استفسار عن التقديم لماجستير الهندسة الصناعية

[vip_temaa]

السلام عليكم ورحمة الله وبركاته,,,,,,,,,,,,,,,,,,,,,
وكل عام وانتم بألف خير

أنا موظف في تحلية المياه المالحة ومتخرج من كلية الهندسة قسم الهندسة الكهربائية(اتصالات والكترونيات ) سنة 1425هـ
الموضوع هو أريد التقديم للماجستير في قسم الهندسة الصناعية مع العلم انه معدلي 4.20 من 5 ولدي كذا استفسار:
-هل درجة التوفل مطلوبة للقبول والا يوجد بديل له لاني قريت في منتدى الجامعة انه مسموح دورة في اللغة الانجليزية لمدة لاتقل عن 5 اسابيع تكفي عن التوفل
اذا كان الخبر صحيح ماهو المستوى المطلوب والمعاهد المعتمدة لديكم حتى استطيع التسجيل في اقرب فرصه مع العلم انه لغتي جيدة وامارسها في عملي .
-هل يوجد اختبارات للقبول في الماجستير وماهي المستندات المطلوبة.
-هل تتعارض الدراسة مع العمل .

ولكم مني أجمل تحية ,,,,,,,,,,,,,,,

[م.عمر]

انا هندسة حاسب ودخلت ادارة اعمال لذا ماراح افيدك عن الهندسة الصناعية
بس مداخلتي البسيطة بخصوص اللغه انت تقول لغتك جيدة ليش تاخذ دورة طيب؟!
ادخل التوفل وبس
الاختبار ب170 دولار ادخل موقع ets وسجل في الاختبار في جدة وحتجيب فوق ال500 بالراحه بسهوله
ماادري ليش الشباب متخوفين من التوفل وهوا سهل

[م.عمر]

تصحيح
ول والله الاختبار كل ماله يرتفع سعره
انا اختبرت قبل سنتين ب165 دحين ب185 دولار
هذه اوقات الاختبار في جدة
Sat., Dec 13, 2008
Sun., Dec 21, 2008
Sat., Jan 10, 2009
Sun., Jan 18, 2009
Sat., Jan 24, 2009
Sat., Feb 14, 2009
Sun., Feb 22, 2009
Sat., Feb 28, 2009
Sat., Mar 14, 2009
Sun., Mar 22, 2009
Sat., Mar 28, 2009
Sun., Mar 29, 2009

طبعا الاختبار صار internet Based Toefl Test واتلغى حكاية Paper Based لكن لقيت فرع في الرياض مازال يقيم الاختبار الPBT ب150 دولار

[vip_temaa]

مرحبا اخوي
ومشكور على الرد
طيب اخوي بما انك هندسة واخذت ماجستير ادارة اعمال في اي كليه هذا التخصص
كيف قدمت على اداراه الاعمال وماهي شروطهم
اش الفرق بين إدارة الاعمال والهندسة الصناعية
وهل راح تفيدك اداره الاعمال بعد البكالوريوس كشهادة ماجستير
التوفل ضروري للقبول
هل الدراسة بالانجليزي او العربي
معلييييييييييييش طولت عليك في الاسئلة
انتظر ردك اخوي,,,,,,,,,,

المشاركة الأصلية كتبت بواسطة م.عمر انا هندسة حاسب ودخلت ادارة اعمال لذا ماراح افيدك عن الهندسة الصناعية بس مداخلتي البسيطة بخصوص اللغه انت تقول لغتك جيدة ليش تاخذ دورة طيب؟! ادخل التوفل وبس الاختبار ب170 دولار ادخل موقع ets وسجل في الاختبار في جدة وحتجيب فوق ال500 بالراحه بسهوله ماادري ليش الشباب متخوفين من التوفل وهوا سهل

[م.عمر]

