بليــــــــزساعدوني بمشكلتي!!!

[ناني غلاهم]

سلااااااااااااام لكل صبايا المنتدى..
بأدخل بالموضوع عالطووول
انا بصراحه كارهه الجامعه لأني وبإختصار ماعندي صديقات فيها او الي عندي دوافير<خخخ ماشاءالله>وكل صاحباتي بالكليه وانا ابي اتونس الحياه موكلها دراسه ودرجات وبدون الصداقه الدنيا ماتسوى شي نفسي يكون لي صاحبااااات كثيــــــــر ونظل دوم مع بعض واكون شله كبيره وننبسط سوا ونفلها ذحين اعرف بنات بس علاقتي سطحيه لانهم دوافير وانا مااحب الرسميه كثير والله اني ارجع البيت من الطفش واكنسل محاضراتي عشان هذا السبب لي4اتراام والحين ودي اعتذر وابطل دراسه الوحده شيـــــنه مع ان شخصيتي اجتماعيه بس ماادري الجامعه هاذي قرفتني بعيشتي من دخلتها والمشاكل من كل صوب فبليــــــــــــــــــــــــزساعدوني انا بجد ابي صديقاااااات كثييييير....

[ناني غلاهم]

اتمنى انكم تتفاعلون معاي وماتتطنشوني

[Dream Girl]

اجتماعيه وهذا رابع سمستر ولا لك صديقات ... شلون تجي هذه

فرابع سمستر تكوني تعرفني على نص البنات كل مكان تروحيه تسلمي وانتي ماشيه تسلمي وانتي جالسه تسلمي ... هع هع

والموضوع ترى مايحتاجله هذا كلللللله ... اللي ترتاحيلها قوليلها وش رايك بكذا كذا وش رايك نجلس ونفطر

خذي الموضوع بهالسهوووله ... قال تفصلي من الجامعة عشان ماعندك صديقات تخرجين معهم

لايكونوا صديقاتك اكبر همك ...

موفقه ياعسووووله

[ماسة الليل]

السلام عليكم ورحمة الله وبركاته
أولا : انا أهنيك أختي ناني على صحباتك (الدافورات)
أنا عني بصراحة أفتخر إني مع زميلات يشجعوني ويحفزوني للمذاكرة
هذه هي نعم الصديقة
اللي تتمنى لية الخير وتوجهني للصواب
وتساعدني في تحقيق مرادي
ثانيا: الجامعة إسمها مكان للعلم مو للزمالة والصياعة
معليش مين اللي ضاحك عليكي بدا الكلام
ثالثا : أختي عن تجربة لمن تكوني مجدة وتدرسي وتشوفي الدرجات العالية
تحسي بلذة لاتوصف للعلم
رابعا : جربي كلامي منتي خسرانة وأنا كلي يقين إنك ما حتندمي
خامسا: سامحيني على الإطالة
وأشكرك على صراحتك هذا شيء رائع فيكي
ربي يوفقك وتصادقي زميلات طيبين زيك
ربي يحبك ما وقعك في بنات صايعين
وأعطاك فرصة فلا تضيعيها
وبالتوفييييق للجمييييع

[pulse heart]

ياعسسل انتي انا فااهمه عليكي

بصراحه مو حلو الواحد رايح جاي عالجامعه وفي البريكات يجلس لوحده

حاولي تتعرفي على بنااات طيبين ويحبو الخير لكي

لاتصاحبي بنات يكنسسلو كلاساتهم عششان يفطروا ويتمششوا <<

الله يعطيكي على قد نيتك

=)

[الحـلم الوردي]

ياعمري عليكي ياناني وربي حاسه فيك من جد مهما درستي وتعبتي في وقت تحتاجين تكون معاك اقل شي شله يخرجوك من جو الدراسه والتعب بالضحك والوناسه والجامعه مهي دراسه بس ومحد متعبنا غير انه كل محاضره يختلفون البنات عن المحاضره الثانيه اووكي انا معاكم اننا لازم نجتهد ونجيب درجات وننجح بس نجمع بين الاثنين الجد والوناسه الوناسه اقصد بحدود ولحد يفهمني غلط ...
ياقلبي ومو بس انتي كارهتها حتى انا ماني طايقتها وللحين احس اني مااتاقلمت وبعدين البنات الدوافير ترى هم ماعجبوكي مو علشانهم دوافير ماعجبوكي لان شخصياتكم تختلف والاراء بعد تختلف يعني مو عيب فيكي ولا هو عيب انك ماترتاحين لهم احنا بشر
فديتـــك ياعمــري مشي حالك محد مرتاح وربي وبعدين ماشاء الله احمدي ربك انتي اتخصصتي احنا فيها نتخصص وفيها نجلس في البيت بعد كرف سنه كامله ... يارب تلقين شله توسع صدرك وتنبسطين معاهم
سوري طولت عليكي بس حسيت انه ماسة الليل فهمتك غلط ..

[تهاني الشريف]

الحمد لله انو عندي صحبااات فلله ع الاخر
حبيت اقولك شي انا زيك رابع سمستر وتقريبا نص البنات اللي ف قسمي اعرفهم
وتقريبا بنات كتير من برا قسمي
انتي حاولي تتعرفي ع بنات يكونو بنفس مستوى تفكيرك
يعني شوفي انا لما اتعرف على وحده يعني عادي ابدا معاها سوالف عاديه بس تكون تضحك ف نفس الوقت
واكتر البنات اللي اتعرفت عليهم من صحبات صحباتي يعني لما تجي الوحده تسلم عايدي سلمي عليها
لما تشوفيها بمكان تاني ابتسمي لها هيا تلقائي لما تشوفك مرا تانيه تسلم عليكي وبكدا الين تصيرو صحبات
وبس
ترى الشغله بسيطه وماتحتاج شغل
كلها كم ابتسامه وخدي الحياه ببساطه يعني لا تهولي المواضيع حقت الدراسه

[الملاذ..]

ياقلبي .. تعالي عندنا في المبنى الرابع ..
شلتي حوالي 11 بنت .. واغلبهم تخصصاتهم علم اجتماع وفيهم علم نفس اثنين بس ..الا انا داخله عرض (محاسبهـ) خخخ
وكل يوم 2 او3 ثلاجات قهوه .. وحلى ..طفح وهرج ونلعب اونو وكوشينا (باصرهـ) ..خخخخ
حياك عندنا خيتووو
.. وان شاء الله تنبسطي معانا وتنفرطي زينا ههههههه ..

[ناني غلاهم]

[align=center]اختي الملاذ طيب بس كيف بأعرفك مااقدر حتى ارسلك رساله خاصه لاني مشاركاتي قليله كيف اتواصل معاك؟؟[/align]

[الملاذ..]

.. هلا خيتووو ..
ارسلتلك عالخاص ..