سنه ثانيه طب / الترم الاول

[ممههنندد]

استفسار عن اول ترم فكليه الطب...

س/كل المواد مهمه بس ايش المواد اللي لازم نشيل همها شوي اكثر من غيرها ؟ وهل تنصحوني اجيب مدرس خصوصي ولو لماده واحده فقط ؟ وهل في مدرسين خصوصيين جيدين ومعروفين للي محتاج ؟


امل انكم تجاوبو على كل فقره اجابه فيها اهتمام مو(المواد كلها لازم تشيل همها ومايحتاج خصوصي ) وشكرا

[Feras L. Kindi]

اعتقد اخوي يكون افضل لو قرأت موضوع الحلقة الثانية سنوات لاطب الاساسية بالنواضيع المثبتة :)

بتلاقي شرح وافي وكافي للسنة الثانية .. واقرأ الاولى قبلها افضل

[د. هدّولا]

- أهلاً بك أخوي , فعْلاً كل المواد لازم تشيل همّها ..
لأنّ ترا المواد ساعاتها كتير 4 و 5 .. فصعب أنّك تهمل مادة ومادة تشد حيلك فيها ..
ولازم كل مادة تعطيها حقها , بالطريقة اللي تجي مَعاك أهم شي كل المواد تحاول تذاكرها أول بأول ..


- بالنّسبة للمدرسين الخصوصيين , أبشرك الترم الأول ماراح يكون عندك وقت حتى تدرّس نفسك ههه .. وبعدين الدكاترة معظمهم كويسين في الشرح .. وبعض المواد مايحتاج لها لأنها حفظ ..
وعموماً المشكلة ماراح تكون في الفهم .. راح تكون في المذاكرة وتنظيم الوقت .. وراح تلاحظ هالشئ لمن تدخل الكلية بإذن الله ..



- لاتنسى تطل عالحلقة الثّانية في المواضيع المثبتة



بالتوفيق :)

[د.هيما السلمي]

راح تلاحظ (اذا الله اكرمك و انقبلت) المدى الشاسع بين دكاترة التحضيري و دكاترة الكلية
و نصيحة حلوة افضل محاضرة لكل مادة هي اول محاضرة

[ممههنندد]

قريت الحلقه كويس وكذا مره ولخصتها عندي بورقه خارجيه ومره مره استفدت كثير منها الله يعطيه العافيه د/محمد

ومستعد ومتحمس بس باقي القبول يارب ينكتبلنا ........بس انا خوفي بعد الاستعداد وكل شي اتفاجا بنوع من الصعوبه فالفهم خاصه لانو الحفظ مالو حل الا الحفظ

...اديكم مثال عشان اوضح فكرتي مثال ماده الفيزياء دي السنه فالتحضيري كانت سهله الحمدلله على جميع الطلاب يعني اللي يجتهد يجيب 90 بسهوله ....رغم ذا انا كان عندي مدرس خصوصي خلاني اجيب 99 الحمدالله وتفرق دي الدرجه عن اللي جاب 90 امكن هيا اللي بتدخلني طب عن اللي جاب 90 فهمتو مقصدي


انتو بتقولو اقرا الحلقات وان شاءالله كل شي تمام انا اقصد انو ماتكفي الحلقات بس هل في ماده واجهتو صعوبه فيها تحتاج خصوصي .....مثلا انا سمعت (البايو كمستري) بس مادري دي الماده حفظ او فهم لو حفظ اكيد ماحجيب خصوصي

[MeeNo92]

البايوكمستري مرة يبغالو تركيز..
أول حاجة لازم تفهمو, بعدين طبعا لازم تحفظو..

أنا عن نفسي ما أعرف أحد جاب مدرس خصوصي في البايوكمستري, لأنو هوا لو فهمتو مرة خلاص حتظل فاهمو, بس يبقالك إنك تحفظ

وبعدين على قولة د.هدولا, من جد ما حتلاقي وقت أصلا لمدرس خصوصي, الترم الأول مرررة الدوام طويل

بس نصيحة: الأناتومي لازممم تذاكروا أول بأول, خصوصا الترم الأول

لأنو حتجي على نهاية الترم وتنصدم بالكمية المهولة من المعلومات

وتقعد تلطم وتتحسر على كل دقيقة ما ذاكرت فيها أناتومي :p

وبالتوفيييق يا رب

[بشائر الفرح =)]

