طريقك نحو التميز (خطة أ )

[M!SS Lara]

السلام عليكم ورحمة الله وبركاته



~~~~~~




تكملة للموضوع الي نزله الاخ جزاه الله خير A.Y.J في نصائحة لخطة ب الجدد ..
فأنا حبيت انو انزل موضوع لخطة ألف الجدد وبإذن الله الي يطبقة حيضمن الـa+ في كل المواد ..


وأخذت طريقتي من واحد كان العام تحضيري وكان جايب بمعظم موادهa+ ماشاء الله فاحتذيت طريقه والحمدلله الحين معظم موادي a+


بالبداية ..
انصحكم انكم منجد تنتهزو هذه الخطة لأنو الـa+ ماهو صعب ابدا فيها لكن يحتاج لشوية شغل..


بسم الله


(((( الماث ))))

مادة سهله لكنها طويلة ، من المهم جدا انكم تحضرو لدكتور يفهم ، ولو دكتورك مايفهم ، فأحضرو لتانيين المهم اتصرفو :)

والماث زي ماقلت طويلة ، فالي يدرسه يومالاختبار حيضيع ، لكن الي يدرسة اول باول فحيشوفه سهل جدا .
وانصحكم فيه بملخص السعدي .
(ادرسوه كويس وحلو التمارين الي فيه لأنو تجي من نفس افكاره كثيير بالاختبار)


ملاحظة مهمه :-
بالنسبة للأولاد ففي عندهم ابو جبل مدلعهم آخر دلع وينزل لهم اسأله يحلوها و تجي منها نسخ لصق مع تغيير الارقام (اسمه وورك شوب).

بس احنا البنات فما في ده الدلع ، بس في حل اسمه (ملخصات السعدي)



(((الفيزياء)))
ماده ماهي طويلة ، وكلها قوانين وتطبيق ، لكن الفهم برضو مهم لانو تجي اسأله فهم ..
الماده يحتاج لها برضو دراسه اول بأول والي ماتفهمه راجعه حتى تحس انك هاضمه .

وانصحكم فيه بملخص يوسف زويل جدا رهيب
وبدي الماده مايحتاج الكتاب ابدا ، ومافي حاجه للسكاشن وصداعها



(((الحاسب)))
ماده جيدة يتكلم عن (وندوز وعن وورد وبور بوينت واكسس واكسل وعن الانترنت والتعليم عن بعد ) وتنقسم لنظري ، ولعملي .

النظري اختباره ألكتروني ، والاختبار سهل واحيانا متوسط بس تدرسوه كويس جدا وقريب للحفظ .

العملي.. سهل وحيكون بـ دوريين
العلمي الدوري الأول حيكون في ((وورد))
العملي الدوري التاني حيكون في ((اكسل واكسس))

وبوربيونت عشانه سهل فأختباره حيكون مع النظري مش مع العملي .




((مهارات الاتصال))
ماده اختبارها برضو حيكون الكتروني ودي الماده الكل بيجيب فيها a+ لسهولتها ، وانا بنفسي انصحكم انكم تحضروه من اجل الاستفاده لأنو بدي الماده تعلمكم عن تطوير الذات وفن الحوار والاقناع ..
يعني منجد ماده مفيده بالحياه
.



وفيها تكاليف تعملوها وعليها درجات ، خطاب تقديم لوظيفة ، سيرة ذاتية ، نقد كتاب او مقالة او برنامج ،التقدم على وظيفة .
وفيها انشطة تانية عليها برضو درجات زي انكم حتعملو قروب وحتعملو عرض وتعرضو ، وكمان حتعملو مناظرة :)
وكلها انشطة لطيفة وتطبيق للي درسوه :)



وبالنسبة لدراستها فتكفي قرأئه بتركيز شديد .

ومهارات الاتصال مافيها إلا دوري واحد وفاينال وبس .

بالدوري الأول افتكر اني صميته صم وسهرت عشانه وراجعته باليوم الثاني بس حسيت بعدين اني بالغت جدا فيه ..

ففي الفاينال قرأته بتركييز شديد مره وحده وحليت الاختبار تمام الحمدلله ..

فالماده دي مره سهله والكل يحبوها فاطمنو


وأخيرا ..
انصحكم وبشدة بحل عدة نماذج اختبارات ساااابقة في الفيزياء والماث ، لأانها تقيس دراستك + حتحس بإطمئنان لأنو هيئتة زي الاختبار .



هذي كانت مغامرتي مع خطة ألف ..

ومره اخرى اقولكم انتهزو دي الخطة لأنها أسهل من خطة ب

والسلام عليكم
وأي سؤال انا حاضرة

[لولو الشهري]

مشكووووره والله يوفقكـ ياارب بالخطه الجااايـــه

[كثرين]

والله استفدت كتير شكراااااااااااااااااع طرح الموضوع

[عآشق الريم]

كفيتي و وفيتي


والله يجعله في موآزين حسناتك ويكتب لك بكل حرف حسسنة ,,

وآقول لاخواني فخططة ب لآ تضيع منكم هذي الفرصة لرفع المعدل خصوصآ اللي ضيعوآ ف الترم الآول

والله يوفقكم ويرزقكم الدرجآت العالية يآارب

[Deev]

تسلمي ياعسل الله يوفقك بخطه ب واي حاجه احنا حاضرين ^^

بس حبيت اسئلك ع ماده مهارات الاتصال انا سمعت فيها تكاليف تسويها
حابه اعرف ايش هيا ؟؟

^^

[M!SS Lara]

المشاركة الأصلية كتبت بواسطة deev تسلمي ياعسل الله يوفقك بخطه ب واي حاجه احنا حاضرين ^^ بس حبيت اسئلك ع ماده مهارات الاتصال انا سمعت فيها تكاليف تسويها حابه اعرف ايش هيا ؟؟ ^^

ايوا فيها تكاليف ..
سيرة ذاتية وخطاب تقديم ونقد كتاب :)

[Deev]

المشاركة الأصلية كتبت بواسطة m!ss lara ايوا فيها تكاليف .. سيرة ذاتية وخطاب تقديم ونقد كتاب :)

معليش بس ايش هوا خطاب التقديم
وهل في (برزنتيشن )عرض ؟؟

[M!SS Lara]

Deev

عملت تعديل لللموضوع واضفت فيه كل الانشطة والتكاليف المطلوبه بمهارات الاتصال :)

[M!SS Lara]

المشاركة الأصلية كتبت بواسطة deev معليش بس ايش هوا خطاب التقديم وهل في (برزنتيشن )عرض ؟؟

خطاب التقديم هو الخطاب الي تكتبية لما انتي تبغي تقدمي على وظيفه ، فيها معلومات عندك زي اسمك وجنسيتك وتاريخ ميلادك وبعدين تكتبي ايش تخصصك ودرجتك الدراسية (ماجستير أو دكتوراه ..) وتكتبي تخصصك وانك تبغي دي الوظيفة..

لاتشيلي هم حبوبة ، حتفهمي أكثر لما تأخذينه واحنا دكتورتنا اعطتنا نموذج عنه واحنا حنساعدكم فيه

[sara g]

جزاك الله خير والله يسهل لك الترم الجاي بس انا في بنات خوفوني من الاتصال والحاسب في الاختبار النظري انه كله حفظ و دش وانا مشكلتي مرره ما احفظ فياليت توضحي لي طريقتك في مذاكرتهم وشكرا مقدما