احذفها ولا مااحذفها.. ضروري..

[الحائرة دائما]

السلام عليكم ورحمة الله وبركاته

ابغى استشيركم في موضوع ..

بكرا اخر يوم في الحذف وابغا احذف مادة لغه عربية2 احس بضغط شوية في مواد جدولي وهيا المادة اللي احس مناسبة لحذفها وبتخفف عني وكمان وقتها المحاضرة الساعه2 وقت الواحد مافي حيل يركز والعربي يبغالو شوية تركيز فهعتمد على مذاكرة البيت والمواد التانية

عدد ساعاتي 17 دحين اذا حذفتها بتصير14 مدري قليل؟؟ والاضافه خلاص قفل على مااظن

جدولي مبادئ قانون- قانون تجاري- اصول فقه- مدخل الى علم السياحه -لغه عربيه2- ثقافه اسلاميه2

فايش رايكم اضغط على نفسي واخلص منها ولا لااستعجل واخيلها المستوى التاني واركز في المواد اللي عندي عشان ارفع المعدل في اول سمستر ان شاء الله

ابغى ارائكم ماعندي وقت غير بكرا ان شاء الله للحذف


وشكرا كتير..

[•♥fŗŌồtą]

اذا بتحذفي احذفي الثقافه

العربي2 مره سهل وتضمني فيه 95

ويرفع معدلك ما انصحك ابد انك تحذفيه

وياليت كل المواد زيو

وكمان اذا بتستمري تاخذي 14 ساعه كل ترم محا تتخرجي بثلاث سنين ^^

حتاخذي فتره اطول اضغطي نفسك في البدايه لانو المواد تعتبر اسهل من الاترام الاخيره

وبالتوفيق

[(( محمد ))]

اركز في المواد اللي عندي عشان ارفع المعدل في اول سمستر ان شاء الله

كلام جميل جداً وفكر ممتاز

لكن ما اظن العربي يحتاج الكم الهائل من التركيز

بصفه عامه لو تفكرين تحذفين ماده عشان تتفرغين لباقي المواد للحصول على أعلى درجة تضمنين بها أرتفاع المعدل فهذي فكره جيده , وحبذا لو تنفذ في ماده صعبه او دسمه وأنتي أكثر مايرهقك مسألة الوقت , فكري تغيرين الشعبه

وليكن معلوم لديك ان أي تأجيل او تأخير عن الساعات المحدده في نصاب جدولك يأخرك عن الخطه الزمينه للتخرج
إلا إذا استدركتي ذالك بأحد أمرين :
1- دراسة ترم صيفي ( مع العلم ان الفصل الصيفي لايحوي كافة المواد ومع الاخذ بالعتبار تعسف شطر الطالبات في شعب الصيف )
2- ان يكون جدول أخر ترم أعلى من الحد الأقصى بـ 6 ساعات ( وهذا أستثناء تمنحه عمادة القبول والتسجيل للطلبة المتوقع تخرجهم بتسجيل ساعات إظافيه تصل حتى 24 ساعه )

لكل ماتقدم أرشّد لك :
أ - ان تواصلي مابدأتي به وتؤمنين بأن الشعور بالتعب والجهد هو ذاته الشعور الذي يخالجنا في كل بداياتنا في الحياه
أو
ب - تحتفظين بمادة العربي في جدولك مع تغيير موعدها
او
ج - تحذفين أحد موادك ولتكن مادة صعبه نسبياً , لأن الصعبه جداً ستقابلك في ترم قادم , والسهله جداً سيكون حذفها خساره


ولك الخيار بعد ركعتي الإستخاره


همسه : " جدولك سهل وحلو , توكلي على الله "

[][..sMaA..][]

رأيي الجدول جميل ومايحتاج تحذفي العربي
عربي 2 اسهل بكثير من عربي 1 .. مايحتاج لاتركيز ولاشي مافيه قواعد وكذا يتكلم عن المهارات الكتابية ..
فلا تشيلي همو ..
بالتوفيق

[.. Shosho A ..]

وعليكم السلام و رحمة الله وبركاته ..

ياعسل العربي 2 مادة جدا سهلة ومثل ماقالوا الاعضاء اسهل من العربي 1 بكثير ..

14ساعة جيدة .. من رأيي لو حاسة بضغط عليك احذفي مادة مدخل إلى علم السياحة .. لعدة اسباب :

1- التركيز على المواد الاخرى .
2- تأجيل المواد الحرة والاختيارية لترم آخر .
3- والاهم سمعت بنآت يشتكون من هالمادة واخرها اليوم وحدة مانصحتني بها .

بالتوفيق ..

[Jarood moon]

سلام

بصراحه جدولك أشوفه سهل ومافيه ضغط وصعوبه
يمكن أنتي شايله هم الماده علشان الوقت لكن زي ماقالو لك روحي لقائمة الشعب وشوفي لك شعبه ثانيه تناسب جدولك ويكون وقتها أفضل وان شاء الله راح تلاقي لأن المواد العامه شعبهـا كثير

واذا تبغي نصيحه لا تحذفيهـا

[yasoor]

طيب عندي سؤال بعد اذن صاحبة الموضوع اذا اخذت كل ترم ‏١٤‏ ساعه في كم سنه اتخرج من غير التحضيري

[الحائرة دائما]

اشكركم فرداً فرداً ^^على نصايحكم الجميلة من جد افادتني الصراحه وكل واحد رايه سليم الله يعطيكم العافيه فكرت وماراح احذفها ان شاء الله ..

[الحائرة دائما]

المشاركة الأصلية كتبت بواسطة yasoor طيب عندي سؤال بعد اذن صاحبة الموضوع اذا اخذت كل ترم ‏١٤‏ ساعه في كم سنه اتخرج من غير التحضيري

احسبيها كم عدد ساعات تخصصك احنا القانون129 او128

واحسبي كل ترم كم ساعه يبغالك عشان تخلصي في ثلاث سنين ان شاء الله هذا اللي اعرفو ويفيدوكي الاعضاء ان شاء الله لو غلطانه بشي ..