أهلاً أخوي ,

ماشاء الله جميل إهتمامك من البدايه .. الله يفرحك بالقبول إن شاء الله ^^
بالنسبه للمواد خليني أقولك كل المواد تحتاج جهد ومذاكره أول بأول ..
بس في مواد عن مواد يعني مثلا الهيستو ( علم الخلايا والأنسجه ) والفاونديشين ( خمس مواد كل ماده فيها كم محاضره ) والأمبريو (علم الأجنه ) سهله وتقدر لو بس تذاكرها ف نفس اليوم اللي تأخذها فيها تثبت معاك وأغلب الدكاتره شرحهم ممتاز فما تأخذ منك جهد كبير وإن كانت كثيره معلوماتها ,,

لكن لو جينا مثلاً للبايو ( الكيمياء الحيوي ) والـ الأناتومي ( التشريح ) والـ الباثو ( علم الأمراض )
أول شيء لازم تعرفه عنها " إنها سهله فقط بالمذاكره أول بأول " لإنك لو أهملت وما ذاكرت حتتفاجئ بكم كبير من المعلومات ما تقدر تلحقه ولو قبل الإختبار بأكثر من يوم , لإنها مواد دسمه وعليها عدد ساعات أكثر من غيرها ! وبالمناسبه في ناس يجيبوا فيها b+ و A يعني سهله مقدور عليها بإذن الله ^^

* بالنسبه للمدرس الخصوصي فما أعتقد إنك تحتاجه .. حتى لو حسيت إنك متلخبط ومو فاهم نقطه معينه عود نفسك تفهم لحالك هذا أول شيء يعني افتح الكتاب وإقرأ فيه إلا ما تفهم شيء صدقني أو افتح فيديوهات على النت فيه فيديوهات توصل المعلومه بطريقه مبدعه وسلسله وفي طريقه ثانيه والأفضل إنك تسأل الدكتور عن أي شي مو واضح لك ف المحاضره أو ف مكتبه .. أصحابك أكيد ماحيقصروا حيشرحوا لك اللي تحتاجه بإذن الله .. > يعني في أكثر من طريقه وهذا الأفضل لإن مشوار الطب طويل وأول درس تتعلمه منه الإعتماد على نفسك في فهم المعلومه "

> موفق ي دكتور
أي سؤال لا تتردد
ومعليش ع الإطاله ^^

[د.هيما السلمي]

استغرب (او اني "فريد") من اللي يقول ان الطب فقط ("حفظ")؟؟؟!!!!

نحن (طلاب الطب) عشان نذاكر لازم نفهم ثم نفهم ثم نفهم و الاخييير الحفظ

و ان شاء الله اذا انقبلتوا و سوينا الدورة التعريفية راح نقولكم > اذا حطوني معهم

[m!ss-oudy]

::

كلـآم د/هيمـآ .. سسسليمً

هو دآرج بـ عقول النآس آن الطب فقط [ حفظ ]
مع آنه العكسس يحتـآج حفظ وفهم زي آي تخصص بـ الحيـآةً

الطبُ ممتع وجمميل
حتعـآني من الضغط الترمُ الـآول بس الترم الثـآني آهونُ
ومـآيحتـآج دكآترة خصوصين في آي مآده
ركز مع الدكتور + ذآكر من الشيتآت + آرجع للكتآب لو مآفهمت شي + مقآطع اليوتيوب فيهـآ آشياء مره تسآعد

وآن شاء الله تنقبل وتتسسهل ـآموركمُ
عـآد آنآ عآجبني رقم دفعتكم [ 12 ] ههههههههه

[ممههنندد]

ماشاءالله تبارك الله شكرا على ردود كل الدكاتره ......
تقريبا الردود قريبا من بعضها وقريبه من اللي فهمتو من الحلقه الثانيه.......
1- الاعتماد ع النفس في كسب المعلومه (من المحاضره نفسها-ارجع لدكتور نفسه- فديوهات مساعده)
2-حضور كل المحاضرات و(اركز فيها)
3-المذاكره اول ب اول
4-مايحتاج خصوصي وادا في صعوبات ترجع لدكتور



يالله الله يعيننا مهما اجتهدنا فالميسر والمسهل هوا الله وان شاء الله يارب انو مافي شي مستحيل دام الله فوق ....انا اللي اسمعو فالطب انو سهل تخلص 7 سنين بدون f وبدون حرمان لاكن الصعب هوا ((التفوق فيه وA+))