وردع للفساد الى صار
وبعد اهو والحمدلله
قرار الملك عبدالله حفظه الله برد على قلوبنا
واحيا فينا الامل ان هالمهملين راح يلاقون جزاتهم
ويارب يارب يارب
هاللجنة تنصف وتاخذ بثارنا من الى نهب فلوس الدوله وحطها بجيبه ووفتح ارصده بالملايين المفروض انها تكون لجدة
وغش في عمله(من غشنا فليس منا)
حديث من الصغر نسمعه ونترعب منه خاصه وقت الاختبارات ونفهمه ونعى معناه من غشنا نحن المسلمين فليس منا ليس من امة محمد
والى صار غبن وغش على مستوى ولا المافيا نفسها
وياليت يااهل جده يكون لنا دور ايجابي
ومانسكت عن الى صار والى راح يصير لنا
كل سنه نعيد ونزيد بنفس الكلام ونكرر ولا صار شي من الامانه اقصد من خيانة جده
كل سنة قطرات مطر تغرق شوارعنا ونستنجد ويالليل ماطولك ياامانه كل سنة وتغرقنا المجارى ولا تكثر الاوبئه والامراض بسبب الاهمال ونسكت على حساب ايش
على حساب صحتنا
بالله كل واحد يمر ويقراء موضوعى يقولى هل مصاب بالحساسيه ولالا
ولو لا اكيد ولابد واحد من اهله مصاب بالحساسيه يالبصدر يابعيونه يا يا؟؟وليش هذا؟؟الجواب اتركه لكم؟؟

اعذرونى على كلامى وحروفى المبعثرة وكلماتى المششته
لانى بالفعل اشعر بالدوار مالى صار
مارايكم بالله
اليس معى الحق فيما كتبته لكم
ولا انا مزودتها حبتين
دمتم بحفظ الله ورعايته
بنت جدة