ارائكم في ظل الوضع الحالي

[TURKI ALharbi]

الاخ طفشان وقال يبربر شويتين






بين قوسين





( فضفضه)

انا حتكلم عن شيء بيجيب الملل بيحصل بساحه واتمنى بنهايه نلاقي له حل

نشوف ايش الى مسبب ليه وللاغلبيه مشكله





95% من المواضيع ممله جدا او مكرره لكن بشكل مختلف

مكرر لكن بذكاء مكرر بالمحصله مختلف بالعناوين والجمل

ندور في فلك واحد

ناخذ مثال بسيط عن الى بيجري بساحه

اليوم نتكلم عن حقوق المراه السعودية

اتكلمنا في جميع حقوق المراه ومن كان جاهل بحقوقها اصبح فاهم

وصار عندنا ناس حقوقيين اتناقشنا وانتهينا وصلنا لقناعات

وكلاً ابداء رائيه وانتهينا

لكن بقدره قادر تجد ان اليوم التالى نزل موضوع عن حقوق المراه بالقياده

بعد بكره تلاقي موضوع ماهى حقوق المراه السعودية التى تريدها

بعد بعد بكره تلاقي موضوع المراه السعوديه مسلوبه الحقوق

بعد اسبوع تلاقي موضوع القبض على مراه تقود سيارتها بجده

بعد اسبوعين نفس الموضوع بس هالمره بمكه وعلى هالمنوال

بعد شهر تلاقي نفس المواضيع نفس الجدالات نفس الاشخاص

مع اختلاف الازمنه فقط

الكل بيكرر الكل


عقولنا وضعناها على جنب وبدانا نبحث عن كل ماهو جاهز وننسخه ونلصقه هنا

لو عملنا مقارنه لكل 100 موضوع من مواضيع الساحه الى هيا (نسخ ولصق )

حتلاقي انو يقابلها موضوع واحد عضو من الساحه كتبه ماقام بنقله

انا بتكلم عن الحاصل لااحد يفكرني اقصده بكلامي نبغي مواضيع جديده فيها نقاشات

فيه اختلافات بالافكار لكن اختلاف في الافكار فقط مو كل ماختلف عضوين

اصبحت مشاده كلاميه وفجاءه تقفل الموضوع

والسبب ان بعض الاخوه والاخوات خلو المواضيع ساحات صراع وليست ساحه فكر واختلاف اراء

بعض مايحصل هنا من مشادات نتيجه لاختلاف الاراء لايدل الا على انحطاط لغه الحوار والنقاش

نحن جامعيين نريد ان يكون حوارنا ونقاشنا حضاري وراقي

بالاخير اتمنى ان تقل شغلات النسخ والصق لان غالبيتنا قد سبق ان قرائها ونبدا بمواضيع جديده

من بنات افكارنا ليست من بنات افكار واحد كتبها عام 2000 ومازلنا نتناقلها

^
كيفنى بس

[كرزه...]

هههههههههههههههههههههههه
تعرف كرهت نفسي من كثر مايتكلموا عن المرأه السعوديه ..مليون موضوع..
عن جد وضع الساحه ممل افي اعضاء ما قد شفتها إلا وتنقد إلا تبغى تضارب وتخالف الرأي وتلفت النظر ..والله انا جديده على الساحه ومالي إلا موضوع كتبته بنفسي وماتوقعت ان فيه طلاب جامعين بهالمستوى من التفكير واقلامهم تستحق الكسر..لكن في المقابل في ناس عقولهم منيره واعيه..وفيها من يدعي المثاليه بزياده..
مشكور اخوي على الموضوع ولك ال5نجوم

[نوره الغامدي]

هههههه لا بجد معاك حق =)

::

أسعد الله صباحك أخوي

[كرزه...]

نسيت شيء واغلب المواضيع صايره اخبار مرعبه

[عموريAHLI]

والله ياقورو نفس اللي فبالي , الساحة صارت مملة

والمواضيع ماتشجع للمشاركة

[TURKI ALharbi]

شكرا لكم كلكم
:(

[حبي نفسي]

ههههههههههههههههههههههههههههههههههههههههههههههه
والله مره كااااااااااااااااااااااااااااي
موبس في المنتدى كل القنوووووووووووات حتى الاجنبية المراة السعودية المراة السعوودية نفسسسسسسسسسسسسي اعرف احد قد اشتكى لهم ؟؟؟

[girl.k.s.a]

^
ما تعرفي يبغووو يخربوا المرأة السعودية مو عارفين كيف
يقوموا يهرجوا عنها الين ما تصحى على نفسها وتطالب بحقوقها
^
أصلا لو كآن لهآ حق في القيآدة خخخخخخخ

أنا الحمدلله ما أتآبع النقاشات والمشادات الكلامية
لكن من جد السآحة العامة صآرت ما أعرف كيف =(

قورو مالقيت تفضفض إلا هنا خخخخخخخخخ
بعد شويا يجي أحد يقولك كلمة ويعمل مشآدة كلامية ههههههههههههه
^
متأثرة مرااااااا هههههه

[زمردة 2009]

صح و مواضيع الزواج بعد لها ربع الخاطر

والباقي كله بالحريم تقل ربي ماخلق بهالدنيا قضايا إلا الحريم

[мαѕooяy]

خطوآت السآحة الع ـآمة ::

1 - موضوع ممل
2 - بكلمة يتحول لموضوع نقآش حآد
3 - يجي وآحد ويتلفسف زيآدة ويولعهـآ
4 - يجي وآحد ويتلفسف آكثر ويرد عليه والا ويغلطوهـ حتى لو هو صح بس عنـآد
5 - مضاربات حادة وينقسم الشعب لقسمين مع ذآ أو مع ذآ
6 - يجي الباقي يدآفع ويفازع
7 - يجي آمير القلوب ويقوم بالواجب
8 - ( أما يجي واحد ويسوي هو اللي حق ويقول آنآ بخرج من المنتدى أو ينصف في البلآك ليست )

وآنتهينـ،آ



وشكرا لك

نتمنى هالحال يتغير لأرقى من كذآ