$$..استفسار..أرجو الإجابة لأني..محتار.. $$

[slashik]

حبايبي إليكم هذا النص..
((شددت بعض الجامعات على أنه في حال اجتياز الطالب برنامج السنة التحضيرية في فترة تزيد على فصلين دراسيين، فسيكون اختياره للتخصص بحسب التخصصات المتاحة في حينه، نظراً إلى كون بعض التخصصات مقفلة بسبب قبول الحد الأعلى من الطلاب فيها.))

فشخته من هذا الموضوع<<<<<<< ياحرامي

http://www.skaau.com/vb/showthread.php?t=59132

السؤال..
هل هذا الكلام ينطبق على جامعتنا الموقرة...؟

لأنه أنا سمعت إنه نتائج القبول في الكليات..ماتتطلع إلا بعد ماينتهوا حقين الترم الصيفي من الدراسة..
ورح يدخلوا الراسبين مع الناجحين في المنافسة على الكليات..ومافي شي رح يفوتهم!!

إليكم الإجابة..

$$ بقلـــــــــslashikـــــــــم $$

[تخصص 13]

والله مدري خيو
انا كمان سمعت كده
بس اصلا في احد يقلنا شي في دي الجامعه

وبعدين ليه مستعجلين ع التسكين اذا يتطلع النتايج بعد الترم الصيفي

[funtoon]

الكلام اللي سمعتو صح ،، وهوا اللي سمعتو أنا فآخر اجتماع سوتو الجامعه < اصلن ازا كان داكا الشي يسمى اجتماع

قصرو إنو الأستازة اللي كانت بتهرج سألوها البنات عن الرسوب والتسكين
فقامت أتصلت على واحد دكتور من عند الرجال ما ادري مين هوا
المهم قلها إنو التسكين آخر الصيف ،، مافي فرق بين اللي حمل المواد واللي نجح من أول مرا

،،
،
\
يعني طنش الهرجه دي وزاكر بيولوجي ياخويا :)

[rayyan1444]

يا غرنديزر اعتقد انو كلامك صح راح يدخلو الناجحين مع الراسبين


على العموم راح يكون لقاء مع المدير ورؤسااء الاقلام اقصد الاقساام خخخخ يو م الاحد وان شاء الله تستفيد

[slashik]

ههههههههههه.....والله ضحكتني ياريان

لا لا بالفعل..أنا متأثر من صغري من غريندايزر..

وبالفعل فلم كرتون حماسي..لا سيما إذا جاك دوكفليد (دايسكي) في مهمة..يطب من أعلى سباحي ويصارخ دووووووووووكفلييييييييييييييييد

ياشيخ والله أنهبل...

ولين دحين محتفظ بأشرطته..!!

والله ماحلفتني..كنت أجمع مصروف المدرسة في الابتدائية..خمسة على خمسة ..خمسة على خمسة..فتكون المحصلة في النهاية 25 ريال أدبرلي خمسة كمان وأشتريلي شريط!!
بالفعل كنت مهوووس..ولا تفوتك صورة دايسكي ياكبرها معلقة في غرفتي..طبعا اقصد أول مو إلحين

أما حكاية الصورة الرمزية هذه..
بحثت في جوجل عن صورة رمزية..وعلى طول جاء في خاطري غريندايزر..كذا بدون سابق إنذار
فحفظت صورهم وأخترت دايسكي..بحكم إنه هو البطل الأول للقصة..
لأنه بالفعل رمز من رموز الكرة السعودية...أوووه آسف.. أقصد رمز من رموز الأبطال إللي ماتلاقي في قواميسهم شيء إسمه يأس أو إحباط..

فعلى هذا الأساس..تم الإختيار

وإن شاء الله رح تشوف كوجي والبقية..

فهاذولي يشجعوني..إني اقدم كل مالدي لتخطي عقبات السنة التحضيرية

لأنهم بالفعل أبطال وطموحين...<<<<<والله متاثر وبالقوة

لا وتراهم عيال قبايل>لااااااااا هذه كثر منها

مادري إش دخلنا في ذا الموضوع..بس والله أيام..

الله يهديك ياريان..فتحت موضوع ماله باب..فمانقدر سكره

وتسلموووووووو

[lkjhg]

اقول فكرو في مستقبلكم وودي اسئل كم عدد السنه التحضيريه

[lkjhg]

طلاب التحضيري كم عددهم

[rayyan1444]

والله حالتك مستعصية الله يشفيك خخخخخخخخخخخخخخخخخخخخخ

بالنسبة لعدد طلاب السنة التحضيرة علمي = 2022

تبغى تعدهم روح للاودس وحط الفيزياء وشوف اللشعب وبس

[slashik]

ياهوووخرجنا عن الموضوع الأساسي..

أبغى إجابة على السؤال...

ترى فيه هدية..
7
7
7
7
7
حلاوة مصاص على شكل قلب

[monfana]

فهاذولي يشجعوني..إني اقدم كل مالدي لتخطي عقبات السنة التحضيرية

لأنهم بالفعل أبطال وطموحين...<<<<<والله متاثر وبالقوة



خخخخخخخخخخخخخ
سبحان الله ربي سخرهم لك
اخ ياأيام الطفــولة