غلط في تصحيح الأحياء! (أولاد)

[D.sheikh]

السلام عليكم

شباب زي ما انتو شايفين من عنوان الموضوع
لكن الظاهر انه في غلط في تصحيح نموذجين b & d ودي المشكله حصلت في الإحصاء
لأنه من المستحيل مافي احد جاب فل مارك في النموذجين دي وما ادري كيف المنسقين ما لاحظو!
بس لازم ما نسكت عالموضوع واتمنى انه كل واحد اختباره كان من هادي النموذجين يروح يراجعهم من بكره
عشان يعرفوا انه في غلط واتمنى الي يعرف مكتب المنسق يفيدنا فينه!

وشكرا

[3zzouzz]

زيادة على موضوعك يا عسل :

كلمت منسق المادة د/ مصطفى نجار اليوم ع الواتس ,
قلي روح راجع د / اسامة ابو زنادة في مبنى 71 ( جنب معهد الانجلش )
المهم الادمي قلي جيب منو ورقة وانا اراجع لك ورقتك

يعني اللي بيراجع يتوجه لرئيس القسم ابو زنادة في 71

والله اعلم ... عموما بكرة الصباح انا محضّر هناك عندهم ان شاء الله

[m.sh]

ايش هو مبنى 71 ؟؟ وين مكانه ؟؟

وحاجة غريبة فعلاً ما أحد أخذ 30 في هذي النموذجين .. عكس نموذجي a , c واللي فيها كمية 30 معقوولة !!

[3zzouzz]

المبنى جنب معهد الانجليزي ومبنى 44 المشهور ( حق مراجعات ابو جبل )

[Marwan alHarbi]

^ ي ليت تعلمنآ ايش راح يصير معآك و ايش هوآ الخطأ :)

[3zzouzz]

طبعا للاسف ما رحت انا ( راحت علي نومة مع السهر هنا )

لكن اعرف واحد ( ثقة جدا ) راح , وقالوا له احنا حنراجع الـ Key Answers
الخاصة بالنموذج المذكور ونرد عليك

بالاضافة الى ان هناك شخص اخر ( برضو ثقة ) وهذا الشيء انا شفته بنفسي :
راسل الدكتور ابوزنادة ( رئيس القسم ، هو اصلا في رحلة علمية خارج البلاد حاليا ) جاه الرد
من الدكتور شخصيا وقال لدى عودتي سيتم النظر في الموضوع بإذن الله

[Anas94]

أنا رحت لقسم الاحصاء و قالي نفس الكلام أنهم راح يراجعوا ال key
وان شا الله اذا في غلط يتعدل !!

[قياس ×]

يعني ننتظر نشوف ايش يصير ؟

[D.sheikh]

أخ 3zzouzz مشكورين ماقصرت.. وأنا كمان راحت عليا نومه عشان اصلا اليوم ماعندي جامعه

لكن إن شاء الله بكره فيه دوام ورح اراجعهم إن شاء الله عشان ناكد عليهم ونخليهم يستعجلوا!

بعدين أخ Anas94 قصدك قسم الأحياء مو إحصاء صح؟

[Anas94]

المشاركة الأصلية كتبت بواسطة d.sheikh أخ 3zzouzz مشكورين ماقصرت.. وأنا كمان راحت عليا نومه عشان اصلا اليوم ماعندي جامعه لكن إن شاء الله بكره فيه دوام ورح اراجعهم إن شاء الله عشان ناكد عليهم ونخليهم يستعجلوا! بعدين أخ anas94 قصدك قسم الأحياء مو إحصاء صح؟

هههههههه نعم قسم الاحياء غلط مطبعي !!