استفسار بخصوص التسجيل للسكن الجامعي للطلاب

[KnowledgeSeeker]

السلام عليكم ورحمة الله وبركاته

انا قدمت على السكن الجامعي عن طريق نظام اودس ولكن لم يطلب مني النظام إلا الكشف الطبي وشهادة الثانوية , لكنني قرأت أن للسكن متطلبات أكثر , فمتى يطلبونها و أين ؟

وأيضا انا من اهل مكة المكرمة و بين بيتي وبين الجامعة تقريبا 80 كيلو وهو تحت المتطلب , هل سيرفضون طلبي أم "يمشوني " ؟

[SULT2N]

وعليكم السلام والرحمه

باقي المتطلبات تجيبها بعد ما يقبلونك ويعطونك موعد تجيهم بالاوراق وهالكلام يقولون انه قبل الدراسه باسبوع
وبالنسبه لسالفه قبولك والله محد يدري لكن ان شاء لله خير

[KnowledgeSeeker]

المشاركة الأصلية كتبت بواسطة sult2n وعليكم السلام والرحمه باقي المتطلبات تجيبها بعد ما يقبلونك ويعطونك موعد تجيهم بالاوراق وهالكلام يقولون انه قبل الدراسه باسبوع وبالنسبه لسالفه قبولك والله محد يدري لكن ان شاء لله خير

الله يعطيك العافية :] ,,

طيب نشوف لو فيه احد مر بتجربة مماثلة من اهل مكة يفيدينا

[a.m.j.s]

السلام عليكم
انا طالبة من المدينة وطلبت تحويل خارجي لجدة وتم قبولي الحمدلله تحضيري في جامعة الملك عبدالعزيز
وابغا اقدم على السكن بس الين دحين ما اعطوني رقمي الجامعي فهل في طريقة اني احجز على سكن قبل ما يروح عليا ويتملا

[KnowledgeSeeker]

المشاركة الأصلية كتبت بواسطة a.m.j.s السلام عليكم انا طالبة من المدينة وطلبت تحويل خارجي لجدة وتم قبولي الحمدلله تحضيري في جامعة الملك عبدالعزيز وابغا اقدم على السكن بس الين دحين ما اعطوني رقمي الجامعي فهل في طريقة اني احجز على سكن قبل ما يروح عليا ويتملا

وعليكم السلام

والله ما اقدر افيدك لأني لسا طالب جديد لكن حنا جتنا الارقام الجامعية ,,
والتقديم على السكن يكون عن طريق نظام اودس اللي لازم له رقم جامعي ,,
وكمان مافي " حجز للسكن" انتِ تقديمين على السكن وبعد مدة تصير مفاضلة ويقبلون الأولى (الأبعد)