استفسآآر . رقم حــآفـــز ,

[miss roze]

السلآم عليكمَ
ي الغواليَ . اليومَ انآ رحت للجآمعهِ استفسرِ بخصوصِ حافز زيمآ انتوآِ عارفينِ الاغلبيه ماينزلهم على اساس اننا انتظآم
سالت اللي بالعماده وخليتهم يشيكون ع الجهاز وطلع مكتوب تعليم عن بعد قالتِ لي الموظفهِ اطبعي الافادهِ من الآلآودس وارسليها فاكس على حافز احسن حل
مين جربت رسلتها وطلعت مؤهله وِعلى ايةة رقم نرسل .!

انتظركمممَ ربيَ يوفقكم . . .

[اخت المهندس]

السلام عليكم
اتصلي على حافز وقدمي أعتراض .. وهما حيقولوا لك على طريقة الآرسال / لآنه أول شي لازم الموظفه ترفع أعتراض وبعدين تطلب منك أوراق ..
.. موفقه

[ترانيم الصمت]

920011559

هذا رقمهم المجاني لطشته لك من قوقل ^_^
وردي لنا خبر وش صار معك لاني يوم الثلاثاء رحت للجامعه وعند المركز الشامل
وصار لي نفسسسس الي حصل معك بالضبط اللهم ان الموظفه كانت فاقده اعصابها ههههه لاني قلت لها ابتاكد من بياناتي ماقلت لها انه عشان حافز من البدايه قعدت تقول الحين اتاكد وكل ذا عشان حافز حافز غييير وحنا غيير مالنا دخل بهم المهم الحل عندها اني ارسل فاكس زي ماقالو لك والله يعين

[ترانيم الصمت]

باك ^_^

طلاب التعليم عن بعد لهم الاحقيه في حااافز توني متصله عليهم

بعطيكم الخطوات step by step ...
اول شئ تتصلون على الرقم المجاني 920011559
بعدها يرد المجيب الالي اختاروا رقم 5 تقديم الاعتراضات بعدها تختارون رقم 1 التحدث مع الموظف لرفع الاعتراض بتسالك الموظفه عن اسمك وسبب اعتراضك (( سبب الاعتراض انك طالبه بجامعه عزوز وتدرسين على حسابك طالبه تعليم عن بعد )) بعدها تحولك لقسم تقديم الشكاوى
بعد تسالك عن اسمك وسبب الاعتراض بعدها تطلب
رقم سجلك المدني
اخر اربعه ارقام من الايبان
تاريخ ميلادك
رقم الجوال الي سجلتي بموقع حافز

بعد كذا يرسلون لك رساله على الايميل الي سجلتي به في الموقع يرسلون لك استبانه تعبينها واوراق مطلوبه ترفقينها بـالسكينر في الايميل وترسلينه للايميلهم وتصبرين بمده اقصاها 3 شهور و بس بالتوفيييييق ايه بعدها بتحولكم على التقييم ضبطوهم اضغطوا 1 بعدين 1

ملاحظه ...
اي وحده ينزل لها حافز تحول لي 500 حق الشرح والاجتهاد اول شهر بس بعد كذا بعفيكم <<< بدون كفوف بليز

[miss roze]

آخت آلمهندس . يعطيكِ العافيهِ
*
ترآِنيممَ . يعطيكِ العافيه . مشككورهِ مَ قصرتيَ
الاروآِق اللي يطلبوهآ آرسلهآِ بـ الـ فآِكس ولاَ كيفِ مَ فهمتتَ بهآِلنقطه
وبعدينِ ليشِ ننتظرِ 3 شهورِ انآ كنت مؤهله قبلِ واستلمتِ شهرينَ بس

[ترانيم الصمت]

المشاركة الأصلية كتبت بواسطة miss roze آخت آلمهندس . يعطيكِ العافيهِ * ترآِنيممَ . يعطيكِ العافيه . مشككورهِ مَ قصرتيَ الاروآِق اللي يطلبوهآ آرسلهآِ بـ الـ فآِكس ولاَ كيفِ مَ فهمتتَ بهآِلنقطه وبعدينِ ليشِ ننتظرِ 3 شهورِ انآ كنت مؤهله قبلِ واستلمتِ شهرينَ بس

هلا مس روز ^_^
لا يابعدي ماترسلينها بالفاكس بعد ماتخلصين معهم من التلفون بيرسلون لك رساله عى جوالك ويقولون لك تنتظرين اسبوعين تجيك استبانه عى ايميلك الي موجود عندهم ومعه اوراق هم طالبينها
تطبعين هالاستبانه وتملينها ثم ترجعين تدخلينها بالسكينر وترسلينها لهم مره ثانيه عى نفس الايميل الي ارسلوا لك منه واعتقد ان فيه اوراق بعد مطلوبه غير الاستبانه مدري المهم تنتظرين شهر قالت مو 3 اسفه لين يرسلون لك مره ثانيه هذا بالنسبه للي ماقد استلموا ولاتاهلوا انتي مدري اسالي الموظفه ... موفقه خيتو