انا سجلت في الرياض في جامعة الملك سعود لانه وظيفتي كانت هناك
سبب التغيير من هندسة حاسب الى ادارة اعمال الى الان انا مازلت اشك هل فعلت الخيار الصحيح او لا
بس حاكمني انه محاضرات ماستر الهندسة كلها في الصباح وعلى امل اني امسك منصب في الادارة في احد الشركات الخاصة قلت ادخل ادارة اعمال
هندسة صناعية اثنين من زملائي في العمل الان معايا واحد اخذها والثاني بيدرسها الان وماادري ايش موادها فما اقدر افيدك
لما كنت في الرياض التقديم كان سهل طبعا الاوراق المعتاده من هوية وشهادة وتوصيات من الدكاتره وموافقه العمل والتوفل كانوا طالبين 550 في الرياض لانه المواد كللللللللها انجليزي بحت
وكان في مقابله شخصية من 8 دكاتره وكانوا مشددين يعني كان في رفض لاي واحد يبين انه مو عارف ليش بيدخل القسم هذا
وبعدين انتقل عملي لجدة وقدمت اوراق النقل الى الملك عبدالعزيز
وبصراحه صارت حووووووووووووووووووسه بس كان زميلي معيد في الجامعه وساعدني بمتابعة الاوراق
لاني قدمت مباشرة للقسم وكان المفروض ارفع اوراقي لعمادة الدراسات العليا والعميد زعل مني وطلبوا اوراق من جامعة الملك سعود وانا في جدة مااقدر اروح واضطريت اسوي توكيل لواحد يجيبها يعني شغله
بس في واحد اسمه محمد قاضي سكرتير عميد الدراسات العليا في كلية الاقتصادر والادارة في الدور الثاني في مبنى الاقتصاد والادارة حبوووووب وخدوووومي ماشاء الله عليه
زوره وهوا يفهمك الوضع كامل اذا تبغى تسجل في الادارة

لاني ماادري كيف تسجيل الدخول مباشرة لجامعة الملك عبدالعزيز مثل ماقلت اني ناقل

التوفل او بديل التوفل ضروري بس الدرجة طالبينها منخضه جدا وسهل جدا تجيبها
الدراسه للاسف بالعربي ماعدا بعض المواد
ممكن يدرسوك مواد متطلبة انا اعطوني 7 يعني سنه كامله تضيع من غير فائدة للاسف لانه ماتدخل في المعدل

[vip_temaa]

مشكووووووووور اخوي عمر كفيت ووفيت
بصراحه كنت حاب اراسلك على الخاص بس مايسمح مادري ليه
بالنسبه للتوفل اذا اختبرت
اش الكتب والمستندات اللي ساعدتك على التوفل اذا كان عندك ممكن ترسلي هيا على ايميلي لاني حاب اقدم على التوفل بس ماني عارف
وزي مانت عارف الماجستير بالنسبة للموظفين صعب شوووي يعني لازم ندور تخصص تكون محاضراته في المساء علشان كذا حاب اقدم على هندسة صناعية وزيادة خيرين الماجستير الواحد مايدري في المستقبل اذا مافادته ماتضره والحياة فرص
ولك مني اجمل تحية

[م.عمر]

والله التوفل في اختبارات مجانية في النت بس في جزئين ماراح يمديك تقيم نفسك فيها
جزء الكتابة او المقال
وجزء التحدث
لكن لو اتعلمت كفاية على الاستماع والقراءة اعتقد تجيب درجة كويسه
اختبار بديل التوفل تبع الجامعه اسهل من التوفل ماافيه تحدث
ونحنا نعك ونتعب في التحدث
افضل كتاب موجود في مكتبة جرير معاه CD في 6 اختبارات شاملة احسن شي
اسم الكتاب Barron's TOEFL iBT preperation test
الاصدار 12 اعتقد
تسجل مثل ماقلت من النت وتدفع بالماستر كارد والاختبار يكون في مدارس الصفا او الصفوة او شي من هذا القبيل
نسيت اسم المدرسه لانهم يغيروا الموقع وحسب حجزك فين يكون

ايميلي موجود في التوقيع
وعلى العموم هذا هوا
ammooorit
على الجي ميل

على فكره انا دخلت اول مره جبت 88 من 120 في اختبار التوفل مايعادل 570 من 677
واعرف ناس راحوا امريكا ماجابوا هذه الدرجة الا رابع مره ماادري ليه مع اني عادي في الانجليزي بس دايما اتفرج mbc4 وافلاااااااام خخ
النظام الجديد من 120 من4 اقسام كل قسم ب30 درجة كتابة-تحدث-قراءه-استماع