استفسار ضروري عن استاذه نسرين بمادة اصول فقه [عنوان معدل]

[نوفتين]

الســـــــــــلام عليكم ورحمة الله وبركــاته.,
مســآآآآآآء الـــخـ ـير
لو سمحتو ابغا استفسر عن استاذه نسرين بمادة اصول فقه
هل هي كويسه ولالا ؟؟
والله يكتب لكم التوفيق بالترم الجديد يارب .,

[shoody4]

محاضرتها حلوه بس شرحها اكترو من برا الكتاب
وفي اشياء تحسيها هيا اصلا مو فاهمتها
واسالتها كانت في الدوري الاول موضوعي ومقالي بس المقالي قليل وكان من 10 ..
واختبار النشاط من 20 والدوري التاني من 30 والنهائي 40 وكلها موضوعي
كانت تعتبر حلوه اسالتها في الدوريات والنهائي والنشاط ومع كدا كم بنت قالو درجتهم سيئه فيها وانا منهم
بس مانعرف السبب مننا ولا منها مع اننا حلينا كويس

نصيحتي خديها متاخر لاني شايفتك مستوى اول انا اخدتها وانا مستوى تالت وندمت اني اخدتها من دحين

والراي رايك

[•♥fŗŌồtą]

دكتوره نسرين امينه بزياده

تلتزم بالمحاضرات نادرا تغيب وتحسب الغياب لمن اخر يوم

شرحها مرره حلوو بس المنهج غثيث

وهيا ما تحذف شي كلو معانا ولا تسهل

بالنسبه لاسئلتها تقريبا كل الشعبتين خبصت في الدوري الاول

اولا لانها كانت صعبة ثانيا ما كنا نعرف كيف نذاكر المنهج

الدوري والنشاط حسيت درجاتنا ارتفعت ولانها الغت المقالي خلتها كلها اختياري وصح وخطاء

وانا اخذت 88 معاها وصراحه اعطت بونس امكن 5 او 4 درجات لاني حسبت درجاتي لقيتها مرتفعه

وسوت تحسين للدوري الاول وخلتنا نعمل سي دي امكن هذا الي رفع درجاتنا

وعلى فكره تعطي محاضرات من اول اسبوع
،،

على العموم لاتاجليها ولا شي لانو الترم الي فات نفس الاستاذات

ونسرين افضل من سارة روزي

وبالتوفيق

[shoody4]

^ صح كلامها بس هيا حذفت باب خلتو قراءه وبعدها اختبرتنا فيه اختبار من 20
وحذفت شي مره قليل
بس هوا الغياب تحسبو من اول يوم كمان لاخررر يوم وماتغيب الا نادرا يمكن غياباتها مااتعدت اتنين او 3

[Meme .. 92]

يعني من السبت نداوم عندها ؟

[سيمآ المحآميةة -]

درست معآهآ أصول فقه
الترم اللي فآت

يممكن حضرتلهآ محآضرتين أو ثلآثة
بعدين حذفت الممآده

مآ أقدر أحكم ع شرحهآ لانو مآ كملت
معآهآ

بس مآحبيتهآ يعني ما اتقبلت الدكتوره نفسهآ


=)

[•♥fŗŌồtą]

من الاثنين بدت تعطي محاضرات مع انو شعبتنا ولا بنت جات

وحسبت غياب لكل الشعبه اما الشعبة الثانيه 3 او 4 بنات واعطتهم محاضره ^^

،،

سيما حتى انا فكرت احذفها بس الحمدالله اني ما حذفتها

طلعو نفس الاستاذات الترم ذا برضو

[taleen2]

ابعدوا عن سارة روزي هي من اول محاضرة حذرتنا من نفسها وبالفعل كثير بنات حملوا المادة .الله ييسرلكم الخير مع نسرين وتكون طيبة

[shoody4]

من كلام البنات في قسم الدراسات انها احسن من ساره بكتييير
ونصيحه خدو معاها لانو الكلام اللي سمعتو عن ساره مو كويس وانو بنات كتير رسبو عندها
حسيت اني حبيت نسرين
بس ركزو في المزاكره واحسن تزاكروها اول بأول لانها دسمه وتطفش