مساعدة يا اهل الخبره محتاجة اضيف مادة ؟؟؟؟؟؟

[taleen2]

كيف حالكم يا طالبات وطلاب جامعة المؤسس إن شاء الله الكل قدر يسوي مواعيد جدوله مثل ما يحب
عندي طلب منكم وابغى مشورتكم انا اول ترم في الانظمة واخذه مبادئ قانون 1 وثقافة2 وقانون تجاري وعربي 2 واصول فقه حاولت اسجل قانون دستور او احوال شخصية الشعب مقفله ايش في مادة اقدر اخذها بس تكون مناسبة من حيث المحتوى مع المواد المسجلة وما يكون عبء علي فيها واذ ممكن اسم الدكتور/الدكتوره اللي تعطيها
الرجو منكم الرد السريع لان ما بقي الا يومين على الاضافة
ولكم الشكرا مقدما

[][..sMaA..][]

ممم
قانون جنائي عام < مو سهلة بس خذيها وافتكي .. صح لها متطلب اللي هوا مباديء قانون بس قوليلهم الشعب مقفلة ومابقيت مواد
مصادر التزام .. < مرة سهلة عادة تتاخذ الترم التاني .. بس دامها فاضية خديا دحين وفكي نفسك من حوسة زحمتها الترم التاني
مواريث < مو مواد المستوى السادس فالخطة بس ماتاثر في بنات كتير اخدوها سنة اولى
بالتوفيق

[مستفيض العبرات]

مصادر الالتزام ،، خذيها راح تفتح لك مواد كثيرة .

[الحائرة دائما]

بعد اذن صاحبة الموضوع انا نفس حالتك ونفس المواد اللي منزلتها

بس فعلا انو عادي انزل مواد يبالها متطلب يسمحولي ؟؟

[السوسه]

هلا اختي

جدولك تمام .. بس المصادر لها متطلب اللي هو مبادى قانون ..

طيب خذي مادة اختياريه او حرهـ افضل لك ..

وعندك مادة المواريث مرره حلوووه بس كلها حسابات واحس بدري عليها ..

والله يوفقك

ودي لك

السوسه

[taleen2]

طيب أيش أفضل دكتور يدرس مواريث وايش درجة صعوبتها أنا. ثانوية علمي
يعني تشبه math 111 في الأرث

[مستفيض العبرات]

لا ما أظن انها تتعلق بالرياضيات وشغل الحساب وهـ الامور ، لأنها مادة اسلامية .
والأخوة بيفيدونا بإذن الله ، لاني الترم هذا نازلة لي وما اقدر افيدك بالشكل المطلوب .


ومن ناحية الدكتور ، أخذتها عند الدكتور محمد زين ، يمدحوه الطلاب وعندما قرأت سيرته وجدته انسان متعلم جداً ، والكل يمدح الدكتور هاني عبدالشكور من طلاب وطالبات لكن للأسف كان عنده شعبة في الترم هذا واتغير الدكتور .

[taleen2]

أسأل الله التوفيق لكل اللي ردوا على موضوعي وأتمنى اللي عنده أي معلومه يفيدني

[nova09]

راي انك تاخدي مواريث ما لها دخل باي مادة وانا أخدتها مع الهام باجنيد بنسبة ليا مرررررة خرجت فاهمة المادة والدكتورة ما تقصر صراحة متمكنة من المادة جدا

[taleen2]

طيب الدكتورة الهام باجنيد كيف اسلوبها وتعاملها مع الطالبات
بالنسبة للاسئلة في الاختبارات كلها مقاليه وطريقة توزيعها للدرجات كيف
وفي دكتور لقبه زين بس مو عارفة اسمه لان الاودس موراضي يفتح معاي بس محاضرته في التاسع من من 1 الى 2 وثلث
ياليت تفيديني